វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2735 នាក់
ម្សិលមិញ 6501 នាក់
សរុប 13951290 នាក់
សៀមរាប៖កម្រាល និងចិញ្ចើមផ្លូវដុំបេតុងជម្រាបទឹកពិសេស នៃគម្រោងសាកល្បងការពារទឹកជំនន់ទឹកភ្លៀងក្នុងក្រុងសៀមរាប ជាគម្រោងរបស់ទីភ្នាក់ងារសហប្រតិបត្តិ-ការអន្តរជាតិជប៉ុន (JICA) ស្ថិតនៅតាមបណ្ដោយផ្លូវ ២ធ្នូ ពីចំណុចប្រសព្វផាប់ស្ទ្រីត (Pub Street) ដល់មុខក្លោងទ្វារ មន្ទីរពេទ្យបង្អែកខេត្ត ក្នុងភូមិមណ្ឌល១ សង្កាត់ស្វាយដង្គំ ក្រុងសៀមរាប ខេត្តសៀមរាប ត្រូវបានសម្ពោធដាក់ឱ្យប្រើប្រាស់ នារសៀលថ្ងៃទី១០ ខែកុម្ភ: ក្រោមអធិបតីភាពឯកឧត្តម ទៀ សីហា អភិបាល នៃគណ:អភិបាលខេត្ត ។
លោក ស៊ូកាណូ យូឈី (Sugano Yuichi) ប្រធានទីភ្នាក់ងារ សហប្រតិបត្តិការអន្តរជាតិជប៉ុន(JICA) ប្រចាំកម្ពុជា លោក យ៉ាប៊ូសាមិ គីយ៉ុណូរី (Yabusame Kiyonori) នាយកប្រតិបត្តិក្រុមហ៊ុន OMURA CERATEC Co.LTD។ ឯកឧត្តម ទៀ សីហាបានថ្លែងអំណរគុណ ចំពោះក្រុមហ៊ុន អ៊ុមុរ៉ា (OMURA) ដែលជឿទុកចិត្តលើការដឹកនាំរបស់រាជរដ្ឋាភិបាលកម្ពុជា ហើយបានមកបណ្តាក់ទុននៅកម្ពុជា ក៏ដូចជានៅក្នុងខេត្តសៀមរាប ។
ខេត្តសៀមរាប ជាខេត្តគោលដៅទេសចរណ៍ និងជាទីកន្លែងសម្រាប់រៀបចំសន្និសីទថ្នាក់ជាតិ-អន្តរជាតិ ដូច្នេះ ដើម្បីរក្សាបាននូវកិត្យានុភាពជាតិយើង ក៏ដូចជា ខេត្តសៀមរាបទាំងមូល ឯកឧត្តម អភិបាលខេត្តបាន អំពាវនាវដល់បងប្អូនប្រជាពលរដ្ឋ ចូលរួមថែរក្សាការពារនូវសមិទ្ធផលនានា ដែលសម្រេចបានរយៈពេលកន្លងមកឱ្យនៅគង់វង្ស ស្ថិតស្ថេរយូរអង្វែង ។
លោក គី វីរិន្ទ ប្រធានមន្ទីរសាធារណៈការ និងដឹកជញ្ជូនខេត្ត ឲ្យដឹងថា៖គំរោងកែលំអកម្រាលនិងចិញ្ចើមផ្លូវដោយប្រើកម្រាលជម្រាបទឹកពិសេសដើម្បីកាត់បន្ថយការលិចលង់ដោយជំនន់ទឹកភ្លៀងដែលជាជំនួយសាកល្បងរបស់Jicaត្រូវបានអនុវត្តក្នុងរយៈពេល៤ខែចាប់ពីខែកុម្ភៈដល់ខែឧសភា ឆ្នាំ២០១៩មានប្រវែង១០៧ម និងទទឹង២០ម ក្នុងនោះបានសង់សម្រួលគ្រឹះឡើងវិញ និងរៀបចំក្រាលកម្រាលបេតុងប្រភេទជម្រាបទឹកដោយបែងចែកជា៣ប្រភេទ ប្រភេទដុំបេតុងលើទ្រូងផ្លូវ ,ប្រភេទដុំបេតុងលើផ្លូវថ្មើជើង និងកែលំអបណ្តាញលូទឹកភ្លៀង ដែលសរុបថវិកាចំណាយចំនួន១៩៥.០០០ដុល្លារ ជាមួយគ្នានេះ ឯកឧត្តម អភិបាលខេត្តបានចំណាយថវិការប្រមាណជា៣០០.០០០.០០០(៣០០លានរៀល ) បន្តការងារក្រាលចិញ្ចើមផ្លូវដោយអនុវត្តបច្ចេកទេសដូចគ្នា ៕ អត្ថបទ និងរូបភាព:ប្រភពមន្ទីរពត៍មានខេត្ត។