អភិបាលរងស្រុកជុំគិរី ទៅរៀបការប្រពន្ធថ្មី ខណៈមិនទាន់លែងលះដាច់

ច្រកទ្វារព្រំដែន ប៉ែកខាងកើត ( កម្ពុជា-វៀតណាម ) ប្រជា ពលរដ្ឋខ្មែរសប្បាយនឹងការលេងល្បែងសុីសងជល់មាន់យ៉ាងគគ្រឹកគគ្រេងក្នុងកាសុីណូ Casino Hotel Hero 777 ឯ ច្រកទ្វារព្រំដែនប៉ែកខាងលិច ( កម្ពុជា- ថៃ )ប្រជាពលរដ្ឋ ភ័យព្រួយនឹងការផ្ទុះអាវុធបាញ់ប្រយុទ្ធគ្នារវាងកងទ័ពថៃ និង កងទ័ពខ្មែរ

ក្រុមហ៊ុនវិនិយោគមួយបានអាជ្ញាបណ្ណគ្រោងបូមខ្សាច់ព្រែកកោះប៉ោតែអាជ្ញាធររសើបកោះប្រជុំជាមួយពលរដ្ឋសិន

បទបញ្ជារបស់នាយករដ្ឋមន្ត្រី ស្តីពីការប្រឆាំងនឹងល្បែងសុីសងគ្រប់ប្រភេទ មិនត្រូវបានអាជ្ញាធរ និងសមត្ថកិច្ចខេត្តព្រៃវែង យកមកអនុវត្តតាមទេ ?

មន្ត្រីនគរបាល២នាក់ ម្នាក់ជាអធិការរងនគរបាលស្រុកបវេល ត្រូវតុលាការឃុំខ្លួន ពាក់ព័ន្ធដោះលែងជនជាតិថៃជាថ្នូរលុយរាប់ម៉ឺនដុល្លារ

ខុសពីក្រុមសកម្មជនការពារព្រៃឈើក្រសួងព័ត៌មានមិនទទួលស្គាល់សកម្មភាពឈ្មោះ អ៊ុក ម៉ៅ ដែលចេញមុខការពារបរិស្ថាន!

ដីព្រៃជាច្រើនហិកតាត្រូវបានក្រុមមន្ត្រីបរិស្ថានដែនជម្រកសត្វព្រៃស្រែវាលនិងបក្ខពួកឃុបឃិតជាមួយឈ្មួយទន្ទ្រានធ្វើជាកម្មសិទ្ធ?

ជាច្រើនទៀត

ចំនួនអ្នកទស្សនា

ថ្ងៃនេះ 4545 នាក់

ម្សិលមិញ 12155 នាក់

សរុប 16970435 នាក់

ក្រុមហ៊ុនសុវណ្ណភូមិបុត្រសម្ពន្ធ័ក្រុមហ៊ុនអានម៉ារឌីឃុបឃឹតជាមួយមន្ត្រីជំនាញដាក់គ្រឿងចក្រឈូសឆាយដីព្រៃជម្រកសត្វព្រៃបឹងពែរ

21-May-2025 / ព័ត៌មានជាតិ

ខេត្តព្រះវិហារ៖ មានសេចក្តីរាយការណ៍ពីភាពមិនប្រក្រតីដែលបង្កឡើងដោយក្រុមហ៊ុន សុវណ្ណភូមិ ក្នុងប្រោះគ្រឿងចក្រឈូសឆាយបំផ្លាញព្រៃក្នុងសហគមន៍រំចេក ឃុំរមណីយស្រុករវៀងខេត្តព្រះវិហារ គឺជាដីដែនជម្រកសត្វព្រៃបឹងពែរ ។តែមន្ត្រីបរិស្ថានអភិរក្សជម្រកសត្វព្រៃបឹងពែរបែរជា ឆ្លើយថា ការឈូសឆាយដីនៅចំនុច អតីតសហគមន៍រំចេក ស្ថិតនៅក្នុងដែនជម្រកសត្វព្រៃបឹងពែ គឺនៅក្នុងដែនសមត្ថកិច្ច គ្រប់គ្រងរបស់រដ្ឋបាលព្រៃឈើទៅវិញ ។ a tracka

