ជម្ងឺគ្រុនក្តៅថ្មីចេញពីខេត្តវ៉ូហានបង្កការភ័យខ្លាចព្រោះបានសម្លាប់មនុស្សអស់២៥នាក់នៅស្រុកចិនសង្ស័យចម្លងមកពីប្រចៀវ!
02-May-2023 / ព័ត៌មានអន្តរជាតិ
ប្រទេសចិន៖ជម្ងឺគ្រុនក្តៅថ្មីហៅកូរ៉ូណាវិរុសដែលកំពុងចម្លងមនុស្សយ៉ាងលឿនសម្លាប់មនុស្ស២៦នាក់និងចម្លងមនុស្សជាង៨០០នាក់នៅខេត្តវូហានប្រទេសចិន ត្រូវបានអ្នកវិទ្យាសាស្ត្រចិនវាយតម្លៃថាអាចមានប្រភពចេញពីសត្វប្រជៀវ ជ្រឹងឬពស់ នេះបើតាមការវិភាគហ្សេណេទិចនៃវីរុសដែលបាន ។
ការសិក្សាដែលត្រូវបានចុះផ្សារក្នុងសារព័ត៌មានScience China Life Sciences និងគាំទ្រដោយបណ្ឌិតសភាវិទ្យាសាស្ត្រចិន បានបានឲ្យដឹងថាបើពិនិត្យទំនាក់ទំនងរវាងវីរុសប្រភេទថ្មីនេះនិងវីរុសផ្សេងៗវាបានរកឃើញថា កូរ៉ូណាវីរុសនៅក្រុងវូហាននេះ មានទំនាក់ទំនងជិតស្និទ្ធនឹងប្រភេទវីរុសនៅក្នុងខ្លួនសត្វប្រជៀវ(ជ្រឹង)។
ការសិក្សាទី២ ចេញផ្សាយកាលពីថ្ងៃពុធទី២២មករាក្នុងសារព័ត៌មានMedical Virologyបានសំគាល់សត្វពស់ថាអាចជាប្រភពដើមនៃវីរុស។
សូមបញ្ជាក់ថា ផ្សារគ្រឿងសមុទ្រក្រុងវូហានដែលគេគិតថាជាប្រភពផ្ទុះវីរុសនេះ ក្រៅពីសាច់សត្វសមុទ្រក៏មានលក់សត្វព្រៃរស់ ដូចជា ជ្រឹង ក្រពើ កូនឆ្កែចចក ពស់ កណ្តុរ ក្ងោក កាំប្រមា ឈ្លូស និងសាច់អូដ្ឋ។
កាលពីចិនផ្ទុះជម្ងឺផ្លូវដង្ហើមស្រួចស្រាល់ ឬSARSកាលពី១៧ឆ្នាំ គេក៏ជឿថាវាបង្កឡើងពីសត្វសំពោច។សូមបញ្ជាក់ថាដើម្បីទប់ស្កាត់ការរីករាលដាលនៃមេរោគកូរ៉ូណាវីរុស ដែលបានសម្លាប់មនុស្ស ចំនួន ២៦នាក់ នៅប្រទេស ចិន និងឆ្លងទៅមនុស្ស ជាង ៨០០នាក់ នៅប្រទេសចិន និងប្រទេសអាស៊ីមួយចំនួន អាជ្ញាធរចិន បានចាត់វិធានការតឹងខ្លាំង មិនធ្លាប់មាន ដោយបានសម្រេចបិទច្រកចេញទាំងអស់របស់ទីក្រុងចំនួន ១៣ ក្នុងខេត្ត ហូពេ ដែលនៅក្នុងនោះមានផងដែរ ទីក្រុងវូហាន ដែលជាប្រភពកើតចេញដំបូងនៃមេរោគកូរ៉ូណាវីរុស។ គោលដៅសំខាន់ជាងគេ គឺទប់ស្កាត់កុំឲ្យមានការឆ្លងរីករាលដាលកាន់តែខ្លាំង មេរោគ កូរ៉ូណាវីរុស នៅប្រទេសចិនជាពិសេស នៅក្នុងឱកាសបុណ្យចូលឆ្នាំចិន ដែលគេរំពឹងថា នឹងអាចមានប្រជាជនចិន ជាង ៣ពាន់លាននាក់ ដែលអាចធ្វើដំណើរផ្លាស់ទី ក្នុង និងទៅក្រៅប្រទេស។
