សម្តេចតេជោបំផុសស្មារតីជាតិនិយមក្នុងទិវាវប្បធម៍ជាតិ
09-November-2021 / ទេសចរណ៏និងវប្បធម៌
ភ្នំពេញ៖សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានបញ្ចេញប្រតិកម្មធ្ងន់ៗ ចំពោះការយករបាំព្រះរាជទ្រព្យរបស់ខ្មែរ ទៅសម្តែងនៅប្រទេសសិង្ហបុរី ដែលធ្វើឱ្យខុសនឹងវប្បធម៌ ប្រពៃណីខ្មែរ(សម្តែងរបាំព្រះរាជទ្រព្យ រាំនៅពីក្រោយគ្រូហុងស៊ូយ) ដោយចាត់ទុកថាជាការប្រមាថដល់វប្បធម៌ខ្មែរ រាជវង្សានុវង្ស និងអង្គព្រះមហាក្សត្រ។
ថ្លែងក្នុងពិធីប្រារព្ធទិវាវប្បធម៌ជាតិ ក្រោមប្រធានបទ «យុវជនដើម្បីវប្បធម៌ជាតិ» នៅមជ្ឈមណ្ឌលពិព័រណ៍ និងសន្និបាតកោះពេជ្រ នារសៀលថ្ងៃទី០៣ ខែមីនា ឆ្នាំ២០២០សម្តេចបញ្ជាក់ដូច្នេះថា៖ «អ្វីដែលធ្ងន់ធ្ងរជាងនេះ មនុស្សម្នាក់នេះ ជាជនជាតិម៉ាឡេស៊ី ហើយទើបនឹងចូលសញ្ជាតិសាំងហ្គាព័រ បានបន្តុះបង្អាប់ វាយប្រហារព្រះបរមរាជវាំងយ៉ាងធ្ងន់ធ្ងរ»។សម្តេចបញ្ជាក់ថា៖ «ប្រសិនបើធ្វើការបួងសួងឱ្យ ព្រះរាជាណាចក្រកម្ពុជា ក៏ខ្លួនឯងត្រូវរកទីតាំងឱ្យបានសមរម្យ ហើយមិនអាចឱ្យអ្នករបាំខ្មែរមកអង្គុយ និងរាំពីក្រោយបុគ្គលដែលជាគ្រូ អោមអាមនោះទេ»។
សម្តេចតេជោ ក៏បានបញ្ជាឱ្យហាមឃាត់លោក Cheah Fah Loong គ្រូហុងស៊ុយជនជាតិម៉ាឡេស៊ី សញ្ជាតិសង្ហបុរី ដែលរៀបចំរបាំព្រះរាជទ្រព្យដោយខុសឆ្គងនេះ មិនចូលមកប្រទេសកម្ពុជាផងដែរ ប៉ុន្តែបើសិនជាជននេះសុំទោសចំពោះទោសកំហុសខ្លួន រាជរដ្ឋាភិបាលនឹងពិចារណា ក្នុងការអនុញ្ញាតឱ្យចូលមកកម្ពុជាវិញ។សម្តេចបានបញ្ជាក់ថា នេះមិនមែនជាជម្លោះរវាងរាជរដ្ឋាភិបាលកម្ពុជា និងរដ្ឋាភិបាលសិង្ហបុរីនោះទេ គឺផ្តោតសំខាន់តែលើជនជាតិម៉ាឡេស៊ី សញ្ជាតិសិង្ហបុរីម្នាក់នេះ ដោយមានការរួមគំនិតជាមួយបុគ្គលខ្មែរមួយចំនួនប៉ុណ្ណោះ។
ទាក់ទងនិងបុគ្គលខ្មែរដែលនាំរបាំទៅសម្តែងនេះសម្តេចបញ្ជាក់បន្ត៖ «រាប់ទាំងបុគ្គលម្នាក់ដែលខ្ញុំចេញអនុក្រឹត្យដកចេញពីតំណែង ដែលជាជំនួយការរដ្ឋមន្ត្រីប្រតិភូអមនាយករដ្ឋមន្ត្រី ដែលមិនអនុញ្ញាតឱ្យគេប្រមាថរាជវង្សានុវង្សខ្មែរតាម Facebook ទេ»។
ក្នុងឋានៈជាអ្នកការពាររាជវង្ស ព្រះមហាក្សត្រ និងវប្បធម៌ សម្តេចបានណែនាំឱ្យក្រសួងវប្បធម៌ ណែនាំពង្រឹងវិស័យសិល្បៈខ្មែរបន្ថែមទៀត។ សម្តេចគាំទ្រឱ្យសិល្បៈខ្មែរទៅសម្តែងនៅក្រៅប្រទេស ប៉ុន្តែមិនមែនទៅធ្វើឱ្យសិល្បៈខ្មែរអាប់ឱនកិត្តិយសក្នុងកម្រិតណាមួយបានទេ។