ឯលោក សុំ ស៊ីវត្ថា នាយផ្នែករដ្ឋបាលព្រៃឈើ បានឲ្យដឹងថា ថា ការឈូសឆាយដីដែនជម្រកសត្វព្រៃបឹងពែរ គឺស្ថិត១នៅក្រោមការគ្រប់គ្រងរបស់ បរិស្ថាន មិនមែនជាដែនសមត្ថកិច្ចរបស់លោកនោះឡើយ ។រីឯតំណាងក្រុមហ៊ុន សុវណ្ណភូមិ ដែលនៅក្រោមការគ្រប់គ្រងរបស់ក្រុមហ៊ុន អានម៉ារ៉ាឌី គឺលោកយានជាមេការធំបានប្រាប់កាសែតថា ដីកំពុងឈូសឆាយនោះជាដីរបស់ក្រុមហ៊ុន ពង្រីកបន្ថែមដើម្បីធ្វើការដាំដុះដំណាំបន្ត តែក្នុងនោះលោក ក៏បានបញ្ជាក់ថា ពុំមានឯកសារក្នុងការបញ្ជាក់ ពីទំហំដីរបស់ក្រុមហ៊ុនត្រឹមណា ទទួលបានការអនុញ្ញាតិត្រឹមណា ក្នុងការឈូសឆាយដីជិត១០០០ហិចតាបន្ថែមក្នុងដែនជម្រកសត្វព្រៃបឹងពែរ លោកបានប្រាប់ថាអត់មានទេ ឯកសារមានតែឯកសារចាស់ៗ នៅភ្នំពេញ?។

បើយោងតាមសមត្ថកិច្ចបរិស្ថាន និងសមត្រកិច្ច មេព្រៃ បង្ហាញថាការឈូសឆាយ ដីព្រៃក្នុងដែនជម្រកសត្វព្រៃបឹងពែរនេះ គឺពុំមានឯកសារតំម្កល់អ្វីទាំងអស់ ទើបធ្វើឲ្យមានការងឿង ឆ្ងល់ថា ក្រុមហ៊ុនសុវណ្ណភូមិ ដែលជាក្រុមហ៊ុនល្បី បែរជាធ្វើការឈូសឆាយដីព្រៃគ្មានឯកសារអ្វីទាំងអស់ឬក៏ មានជនលួចក្លែងបន្លំយកឈ្មោះក្រុមហ៊ុន សុវណ្ណភូមិ មកប្រើដើម្បី លួចឈូសឆាយដីព្រៃដោយគ្មានខុសច្បាប់ ។អង្គភាព សារព័ត៌មាន បានព្យាយាម ទំនាក់ទំនងលោក ឃឹង នុភាព ដែលជាតំណាងរាស្ត្រខេត្តកំពង់ធំ និងជានាយកក្រុមហ៊ុនអានម៉ារ៉ាឌី តែខលលើកហើយមិននិយាយ និងខលចូលហើយក៏មិនលើក ។

សូមបញ្ជាក់ថា ករណីគ្រឿងចក្រឈូសឆាយដីព្រៃ ក្នុងដែនជម្រកសត្វព្រៃបឹងពែរ មានគ្រឿងចក្រចំនួន៣គ្រឿង បានធ្វើសកម្មភាព ដូចចោរលួចដីរដ្ឋ ដោយមានការឈូសឆាយបណ្តើរ មានកម្មករនាំយកប្រេងមក ស្រោចលើដើមឈើ ដែលឈូសរួចហើយដុតបណ្តើរ ចំណែកគ្រឿងចក្របានវ៉ៃព្រៃលាន់រំពោងពេញព្រៃ ស្ថិតនៅចំនុចអតីតសហគមន៍ រំចេក ស្ថិតក្នុងឃុំរមណីយ ស្រុករវៀង ខេត្តព្រះវិហារ ។

តាមប្រភពព័ត៌មានច្បាស់ការមួយ សុំមិនឲ្យបញ្ជេញឈ្មោះ បានឲ្យដឹងថា ក្រុមហ៊ុនសុវណ្ណភូមិ បានឈូសឆាយដីគ្រប់តាមកំណត់រួចមកយូរហើយ ហើយក៏ពុំមានច្បាប់អនុញ្ញាតិឲ្យមានការឈូសឆាយដីព្រៃក្នុងជម្រកសត្វព្រៃបឹងពែរនោះឡើយ ។សង្ឃឹមថាឯកឧត្តម រដ្ឋមន្ត្រីក្រសួងបរិស្ថាន រួមទាំងមន្ទីរបរិស្ថានខេត្តព្រះវិហារ នឹងមានវិធានការក្នុងការពិនិត្យសកម្មភាពឈូឆាយដីក្នុងដែនជម្រកសត្វព្រៃបឹងពែរនេះ។ a tracka1 a trackter1