អាជ្ញាធរចិនបានសម្រេចបិទមុនគេ ទីក្រុងវូហាន ក្នុងខេត្តហ៊ូពេ ដែលជាប្រភពកើតចេញ និងមានអ្នកស្លាប់ច្រើនជាងគេ ដោយសារមេរោគ កូរ៉ូណាវីរុស។ មធ្យោបាយធ្វើដំណើរ តាមផ្លូវរថភ្លើង យន្តហោះ និងច្រកចេញទាំងអស់ពីទីក្រុង ត្រូវបានបិទផ្អាក លែងឲ្យមានសកម្មភាពទីក្រុងទាំងអស់របស់ខេត្តហ៊ូពេ ដែលមានចំនួន ១៣ ដែលមានប្រជាជនរស់នៅសរុប ជាង ៤១លាននាក់ ដែលស្មើនឹងចំនួនប្រជាជនសរុបរបស់ប្រទេសកាណាដា។
តាមកាសែតក្នុងស្រុកចិន អាជ្ញាធរបានសម្រេចផងដែរ សង់មន្ទីរពេទ្យ ដាច់ដោយឡែក មួយនៅទីក្រុងវូហាន សម្រាប់ព្យាបាលតែអ្នកជម្ងឺកូរ៉ូណាវីរុស។ មន្ទីរពេត្យដែលមានសមត្ថភាពដាក់អ្នកជម្ងឺ ១ពាន់នាក់ នឹងអាចចប់រួចរាល់ ក្នុងរយៈពេល១០ថ្ងៃ ពោលគឺអាចទទួលអ្នកជម្ងឺ ចាប់ពីថ្ងៃទី ៣កុម្ភៈខែក្រោយ។
សម្រាប់កម្ពុជាបើយោងតាមសេចក្តីជូនដំណឹងរបស់ក្រសួងសុខាភិបាលចេញ កាលពីថ្ងៃ២១មករា ឆ្នាំ២០២០១ ដើម្បីបង្ការនៃឆ្លងវីរុសកូរ៉ូណានេះ ពលរដ្ឋគ្រប់រូបបើគ្មានភារកិច្ចទេត្រូវជៀសវាងចូលកន្លែងចិញ្ចឹមសត្វ ឬ ប៉ះពាល់សត្វ នៅតាមកសិដ្ឋាន ទីផ្សារលក់បក្សីរស់ កន្លែងសត្តឃាត និងកុំប៉ះពាល់ផ្ទៃណាមួយដែលកខ្វក់ដូចជាលាមករបស់សត្វគ្រប់ប្រភេទ។ ជៀសវាងការប៉ះពាល់ជិតសិទ្ធជាមួយអ្នកមានជំងឺផ្លូវដង្ហើមស្រួចស្រាវ។ លើសនេះទៅទៀត គឺត្រូវជ្រៀសវាង ប៉ះពាល់ និង បរិភោគសត្វនិងគ្រឿងសមុទ្រ ដែលមកពីកន្លែង មានវីរុសកូរ៉ូណា កំពុងចរាចរណ៍។
ក្រសួងក៏បានណែនាំពលរដ្ឋឱ្យលាងញឹកញាប់ជាមួយសាប៊ូ និងទឹកស្អាត បន្ទាប់ពីបានប៉ះពាល់សត្វឬវត្ថុផ្សេងៗដែលអាចជាប្រភពចម្លងមេរោគ ព្រមទាំងប្រកាន់ខ្ជាប់នូវអនាម័យ និងចំណីអាហារជានិច្ច។ ពិសេសត្រូវចម្អិនបក្សី និងស៊ុតឱ្យបានឆ្អិនត្រឹមត្រូវ ដើម្បីជៀសវាងការឆ្លង វីរុសផ្តាសាយបក្សី ឬ វីរុសកូរ៉ណានេះ ។ដោយឡែកអ្នកមានរោគសញ្ញាជំងឺផ្លូវដង្ហើមស្រួចស្រាវ ត្រូវខ្ទប់មាត់និងច្រមុះពេលក្អក ឬកណ្តាស់ ដោយកន្សែង ក្រម៉ា និងក្រដាសជាដើម។
