កម្ពុជាបដិសេធបិទទីក្រុងតែវៀតណាមប្រកាសត្រៀមបិទ
21-September-2026 / ព័ត៌មានជាតិ
កម្ពុជាវៀតណាម៖ សម្ដេចតេជោ ហ៊ុន សែននៅព្រឹកថ្ងៃទី៣០មិនាបាន បានគូសបញ្ជាក់ក្នុងសន្និសិទកាសែតនៅរ្ដឋសភាប្រកាសថាមិនមានការបិទទីក្រុងអីទេ។ “បញ្ហាការបិទក្រុង ការបិទប្រទេស ការបិទផ្សារ លក់ដូរ ការបិទភោជនីយដ្ឋាន ការបិទហាងកាហ្វេ ការបិទហាងទំនិញនោះមិនឈានដល់នោះទេ ។ ការធ្វើនេះ គឺគិតពីដំណើរការសេដ្ឋកិច្ចប្រទេស ហើយក្នុងនោះដំណើរការរោងចក្រ ក៏មិនបិទនោះទេ”។
សម្ដេចតេជោបានលើកឡើងថា ការមិនបិទកន្លែងខាងលើនេះព្រោះវាជាកន្លែងធ្វើឱ្យដំណើរការសេដ្ឋកិច្ចជាតិដើរ។ ប៉ុន្តែដើម្បីទប់ស្កាត់ការរីករាដាលជំងឺកូវីដ-១៩នេះ មធ្យោបាយនៃការដឹកជញ្ជូនមួយចំនួនបានបិទជាបណ្តោះអាសន្ន ក្នុងនោះមានរថយន្តក្រុង និងកាណូត។ទោះជាយ៉ាងណាសម្តេចងតេជោបានប្រកាសបិទកាស៊ីណូក្នុងស្រុកខ្មែរទាំងអស់ចាប់ពីថ្ងៃទី១មេសាតទៅ។
គួរជម្រាប នៅថ្ងៃទី២៥ ខែមីនា ឆ្នាំ២០២០ ក្រសួងទេសចរណ៍ បានជូនដំណឹងទៅអភិបាលរាជធានី-ខេត្តទាំងអស់ បិទអាជីវកម្មបៀរហ្កាឌិនតាមមូលដ្ឋានរបស់ខ្លួនជាបណ្តោះអាសន្នសិន ចាប់ពីថ្ងៃទី២៥ ខែមីនា ឆ្នាំ២០២០តទៅ ដើម្បីចូលរួមបង្ការ និងទប់ស្កាត់ការរីករាលដាលនៃជំងឺកូវីដ-១៩ ក្នុងប្រទេសកម្ពុជា។កន្លងមកករាជរដ្ឋាភិបាលបានអនុវត្តវិស្សមកាលមុនកាលកំណត់ បិទក្លឹបកម្សាន ខារ៉ាអូខេ រង្គសាល រោងភាពយន្ត និងសារៈមន្ទីរជាដើម។ផ្ទុយពីកម្ពុជាដែលមិនបិទទីក្រុងនៅស្រុកវៀតណាម
នាយករដ្ឋមន្ត្រីវៀតណាម លោក Nguyen Xuan Phuc បានស្នើឱ្យទីក្រុងធំៗនៅក្នុងប្រទេស ត្រៀមលក្ខណៈឱ្យហើយ ចំពោះលទ្ធភាពនៃការអុនវត្តវិធានការ «បិទទីក្រុង» ដើម្បីទប់ស្កាត់ការឆ្លងរាតត្បាតនៃជំងឺ COVID-19 ខណៈចំនួនអ្នកឆ្លងនៅក្នុងប្រទេសនៃតំបន់អាស៊ីអាគ្នេយ៍មួយនេះ កើនជិតដល់២០០នាក់។ នេះបើតាមការ ចេញផ្សាយដោយសារព័ត៌មាន CNA នៅថ្ងៃចន្ទ ទី៣០ ខែមីនា ឆ្នាំ២០២០។
នៅក្នុងសេចក្ដីថ្លែងការណ៍ ចេញផ្សាយនៅថ្ងៃចន្ទនេះ លោក Nguyen Xuan Phuc បានគូសបញ្ជាក់ដូច្នេះថា៖ «ទីក្រុងហាណូយ និងទីក្រុង ហូ ជីមិញ ត្រូវតែត្រួតពិនិត្យ និងធ្វើបច្ចុប្បន្នភាព លើផែនការប្រយុទ្ធប្រឆាំងនឹង COVID-19 ដោយត្រូវត្រៀមលក្ខណៈជាស្រេច សម្រាប់ការអនុវត្តវិធានការបិទទីក្រុង»។ លោកបន្ថែមថា វៀតណាម បាន ចូលដល់ក្នុងតំណាក់កាលនៃការឆ្លងរាលដាលកាន់តែខ្លាំងនៃជំងឺ COVID-19។ ដូច្នេះបណ្ដាទីក្រុងធំៗ ត្រូវពន្លឿន និងទាញប្រយោជន៍ពីពេលវេលា ដើម្បីអនុវត្តធានការចាំបាច់ នានា។