សម្តេចតេជោ ហ៊ុន សែន បានសង្កត់ធ្ងន់ៗថា របាំព្រះរាជទ្រព្យជារបស់ជាតិខ្មែរទាំងមូល ដូច្នេះត្រូវរកឱ្យឃើញបើទោះបីអ្នកដែលនាំរបាំព្រះរាជទ្រព្យ ទៅសម្តែងនៅសិង្ហបុរី ជាព្រះរាជវង្សានុវង្ស ក៏ត្រូវតែយាងព្រះរាជវង្សានុវង្សនោះឱ្យក្រសួងវប្បធម៌ ដើម្បីឱ្យក្រសួងធ្វើការណែនាំ ហើយមិនអាចតាំងខ្លួនជាព្រះរាជវង្សានុវង្ស នាំរបាំងសិល្បៈខ្មែរទៅបំផ្លាញនោះទេ សិល្បៈរបស់យើង គឺជារបស់ប្រជាជាតិកម្ពុជា មិនមែនជារបស់សែរាជវង្សអង្គណាមួយនោះទេ ហើយអង្គព្រះមហាក្សត្រ ទ្រង់មិនដែលទុករបាំណាមួយជារបស់ទ្រង់ផ្តាច់មុខនោះដែរ។
សម្តេចតេជោ ក៏ដាក់បទបញ្ជាដល់ក្រសួងវប្បធម៌ និងវិចិត្រសិល្បៈ ឱ្យពង្រឹងវិន័យដល់អ្នកសិល្បៈការគោរពវិស័យសិល្បៈជាតិខ្មែរ ឱ្យបានហ្មត់ចត់ ហើយសម្តេចគាំទ្រឱ្យយក សិល្បៈកម្ពុជា ទៅសម្តែងនៅក្រៅប្រទេស ប៉ុន្តែមិនមែនយកទៅធ្វើឱ្យអាប់ឱននោះទេ។
ទាក់ទងនិងការការពារកម្មសិទ្ធបញ្ញាសម្តេច តេ ជោ នាយករដ្ឋមន្ត្រី បាន មានប្រសាសន៍ថា ៖« ខ្ញុំ សូម អំ ញ វ នាវ ដល់ ជនរួមជាតិ ទាំងអស់ ជាពិសេស បងប្អូន កូនក្មួយ សិល្បករ – សិល្បការិនី និង អ្នកនិពន្ធ ស្នាដៃ នានា ត្រូវ បញ្ឈប់ ជាបន្ទាន់ នូវ គ្រប់ ទម្រង់ នៃ ការរំលោភបំពាន យ៉ាងធ្ងន់ធ្ងរ លើ ច្បាប់ ស្តីពី សិទ្ធិ អ្នកនិពន្ធ និង សិទ្ធិ ប្រហាក់ប្រហែល។
តាមរយៈ ការយក ស្នាដៃ ចម្រៀង ស្នាដៃ ភាពយន្ត ស្នាដៃ រូបភាព ស្នាដៃ អក្សរសាស្ត្រ ស្នាដៃ អក្សរ សិ ល្បិ៍ និង ស្នាដៃ វប្បធម៌ ដទៃៗ ទៀត ទាំង ស្នាដៃ ដែលមាន មរតកសាសន៍ និង គ្មាន មរតកសាសន៍ មក ផលិត ឡើងវិញ ដោយ ពុំបាន សុំ ការអនុញ្ញាត ពី ម្ចាស់ សិទ្ធិ ឬ ពី ក្រសួង វប្បធម៌ និង វិចិត្រសិល្បៈ » នៅក្នុងនោះសម្តេចបានសុំសិល្បករកុំឲ្យជេរគ្នាតាម Facebook ។
សម្តេចបានគួសបញ្ជាក់ថា ការជេរគ្នាបែបនេះ ជារឿងអកុសលមួយ។ សិល្បករជាបុគ្គលសាធារណៈដែលមនុស្សរាប់ម៉ឺននាក់គាំទ្រ ដូច្នេះការជេរគ្នាតាម Facebook ក្នុងក្របខណ្ឌណាក៍ដោយ គែមិនត្រូវបានមានឡើយ។ សម្តេចេតជោ ហ៊ុន សែន ក៍បានស្នើសុំដល់សិល្បករទាំងអស់ ចូលរួមរក្សាតម្លៃសិល្បៈ វប្បធម៌ជាតិ រក្សារបៀបរបបទម្រង់សិល្បខ្មែរ។ សម្តេចបានគូសបញ្ជាក់ថាវប្បធម៌គ្មានការឈ្លានពានទេ មានតែការទទួលដោយស្ម័គ្រចិត្ត។
ជាសំណូមពរពិសេស ដែលពិភពលោកកំពុងព្រួយបារម្ភពីវីរុសកូរ៉ណានោះ សម្តេចបានសំណូមពរដល់សិល្បករទាំងអស់ចូលរួមផ្សព្វផ្សាយ អប់រំវិធីបង្ការវីរុសកូរ៉ូណានេះ ដល់ប្រជាពលរដ្ឋបានយល់ដឹង ផងដែរ៕
