វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4436 នាក់
ម្សិលមិញ 5544 នាក់
សរុប 13945533 នាក់
ភ្នំពេញ ៖ នៅព្រឹកថ្ងៃទី ០៤ សីហា ក្រសួងសុខាភិបាល នៃព្រះរាជណាចក្រកម្ពុជា បានចេញនូវលិខិតណែនាំមួយដល់បណ្តាអង្គភាព និងបុគ្គលិកសុខាភិបាលក្រោមឱវាទក្រសួងទាំងអស់ ឲ្យបានជ្រាបថា ការធ្វើតេស្តរហ័ស រកមេរោគកូវីដ១៩ នឹងត្រូវធ្វើឡើង ដោយគិតឥតថ្លៃ ជូនប្រជាពលរដ្ឋ នៅតាមមូលដ្ឋានសុខាភិបាលសាធារណៈ។
គួរបញ្ជាក់ផងដែរថា បើយោងតាមអនុសាសន៍ណែនាំដ៏ខ្ពង់ខ្ពស់បំផុត សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងឱកាសបើកយុទ្ធនាការចាក់វ៉ាក់សាំងកូវីដ-១៩ ជូនដល់កុមារ និងយុវវ័យ កាលពីថ្ងៃទី១ខែសីហាកន្លងទៅនេះ មិនឱ្យគិតថ្លៃតេស្តរហ័ស រកមេរោគកូវីដ-១៩ ពីប្រជាពលរដ្ឋកម្ពុជា ដែលទៅទទួលសេវានៅតាមមូលដ្ឋានសុខាភិបាលសាធារណៈ។សម្ដេចតេជោហ៊ុនសែនបានថ្លែងថា៖នៅលើពិភពលោកនេះមានប្រទេសមិនច្រើនទេដែលអនុញ្ញាតឱ្យធ្វើតេស្តកូវីដ១៩មិនយកលុយព្យាបាលមិនយកលុយពីប្រជាពលរដ្ឋនិងជនបរទេស។