សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ជាច្រើនទៀត

ចំនួនអ្នកទស្សនា

ថ្ងៃនេះ 3814 នាក់

ម្សិលមិញ 10264 នាក់

សរុប 14142996 នាក់

នគរបាលស្ទាក់ចាប់ឡានឈើបែកធ្លាយស្រាថ្លៃនាំចេញគេចពន្ធ

03-April-2024 / ព័ត៌មានជាតិ

ខេត្តស្វាយរៀង៖ ស្រាថ្លៃៗប្រភេទហិនិស៊ី(Hennessy) និងអ៊ិចអូ(XO) គេចពន្ធរាប់សិបកេះដឹកតាមរថយន្តយីឌុបធុនយក្ស០៥គ្រឿងបើកឆ្លងដែនពេលយប់ត្រូវបាននគរបាលខេត្តស្វាយរៀងចាប់បាននៅស្រុកកំពង់រោទ៌។ a xo

បើតាមមន្ត្រីនគបាលការិយាល័យប្រឆាំងបទល្មើសសេដ្ឋកិច្ចស្នងការដ្ឋាននគបាលខេត្តស្វាយរៀងបានឲ្យដឹងថា កាលពីវេលាម៉ោង១០និង៣០នាទីយប់ថ្ងៃទី២៨មិថុនា២០១៨ មានប្រជាពលរដ្ឋរាយការណ៍ថា មានរថយន្តយីឌុប០៥គ្រឿងផ្ទុកទំនិញពេញគ្របជិតសង្ស័យថា ដឹកឈើប្រណិតឆ្លងដែនទៅប្រទេសវៀតណាម។ ក្រោយពីបានព័ត៌មាននេះភ្លាមសមត្ថកិច្ចបានចេញស្ទាក់ឃាត់រថយន្តបាន០២គ្រឿងនៅវេលាម៉ោង១១និង១០នាទីយប់ គឺ១គ្រឿងស្ទាក់បាននៅចំណុចជិតវត្តចេកវ៉ា ឃុំបន្ទាយក្រាំងស្រុកកំពង់រោទ៌ សម្របសម្រួលដោយលោកគង់ចន្ទ័ខេមរិទ្ធ ព្រះរាជអាជ្ញាអមសាលាដំបូងខេត្តស្វាយរៀងធ្វើការឆែកឆេរកវត្ថុតាង ឈើប្រណិត ក៏ប៉ុន្តែការឆែកឆេនោះរកពុំឃើញមានឈើប្រណិតទេ មានតែទំនិញ គ្រឿងអេឡិចត្រូនិច ជជុះ ដូចជា ម៉ាស៊ិនត្រជាក់ ទូទឹកកក កង្ហាល់ ឡែនកាំម៉ារ៉ា លោកព្រះរាជអាជ្ញា ក៏មិនឃាត់រថយន្តទេអនុញ្ញាត្តឲ្យបន្តទៅកាន់ព្រំដែន។

រីឯរថយន្តយីឌុបមួយគ្រឿងទៀតដោយយប់ជ្រៅ ម៉ោង១និង១០នាទីរំលងអាធ្រាតឈានចូលថ្ងៃទី២៩មិថុនាក៏ឃាត់រថយន្តពាក់ស្លាកលេខភ្នំពេញ3A.6237 យកមកការិយាល័យប្រឆាំងបទល្មើសសេដ្ឋកិច្ចស្នងការដ្ឋាននគបាលខេត្តធ្វើការឆែកឆេ នៅវេលាម៉ោង១០និង១០នាទីព្រឹក សម្រមសម្រួលដោយលោកគង់ចន្ទ័ខេមរិទ្ធ ព្រះរាជអាជ្ញាអមសាលាដំបូងខេត្ត ចូលរួមដោយមន្ត្រីគយនិងរដ្ឋករខេត្ត នគបាលសេដ្ឋកិច្ច រកឃើញទំនិញគេចពន្ធ បង្កប់ក្នុងគ្រឿងអេឡិចត្រូនិច រួមមានស្រា Hennessy XOដបធំ ដបវែង រាប់សិបកេះនិងមានកង្ហាល់ ទូទឹកកក ម៉ាស៊ីនត្រជាក់ ចង្ក្រានហ្គាស់ កូតាប ស្បែកជើង ខោអាវ គ្រឿងក្រឡៃ
ចាន សំបកបារី និងអីវ៉ាន់ចាប់ហួយជាច្រើនមុខ ទៀត។គឺរកមិនឃើញមានឈើប្រណិតឡើយ។

ទាក់ទិនទំនិញគេចពន្ធ ស្រា Hennessy xo នេះមន្ត្រីសាខាគយនិងរដ្ឋករខេត្តបានមានប្រសាសន៍ថារហូតមកដល់ម៉ោង៣និង៣០នាទីរសៀលថ្ងៃ២៩មិថុនានេះរើឆែកពិនិត្យមិនទាន់ហើយរួចរាល់មិនដឹងថាមានទំនិញគេចពន្ធប៉ុន្មានទេ ដូច្នេះមិនអាចបំភ្លឺបានទេ ។ចំពោះទំនិញនាំចេញ លោកត្រូវពិនិត្យឯកសារ បើមិនទាន់បង់ពន្ធគឺបង់ពន្ធតែប៉ុណ្ណោះ គ្មានទំនិញហាមឃាត់ទេ ហើយគ្រឿងអេឡេចត្រូនិចជជុសនាំចេញមិនបង់ពន្ធទេ។ ទោះជាយ៉ាងណាមហាជននៅឆ្ងល់ថា ចាប់ឃាត់រថយន្តបានតែ២គ្រឿងឯ៣គ្រឿងទៀតបានបើកចូលទៅប្រទេសវៀតណាមបាត់ស្រមោលតាមច្រករបៀងទាំងយប់។បើទំនិញស្របច្បាប់ហេតុអី បានជាធ្វើចរាចរណ៍នៅពេលយប់អាធ្រាតបែបនេះ?។

ឆែកពេលថ្ងៃបែកធ្លាយ បង្កប់ស្រា ថ្លៃ ក្នុង១ដបតម្លៃចាប់ពី១២០ដុល្លារទៅជាង២០០ដុល្លារឯណោះ តើរថយន្ត៤គ្រឿងដែលចេញទៅប្រទេសវៀតណាមពេលយប់នោះមានបង្កប់ទំនិញគេចពន្ធប៉ុន្មានទៅ ?ឈ្មួញ ដែលជាម្ចាស់ទំនិញនេះត្រូវបាន គេបង្ហើបឲ្យដឹងថា ឈ្មោះយាយណាំ ជនជាតិវៀតណាមមានប្តីខ្មែរ រកស៊ីរបចឹងជាង២០ឆ្នាំមកហើយមិនដែលមានសមត្ថកិច្ចណាចាប់ឃាត់ពិនិត្យទេ ។បើកុំតែមានពតិមាន ថាមានដឹកឈើប្រណិតឆ្លងដែនទើបមានសមត្ថកិច្ចដាក់កម្លាំងស្ទាក់ចាប់ក៏បែកធ្លាយរឿងបង្កប់ទំនិញគេចពន្ធចឹងទៅ ។បានន័យថាគេសម្ងំស៊ីយូហើយ!៕ a xo1