វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 12 នាក់
ម្សិលមិញ 6001 នាក់
សរុប 13872842 នាក់
រាជធានីភ្នំពេញ៖ កាលពីព្រឹកថ្ងៃទី២៧ ខែឧសភា ឆ្នាំ២០២០ ដី របស់ប្រជាពលរដ្ឋ ០១គ្រួសារ ក្នុងចំណោមពលរដ្ឋ ៦៥គ្រួសារ ដែលកំពុងមានវិវាទ ស្ថិតនៅភូមិដើមគរ សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ ដោយមិនទាន់ទទួលបានដំណោះស្រាយពីក្រុមហ៊ុននៅឡើយត្រូវបានគ្រឿងចក្រក្រុមហ៊ុន OCICកំទេចដោយមាន សមត្ថកិច្ចចម្រុះខណ្ឌឬស្សីកែវ ប្រមាណជាង ៣០នាក់ ប្រដាប់ដោយអាវុធ និងដំបង ជួយការពារគ្រឿងចក្រ ផង ។
សូមបញ្ជាក់ថា ប្រជាពលរដ្ឋចំនួន ៦៥គ្រួសារ និងក្រុមហ៊ុន OCICតាំងពីឆ្នាំ២០១១មានទំនាស់ លើដីទំហំជាង ៤០ហិកតា មិនទាន់មានដំណោះស្រាយនៅឡើយទេ។ មូលហេតុគឺ ដោយសារតែភាគីខាងសាលារាជធានីភ្នំពេញ នៅតែប្រកាន់ជំហរផ្តល់សំណង ជូនប្រជាពលរដ្ឋ ៦៥ដែលបានកាន់កា់ដីខាងលើក្នុងមួយគ្រួសារត្រឹមតែ ១០ភាគរយ នៃទំហំដី របស់ពួកគាត់តែប៉ុណ្ណោះ។
ឯប្រជាពលរដ្ឋវិញ ទី១ ប្រកាន់ជំហរស្នើសុំកាត់ឆ្វៀល និងទី២ ចំពោះដីស្រែ និងចំការ ៥០ភាគរយ សុំលក់តាមតម្លៃទីផ្សារសេរី និង៥០ភាគរយទៀត ប្រគល់ទៅសាលារាជធានីភ្នំពេញ និងក្រុមហ៊ុន។ចំពោះទំនាស់ដីធ្លីនេះ សមាគមអាដហុក ក៏បានស្នើរដល់អាជ្ញាធររាជធានីភ្នំពេញ និងក្រុមហ៊ុន OCIC គួរបញ្ឈប់សកម្មភាពឈួសឆាយដីទំនាស់នោះសិន ដោយរង់ចាំការចរចារកដំណោះស្រាយជាមួយភាគីពាក់ព័ន្ធ ដោយសន្តិវិធី ដែលទទួលយកបានជាមុនសិន ចាំបន្តការងារអភិវឌ្ឍន៍គំរោងវិនិយោគ របស់ខ្លួនជាបន្តទៀតផងដែរ៕