វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4730 នាក់
ម្សិលមិញ 9706 នាក់
សរុប 14082973 នាក់
ភ្នំពេញនិងខេត្តកណ្តាល៖មេតាណុលដើម្បីផលិតអាល់កុលចំនួន២ទីតាំង ត្រូវបានកម្លាំងសមត្ថកិច្ចចម្រុះ១ក្រុម បង្ក្រាបនៅវេលាម៉ោង ៤និង៣០នាទី ល្ងាចថ្ងៃទី២ ខែមេសា ឆ្នាំ២០២០ ដោយបានធ្វើការដកហូតយកបានទឹកមេតាណុលចំនួនរាប់ម៉ឺនលីត្រ ។
ទីតាំងទី១ ស្ថិតនៅផ្ទះលេខ០២ ផ្លូវលេខ០១A បុរីពិភពថ្មី៣ ភូមិស្ងួនពេជ្រ សង្កាត់កន្ទោក ខណ្ឌកំបូល រាជធានីភ្នំពេញ និងទីតាំងទី២ ស្ថិតនៅផ្ទះលេខ១៨៨ ផ្លូវលេខ១៣A ក្នុងបុរីពិភពថ្មី៣ ភូមិត្រពាំងសុក្រុម ឃុំបែកចាន ស្រុកអង្គស្នួល ខេត្តកណ្ដាល ដែលមានម្ចាស់ជាជនជាតិចិន ឈ្មោះ HUANG SHURONGដែលបានគេចខ្លួនបាត់។
សមត្ថកិច្ច បានឲ្យដឹងថា នៅទីតាំងទី១ សមត្តកិច្ចដកហូតបានមេតាណុលមិនទាន់ប្រើប្រាស់ចំនួន ១០២ធុង និងមេតាណុលប្រើប្រាស់រួចរាល់ចំនួន ៨១ធុង ដែលក្នុង១ធុងៗមានចំណុះ២០០លីត្រ និងអាល់កុលចំនួនប្រហែល ១០០កាន ដែលក្នុង១កានៗចំណុះ៦០លីត្រ។
ចំណែកទីតាំងទី២ នៅស្រុកអង្គស្នួល ខេត្តកណ្ដាល សមត្តកិច្ចរកឃើញមេតាណុល ចំនួន ៦៩ធុង ដែលក្នុង១ធុងៗចំណុះ២០០លីត្រនិងប៊ីដុងចំណុះ ៣០លីត្រចំនួន ២០០ប៊ីដុង។
សមត្ថកិច្ចជំនាញកាំកុងត្រូលបានបញ្ជាក់បន្ថែមទៀតថា ភ្លាមៗនោះ មន្ត្រីជំនាញ បានធ្វើការពិសោធន៍ជាលទ្ធផលរកឃើញថា សារធាតុទឹកមេតាណុល និងអាល់កុលផលិតរួចនេះ អាចធ្វើឲ្យមានការប៉ះពាល់ទៅដល់សុខភាពអ្នកប្រើប្រាស់យ៉ាងខ្លាំង។សម្ភារៈ និងសារធាតុមេតាណុលទាំងអស់ ត្រូវបានប្រគល់ជូននាយកដ្ឋានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ នៃក្រសួងពាណិជ្ជកម្ម ដើម្បីរក្សាទុក និងគ្រប់គ្រងបន្តនិងបិទទីតាំងទាំង២នេះ ព្រមទាំងបន្តធ្វើការស្រាវជ្រាវស្វែងរកឃាត់ខ្លួនថៅកែជនជាតិចិនដែលកំពុងរត់គេចខ្លួននោះដែរ។