វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3691 នាក់
ម្សិលមិញ 6359 នាក់
សរុប 14090324 នាក់
ភ្នំពេញ ៖ ក្រោយពេលឪពុកម្តាយលែងលះគ្នា ក្មេងស្រីរងគ្រោះបានទៅរស់នៅជាមួយឪពុកអស់រយៈពេល២ឆ្នាំឪពុកនាងក៏ទទួលមរណភាពចោលទៅ។ នាងបានទៅរស់នៅជាមួយជីដូននៅឯខេត្តកំពង់ស្ពឺ ជាស្រុកកំណើតខាងឪពុក(បង្កើត)។មិនបានប៉ុន្មានផងជីដូនបានទទួលមរណភាពបាត់ទៅទៀត។
នាងក៏សម្រេចចិត្តមករស់នៅជាមួយម្តាយសព្វថ្ងៃនេះនិងឪពុកចុងក្មេងនៅ តាមផ្លូវរថភ្លើង ក្នុងភូមិប៉ប្រ៉កជើង សង្កាត់កាកាបទី១ ខណ្ឌពោធិ៍សែនជ័យ ។ ខណៈម្ដាយមាន ស្រុកកំណើតនៅខេត្តស្វាយរៀង ។រស់នៅជាមួយម្តាយ នាង មិនដែលបានចូលរៀននោះទេ គឺទទួលបន្ទុកធ្វើការងារផ្ទះ តាមបញ្ជាម្តាយ ។ស្ត្រីជនរងគ្រោះនេះ ត្រូវបានមន្ទីរស.អ.យរាជធានីភ្នំពេញ បញ្ជូនទៅ ទីកន្លែងសុវត្ថិភាព តាមការស្ម័គ្រចិត្ត និងផ្តល់ថែទាំបណ្តោះអាសន្ន ដើម្បីធ្វើការសិក្សាករណី ប៉ាន់ប្រមាណ និងបង្រួបបង្រួមពីគ្រួសារ។
លោកស្រី ប្រធានមន្ទីរសង្គមកិច្ច អតីតយុវជន យុវនីតិសម្បទា រាជធានីភ្នំពេញ ដែលបានរំដោះនាងចេញពីម្ដាយចិត្តកំណាចនោះ បានបញ្ជាក់ថា, ក្មេងស្រីរងគ្រោះឈ្មោះ ស ស ព អាយុ២៤ឆ្នាំ ហើយ មានសុខភាពផ្លូវចិត្ត មិនសូវល្អ និងរូបរាង្គកាយស្គមស្លេកស្លាំង ខុសពីក្មេងស្រីដទៃទៀតដែលមានឪពុកម្ដាយគ្រប់គ្រងបីបាច់ថែរក្សាដ៏ត្រឹមត្រូវនោះ។
ប្រភពព័ត៌មានពីអ្នកជិតខាងបានបញ្ជាក់ឲ្យដឹងថា, ក្នុងការរស់នៅស្ត្រីរងគ្រោះទទួលរងអំពើហិង្សាពីសំណាក់ម្តាយ ជាញឹកញាប់។ ស្ត្រីជាជនរងគ្រោះនេះបានអះអាងថា ថ្ងៃកើតហេតុ ហូរឈាមនោះ នាងបានដួល ឮសន្លប់បង្កឲ្យមានការភ្ញាក់ផ្អើលពីមហាជិតខាង។ លោកស្រី មុំ ចាន់ដានី ប្រធានមន្ទីរសង្គមកិច្ចអតីតយុទ្ធជន និងយុវនីតិសម្បទានរាជធានីភ្នំពេញបានអោយដឹងថា , តាមការចង្អុលណែនាំពីលោក ឃួង ស្រេង អភិបាលរាជធានីភ្នំពេញ បានធ្វើឱ្យអាជ្ញាធរមូលដ្ឋាននគរបាលមានសមត្ថកិច្ច និងមន្ទីរជំនាញពាក់ព័ន្ធជាពិសេសមន្ទីរសង្គមកិច្ចអតីតយុទ្ធជននិងយុវនីតិសម្បទា រាជធានីភ្នំពេញ ចុះទៅពិនិត្យជាបន្ទាន់នូវករណីស្ត្រីរងគ្រោះវ័យក្មេង ឈ្មោះ ស៊ិន ស្រីពេជ្រ អាយុ ២៤ឆ្នាំ មានទីលំនៅ តាមបណ្ដោយផ្លូរថភ្លើង ស្ថិតក្នុងសង្កាត់កាកាប១ ខណ្ឌពោធិ៍សែនជយ័ រាជធានីភ្នំពេញ ក្រោយពីមានអំពើហិង្សាពីម្តាយ។ នៅថ្ងៃទី២៧ ខែមករា ឆ្នាំ២០២១នេះ លោកស្រីបាន ចុះដល់មូលដ្ឋាន ផ្លូវរថភ្លើង ជាទីកន្លែងកើតហេតុ។
ក្រោយមកក៏ទទួលស្ត្រីជាជនរងគ្រោះវ័យក្មេង ពីអធិការនគរបាលដ្ឋាន ខណ្ឌពោធិ៍សែនជ័យ ហើយមន្ទីរសង្គមកិច្ចអតីតយុទ្ធជន និងយុវនីតិសម្បទា រាជធានីភ្នំពេញ បានដឹកស្ត្រីជនរងគ្រោះទៅមន្ទីរពេទ្យបង្អែកពោធិ៍ចិនតុង ដើម្បីពិនិត្យ និងលាងរបួស។ ស្ត្រីរងគ្រោះបានទទួលថវិកាដ៏ថ្លៃថ្លាបំផុតរបស់លោក ឃួង ស្រេង អភិបាលរាជធានីភ្នំពេញចំនួន១លានរៀល ព្រមទាំងចង្អុលបង្ហាញឱ្យមន្ទីរជំនាញយកចិត្តទុកដាក់ធ្វើយ៉ាងណាផ្ដល់ការព្យាបាលសុខភាពផ្លូវកាយ ផ្លូវចិត្តឱ្យដល់ស្ត្រីរងគ្រោះ។
មន្ទីរសង្គមកិច្ចអតីតយុទ្ធជន និងយុវនីតិសម្បទា រាជធានីភ្នំពេញបានពិគ្រោះយោបល់តាមនីតិវិធី និងបានបញ្ជូនទៅទីតាំងសុវត្ថិភាព ផ្តល់សេវាផ្សេងៗ ពីអង្គការដៃគូរ។ លោកស្រីបន្តទៀតថា, ស្ត្រីវ័យក្មេងខាងលើមានស្នាមរបួសចាស់នៅលើក្បាលចំនួន៤កន្លែង និងរបួសថ្មីទើបដេររួច១កន្លែង។ប្រជាពលរដ្ឋ ដែលរស់នៅជិតខាងនិងមហាជន បានគាំទ្រ ការរំដោះក្មេងស្រីនេះ ចេញពីម្ដាយចិត្តកំណាច ហើយទៅរស់នៅកន្លែងសុខសាន្ត សុវត្ថិភាព មានភាពកក់ក្តៅ បានរៀនសូត្រដូចជាក្មេងៗដទៃទៀតដែរ៕