វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1658 នាក់
ម្សិលមិញ 5020 នាក់
សរុប 14117105 នាក់
ភ្នំពេញ៖លោកប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេសនិងសហ ប្រតិបត្តិការអន្តរជាតិនៅរសៀលថ្ងៃទី២២ ខែមករា ឆ្នាំបានទទួល ជួបពិភាក្សាការងារជាមួយគណៈប្រតិភូសភាតំណាងរាស្ត្ររបស់សហរដ្ឋអាមេរិក៣រូបដឹកនាំដោយលោក ម័រ តុន សមាជិកសភាមកពីគណប្រជាធិបតេយ្យ(សមាជិកសភាមកពីគណបក្សសាធារណ រដ្ឋ២នាក់) នៅទីស្តីការក្រសួង។
លោកកុយ គួង អ្នកនាំពាក្យក្រសួងការបរទេស បានថ្លែងប្រាប់ក្រុមអ្នកកាសែតបន្ទាប់ពីជំនួបចប់ថា-ឯកឧត្តមឧបនាយករដ្ឋមន្ត្រី ប្រាក់ សុខុន បានសម្តែងនូវការស្វាគមន៍នៅដំណើរទស្សនកិច្ចរបស់គណៈប្រតិភូសភាតំណាងរាស្ត្ររបស់សហរដ្ឋអាមេរិកមកកម្ពុជា ស្របពេលដែលកម្ពុជា និងសហរដ្ឋអាមេរិកប្រារព្ធខួប៧០ឆ្នាំ នៃទំនាក់ទំនងការទូតរវាងប្រទេសទាំងពីរ។
លោកកុយ គួង បានបន្តថា ភាគីទាំង ពីរ បានពិភាក្សាថា តើត្រូវធ្វើយ៉ាងណាទៀតដើម្បីឲ្យប្រទេសទាំងពីរ កាន់តែមានទំនាក់ទំនងកាន់តែល្អប្រសើរ។ ភាគីខាងសហរដ្ឋអាមេរិកបានបញ្ជាក់ថា- ការខិតខំធ្វើឲ្យទំនាក់ទំនងល្អប្រសើរនេះ ដោយសហរដ្ឋអាមេរិកនឹងគោរពអធិបតេយ្យភាពរបស់កម្ពុជា។
អ្នកនាំពាក្យក្រសួងការបរទេសបានបន្តទៀតថា -ទាក់ទងបញ្ហាមួយចំនួន គឺសហ រដ្ឋអាមេរិកបានលើកឡើងអំពីពាក្យចចាមអារាមដែលនិយាយថា នឹងមានមូលដ្ឋានកងទ័ពបរទេសនៅកម្ពុជានោះ គឺលោកឧបនាយករដ្ឋមន្ត្រី ប្រាក់ សុខុន ក៏បានបញ្ជាក់ថា នេះគ្រាន់តែពាក្យចចាមអារាមទេ ហើយកម្ពុជាទោះបីជាមានសិទ្ធិអធិប តេយ្យក្នុងការការពារអធិបតេយ្យភាព បូរណភាពរបស់ខ្លួនក៏កម្ពុជាមិនអនុញ្ញាតឲ្យមានកងទ័ពបរទេសណានៅលើទឹកដីកម្ពុជាទេ គឺកម្ពុជាគោរពរដ្ឋធម្មនុញ្ញរបស់ខ្លួន។
អំពីដំណើរការកាត់ក្តីរបស់លោកកឹម សុខា លោក ឧប នាយករដ្ឋមន្ត្រី ប្រាក់ សុខុន បានប្រាប់ទៅភាគីសមាជិកសភាសហរដ្ឋអាមេរិកថា ការប្រព្រឹត្តទៅនៃសវនាការកាត់ក្តីលោកកឹម សុខា ដោយមានតម្លាភាពច្បាស់ ដោយមានការចូលរួមពីតំណាងស្ថានទូត អង្គការមិនមែនរដ្ឋាភិបាល សារព័ត៍មាន និងគណបក្សនយោបាយ ចូលរួមស្តាប់សវនាការ។
លោកឧបនាយករដ្ឋមន្ត្រី ប្រាក់ សុខុន បានបញ្ជាក់ប្រាប់ទៅគណៈប្រតិភូសភាអាមេរិកថា- កម្ពុជាមិនមានចេតនាចាត់ ទុកប្រទេសណាមួយធ្វើជាសត្រូវទេ គឺកម្ពុជាពង្រីកមិត្ត និងរក្សាមិត្ត ហើយខិតខំធ្វើយ៉ាងណាឲ្យមានទំនាក់ទំនងល្អជាមួយបណ្តាប្រទេសទាំងអស់នៅក្នុងសកល លោក។ ចំណែកសភាអាមេរិកបានកត់សម្គាល់ឃើញថា រយៈពេលដ៏ខ្លីមកដល់បច្ចុប្បន្ននេះ កម្ពុជាបានដើរលើផ្លូវអភិវឌ្ឍប្រទេស ជាតិបានយ៉ាងលឿន និងធ្វើឲ្យប្រទេស ជាតិរីកចំរើនសុខ សាន្ត៕