វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 205 នាក់
ម្សិលមិញ 5378 នាក់
សរុប 14079498 នាក់
ភ្នំពេញ៖នៅថ្ងៃទី០៩ ខែកុម្ភៈ នៅស្រុកកៀនស្វាយ ខេត្តកណ្តាលនារីម្នាក់ត្រូវបុរសជាសង្សារកាប់ជាច្រើនកាំបិត បណ្តាលឲ្យរបួសធ្ងន់។ជនរងគ្រោះរបួសដាច់ម្រាមដៃនាងខាងស្តាំចំនួន១ រយះកដៃស្តាំដាច់ដល់ឆ្អឹង និងស្មាបោះដៃផុតមួយកន្លែង។
សមត្ថកិច្ចបានឲ្យដឹងថា នារីរងគ្រោះឈ្មោះ អ៊ន ស្រីល័ក្ខ អាយុ២៥ឆ្នាំ រស់នៅភូមិព្រែកតានប់២ ឃុំកំពង់ស្វាយ ស្រុកកៀនស្វាយ ខេត្តកណ្តាល។ ចំណែកជនសង្ស័យឈ្មោះ ចក់ ពឿន ភេទប្រុស អាយុ៣៧ឆ្នាំ រស់នៅភូមិព្រែកតានប់ ឃុំកំពង់ស្វាយ ស្រុកកៀនស្វាយ ខេត្តកណ្តាល (គេចខ្លួន) និងម្នាក់ទៀត មិនស្គាល់អត្តសញ្ញាណ (គេចខ្លួន)។
នៅថ្ងៃកើតហេតុ ជនរងគ្រោះកំពុងដេកនៅក្នុងផ្ទះរបស់ខ្លួនតែម្នាក់ឯង ដោយដាក់គន្លះទ្វារជាប់ខាងក្នុង។ ជនសង្ស័យបានដឹងថានារីរង គ្រោះដែលជាសង្សារបស់ខ្លួន ធ្លាប់រស់នៅជាមួយគ្នា ពីមុនមក ពេលនាងទៅធ្វើការនៅភ្នំពេញ ក្រោយមកនាងបានវិលត្រឡប់មកដល់ផ្ទះវិញ។ ពេលនោះជន សង្ស័យជិះម៉ូតូចេញពីផ្ទះរបស់ខ្លួនជាមួយមិត្តភក្តិ ដោយមានកាំបិតផ្គាក់យកជាប់ជាមួយផង។
ពេលមកដល់ផ្ទះនារីរងគ្រោះ ជនសង្ស័យ ក៏បានស្រែកហៅឲ្យបើកទ្វារ តែនារីរងគ្រោះមិនបានបើកទ្វារឲ្យ។ ពេលនោះ ជនសង្ស័យ បានគំរាម និងយកកាំបិតផ្គាក់កាប់ទ្វារផ្ទះ។ ជនរងគ្រោះ ភ័យពេកក៏បើកទ្វារត់ចេញមកក្រៅផ្ទះស្រែកឲ្យគេជួយ តែត្រូវជនសង្ស័យចាប់ជាប់ ហើយបីរត់បានប្រហែល៣០០ម៉ែត្រ ក៏លើកដាក់ម៉ូតូជិះមកផ្លូវលំចំណុចទួលដំបង។ លុះនាងរើខ្លាំងពេក ជនបង្កខឹងឈប់ម៉ូតូ ទាញកាប់កាំបិតកាប់ជាច្រើន បណ្ដាលឲ្យរងរបួសធ្ងន់ រួចយកកាំបិតជិះម៉ូតូរត់គេចបាត់។
ក្រោយពេលកើតហេតុកម្លាំងប៉ុស្តិ៍នគរបាលកំពង់ស្វាយ ចុះដល់ទីតាំង ជួយសង្គ្រោះបញ្ជូនជនរងគ្រោះទៅសម្រាកព្យាបាលនៅមន្ទីរពេទ្យ និងបន្តស្រាវជ្រាវរកជនសង្ស័យ ដើម្បីយកមកផ្ទន្ទាទោស៕