ឧត្តមសេនីយ៍ អ៊ី ចំរើន នាយ ប៉ុស្តិ នគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត សម្ងំប្រមូលសេដ្ឋកិច្ចចូលហោ ប៉ៅយ៉ាងស្ងៀមស្ងាត់ !?
07-May-2026 / ព័ត៌មានជាតិ
ខេត្តបន្ទាយមានជ័យ : នៅថ្ងៃទី ១៨ ខែកុម្ភ: ឆ្នាំ២០២៥ ក្រុមការ ងារអ្នកសារព័ត៌មាន បាននាំគ្នាចុះទៅយកព័ត៌មាន ស្តីពី ទិដ្ឋ ភាព និងសកម្មភាពជាក់ស្តែងរបស់បងប្អូនប្រជាពលរដ្ឋខ្មែរ រស់នៅ និងរកសុីនៅមាត់ច្រកទ្វារព្រំដែនអន្តរជាតិប៉ោយប៉ែត នៃខេត្តបន្ទាយមានជ័យ ។ បង ប្អូនប្រជាពលរដ្ឋ និងកម្មកររកស៊ីអូសរទេះ អ្នករត់ម៉ូតូឌុប រត់កង់បី ជាច្រើននាក់ បានផ្តល់បទ សម្ភាសន៍ថា : សព្វថ្ងៃនេះនៅចំណុចមុខមាត់ច្រកទ្វារអន្តរ ជាតិប៉ោយប៉ែត ស្ថិតក្នុងស៉ិចទ័រ ប៉ុស្តិនគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយ ប៉ែត មានអ្នកលក់ដូរគ្រឿងហូបចុកចំនួន៩តូប ដាក់តាំងទំនិញលក់ដូរប្រច្រៀតគ្នាជាប់ នឹងទីស្នាក់ការពេទ្យចក្រតាឡីស័ក មើលទៅដូចមិនសមទំនងសោះព្រោះជាទីកន្លែងសមត្ថកិច្ចធ្វើការងារ នៅច្រកទ្វារអន្តរជាតិដែលមានភ្ញៀវទេសចរបរទេសចេញ-ចូល ជាប្រចាំ ។
អ្នកលក់ដូរទាំងនោះសុទ្ធតែជាសាច់ ញាតិ និងខ្សែស្រឡាយមន្ត្ត្រីថ្នាក់ធំៗ ឬជាប្រពន្ធប៉ូលីសអន្តោ ប្រវេសន៍ច្រកទ្វារអន្តរជាតិប៉ោយប៉ែត ទើបអាចលក់ដូរនៅទីនេះបាន បើគ្មានខ្សែស្រឡាយទេ គឺមិនអាចចូលលក់ដូរបានទេ ។ ប្រភពពីអាជីវករម្នាក់បានលួច ប្រាប់ថា : តូបលក់ដូរនីមួយៗត្រូវចំណាយលុយបង់ទៅអោយប៉ូលីសរាប់មុឺនបាត(ប្រាក់ថៃ) ក្នុង១ខែៗ ។ ដោយឡែក សំរាប់ភ្ញៀវទេសចរជនជាតិថៃដែលចូលមកលេងល្បែងក្នុង កាស៊ីណូនៅក្នុងដីខ្មែរ រួចត្រឡប់ ទៅវិញ គឺត្រូវចំណាយលុយបង់អោយទៅក្រុមការងាររបស់ប៉ូលីសអន្តោប្រវេសន៍ ដែលមានគ្នាប្រហែល ១០នាក់ ជាអ្នកចាត់ ចែងរៀបចំវ៉ៃត្រាលើលិខិតឆ្លង ដែន VIP ក្នុង១នាក់ត្រូវបង់អោយប៉ូលីស១០០បាត និង ៥០បាត សំរាប់ពួកគេចែកគ្នា ក្នុង១ថ្ងៃៗភ្ញៀវថៃចេញ-ចូលរាប់រយនាក់ ។
ក្រៅពីការរកចំណូលពីអ្នកលក់ដូរទាំង៩តូប និងចំណូលលុយនៃការវ៉ៃត្រាលើលិខិតឆ្លងដែន VIP សំរាប់ជន ជាតិថៃមកលេងល្បែងសុីសងក្នុងកាសុីណូជារៀងរាល់ថ្ងៃ ប៉ូលីសអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត ដែលមានលោកឧត្តមសេនីយ៍ អុី ចំរើន ជាមេប៉ុស្តិ៍ អាចប្រមូលលុយពីក្រុមអ្នករត់ម៉ូតូឌុប និងរត់កង់បីបង់ជាប្រចាំខែដោយក្នុង១ខែចាប់ពី៣០០០បាត ឡើងទៅក្នុង ១គ្រឿង បើសិនជាអ្នករត់កង់បី ឬម៉ូតូឌុបណាមិនបង់លុយ អោយប៉ូលីសទេ គឺមិនអាចរកសុី ក្នុងសុិចទ័រ របស់ប៉ូលីសអន្តោ ប្រវេសន៍ច្រកទ្វារព្រំដែនអន្តរ ជាតិប៉ោយប៉ែតបានទេ ។ ករណីនេះទំនងជា ថ្នាក់ដឹកនាំស្ថាប័នខាងលើ គឺលោកឧត្តម សេនីយ៍ឯក សុខ វាសនា អគ្គនាយក នៃអគ្គនាយកដ្ឋាននគរបាលអន្តោប្រវេសន៍ និងថ្នាក់ដឹកនាំខេត្តបន្ទាយមានជ័យ បានជ្រាប បានសើមមាត់ សើម កទទួលលាភសក្ការ:ពីមេប៉ូលីសអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត ហើយមើល ទៅបានជាស្ងាត់ឈឹង ដូចចោរ លួចសេះ !? ។
ជុំវិញសេចក្តីព័ត៌មានខាងលើនេះ អ្នកយក ព័ត៌មានអង្គភាព គេហទំព័រ មាតុភូមិ បានព្យាយាមទំនាក់ ទំនង សុំការបំភ្លឺពីលោកឧត្តម សេនីយ៍ អុី ចំរើន មេប៉ុស្តិនគរ បាលច្រកទ្វារអន្តរជាតិប៉ោយ ប៉ែតដែរ តែពុំមានការឆ្លើយតបទេ ព្រោះលេខទូរស័ព្ទ របស់លោកពេលហៅចូល គ្មានការលើកទទួលទេ ឯតេឡេក្រាមវិញ ក៏ពុំមានការចូលមើលដែរ ៕ អង្គភាពសារព័ត៌មានគេហទំព័រ មាតុភូមិ រង់ចាំការបំភ្លឺពីគ្រប់ភាគីពាក់ព័ន្ធរៀងរាល់ ម៉ោងធ្វើការ ងារ តាមច្បាប់ស្តីពីរបបសារព័ត៌មាន តាមរយ:លេខទូរស័ព្ទ 012 953 824 / 016953 222 / 088 55 34 100/060.980.981/
