វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 489 នាក់
ម្សិលមិញ 8227 នាក់
សរុប 14127370 នាក់
ភ្នំពេញ ៖ រថយន្តម៉ាក RAV-4L មួយគ្រឿង ពណ៌ទឹកប្រាក់ ពាក់ស្លាកលេខភ្នំពេញ 2Z-5064 មានផ្ទុកជនជាតិចិន២នាក់ បើកក្នុងល្បឿនលឿនពេក ទៅបុកក្បាលនាគពុះចែកទ្រូងផ្លូវ បណ្តាលឲ្យរងការខូចខាតទ្រូងផ្លូវរីឯរថយន្តរងការខូចខាតផ្នែកខាងមុខយ៉ាងដំណំកាលពីវេលាម៉ោង ០៥:១០នាទីព្រឹកព្រលឹម ថ្ងៃព្រហស្បតិ៏ ទី១៩ ខែ កក្កដា ឆ្នាំ២០១៨ ស្ថិតនៅតាមបណ្តោយផ្លូវ ព្រះសីហនុ កែងផ្លូវ១៤៣ ស្ថិតក្នងសង្កាត់វាលវង់ ខណ្ឌ៧មករា រាជធានីភ្នំពេញ (ស្តុបរោងកុនគីរីរម្យ)។
តាមប្រភពព័ត៌មានពីអ្នកដែលជាអ្នកឃើញហេតុការណ៍បានឲ្យ ដឹងថា នៅមុនពេលកើតហេតុ គាត់ឃើញបុរស២នាក់ជាជនជាតិចិនបើកឡានខាងលើ ។លុះមកដល់ចំណុចជិតកោះពេជ្រ ខណ្ឌចំការមន ស្រាប់តែរថយន្តនោះផ្ទុះបែកកង់មុខខាងឆ្វេងលាន់ដូចរន្ទះ តែមិនឃើញជនជាតិចិនទាំងនោះចុះពីលើរថយន្តទេ គឺបានបើកបន្តដំណើរទៅមុខទៀត រហូតដល់ផ្លូវព្រះសីហនុ ទិសដៅពីកើតទៅលិចដោយសារតែរថយន្តកំពុងបែកកង់ឆ្វេងខាងមុខហើយ បើកក្នុងល្បឿនលឿនពេកទៀតនោះ ក៏ស្រាប់តែរេចង្កូត ទៅបុកក្បាលនាគពុះចែកទ្រូងផ្លូវពេញទំហឹងតែម្ដង បណ្តាលឲ្យបែកទ្រូងផ្លូវ រថយន្រងការខូចខាតផ្នែកខាងមុខយ៉ាងដំណំ បែកធុងទឹក និងធុងប្រេងម៉ាស៊ីនហូរហៀរពេញផ្លូវ និងបណ្ដាលឲ្យជនជាតិចិន២នាក់នោះ មិនបានដាក់ខ្សែរក្រវ៉ាត់ការពារសុវត្ថិភាព ក៏បានផ្លោងបោកក្បាលទៅបុកជាមួយកញ្ចក់រថយន្តទាំង២នាក់ ម្នាក់រងរបួសបែកក្បាលឈាមជោគខ្លួន មិនព្រមទៅមន្ទីរពេទ្យទេ នៅដើរទៅវិញទៅមកៗ ។
ពេលមានអ្នកយកព័ត៌មានទៅដល់ហើយថតរូប ត្រូវបានជនជាតិចិនម្នាក់ទៀតដែលរងរបួសស្រាល ដើរមកជិតរួចស្រែកដាក់អ្នកយកព័ត៌មាន ចង្អុលមុខបំរ៉ុង ទាញទូរស័ព្ទរបស់អ្នកយកព័ត៌មាននោះ តែត្រូវបានសមត្ថកិច្ចនិងអ្នកសារព័ត៌មានផ្សេងទៀត ជួយស្រែកឃាត់ទាន់ ទើបជនជាតិចិននោះដើរចេញវិញ។ហេតុសម្ថកិច្ចជំនាញក៏បានវាស់វែងនឹងស្ទូចយករថយន្តយកទៅរក្សាទុកនៅការិយាល័យចរាចរណ៏ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីរង់ចាំភាគីម្ចាស់រថយន្តមកដោះស្រាយទៅតាមនីតិវិធីច្បាប់ ។មិនដឹងថាអាតោហ៊ាចិនពីរក្បាលហ្នឹងវានមានបណ្ណ័បើកបរស្រុកស្ម៉ែរដែរអត់?៕