បើ គិតត្រឹមថ្ងៃអាទិត្យទី២៩មិនាម្សិលមិញ វៀតណាម មានអ្នកឆ្លង COVID-19 ១៩៤នាក់ តែមិនទាន់មានអ្នកស្លាប់នោះទេ។ បើតាមក្រសួងសុខាភិបាលវៀតណាម មនុស្ស ច្រើនជាង ៧៥,០០០នាក់ កំពុងអនុវត្តវិធានការនៅដាច់ដោយឡែកពីគេ ខណៈរដ្ឋាភិបាលទីក្រុងហាណូយ ធ្លាប់ប្ដេជ្ញារក្សាចំនួនអ្នកឆ្លងឱ្យនៅក្រោម១,០០០នាក់។
សម្រាប់កម្ពុជាទោះជាមិនបិទទីក្រុងតែបិទកាស៊ីណូក្លឹបកំសាន្តបៀហ្កាឌឹននិងផ្អាកសាលារៀនសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានឲ្យដឹងផងដែរពីផែនការរៀបចំនូវសេចក្តីព្រាងច្បាប់ពាក់ព័ន្ធនឹងការដាក់ប្រទេសឱ្យស្ថិតនៅក្នុងភាពអាសន្ន ស្របពេលដែលការរីករាលដាលនៃជំងឺកូវីដ១៩ កាន់តែខ្លាំងឡើង។«គឺយើងបានធ្វើសេចក្តីព្រាងច្បាប់នេះ រួចរាល់ហើយ មានទាំងសេចក្តីថ្លែងហេតុប្រុងប្រៀប។ យើងនឹងមានការបែងចែកថាអ្វីខ្លះដែលត្រូវធ្វើ អ្វីខ្លះដែលមិនត្រូវធ្វើ ហើយពេលនោះដាក់ចេញវិធានការបិទទីតាំងសាធារណៈ និងឯកជនណាមួយ ដែលមានភាពចាំបាច់ដើម្បីឆ្លើយតប»។
សម្តេចតេជោ ហ៊ុន សែន មិនបានបញ្ជាក់បង្ហាញអំពីខ្លឹមសារ នៃសេចក្តីព្រាងច្បាប់នេះនៅឡើយទេ ដោយបញ្ជាក់ថា ខ្លឹមសារនឹងបង្ហាញនៅពេលប្រជុំគណៈរដ្ឋមន្ត្រី នៅថ្ងៃសុក្រទី៣មេសាខាងមុខនេះ។ តាមសម្តេចតេជោសេចក្តីព្រាងច្បាប់ពាក់ព័ន្ធនឹងការដាក់ប្រទេសឱ្យស្ថិតនៅក្នុងភាពអាសន្ន គឺរៀបចំដោយ លោក កើត រិទ្ធ រដ្ឋមន្ត្រីក្រសួងយុត្តិធម៌ថ្មី ព្រមទាំងបានបញ្ជូនទៅបណ្តាឧបនាយករដ្ឋមន្ត្រីទាំងអស់ផងដែរ។
តាមរដ្ឋធម្មនុញ្ញបច្ចុប្បន្ន ការដាក់ប្រទេសឱ្យស្ថិតនៅក្នុងគ្រាអាសន្ន គឺជាការអនុវត្តតាម មាត្រា២២ នៅពេលដែលប្រទេសជាតិស្ថិតនៅក្នុងគ្រោះថ្នាក់ដែលមិនអាចព្យាករណ៍បាន។ ប៉ុន្តែទោះជាយ៉ាងនេះក្តី រដ្ឋធម្មនុញ្ញរបស់កម្ពុជា មិនបានចែងច្បាស់ និងលម្អិតអំពី អត្ថន័យ ឬសកម្មភាព ការដាក់ប្រទេសជាតិ ឲ្យស្ថិតនៅក្នុងគ្រាអាសន្ននោះទេ។
មាត្រា ២២ ថ្មី ចែងថា «នៅពេលប្រជាជាតិប្រឈមមុខនឹងគ្រោះថ្នាក់ ព្រះមហាក្សត្រទ្រង់ប្រកាសប្រទានដំណឹងជាសាធារណៈ ដាក់ប្រទេសជាតិស្ថិតនៅក្នុងភាពអាសន្ន ក្រោយពីបានមតិឯកភាពពី នាយករដ្ឋមន្ត្រី ប្រធានរដ្ឋសភា និង ប្រធានព្រឹទ្ធសភា»។ចឹងដើម្បីអនុវត្តន៍បានត្រូវធ្វើច្បាប់ស្តីពីការដាក់ប្រទេសក្នុងភាពអាសន្នជាច្បាប់អាជ្ញជាសឹកដែលពេលនោះបើដាក់ប្រើសិទ្ធសេរីភាពពលរដ្ឋត្រូវបានដកហូតអស់ហើយបើប្រកាសដាក់)៕
