វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1740 នាក់
ម្សិលមិញ 6677 នាក់
សរុប 14149316 នាក់
កំពង់ឆ្នាំងះ បុរសក្រីក្រម្នាក់ ត្រូវបានរន្ទះបាញ់ បណ្ដាល ឱ្យស្លាប់កាលពីរវេលាម៉ោង៣ រសៀលថ្ងៃទី២ ខែវិច្ឆិកាឆ្នាំ២០១៩នៅចំណុចវាលស្រែ អណ្ដើកស្អុយ ដែលមានចម្ងាយប្រមាណជិតកន្លះគីឡូម៉ែត្រ ពីភូមិព្រែករាំង ឃុំទឹកហូត ស្រុករលា ប្អៀរ ខេត្តកំពង់ឆ្នាំង។
លោកមេភូមិព្រែករាំងបានឲ្យដឹងថាជនរង មានឈ្មោះ សេង ខេង (ហៅទីន)អាយុ៥១ ឆ្នាំ មានប្រពន្ធឈ្មោះប៉ាត់ ឡាត អាយុប្រមាណជាង៤០ឆ្នាំ មានតែពីរនាក់ប្ដីប្រពន្ធតែប៉ុណ្ណោះ ដោយពុំមានកូនចៅនោះឡើយ។ រីឯមុខរបររបស់គ្រួសាររងគ្រោះនេះ គឺដើរស៊ីឈ្នួលគេ ដើម្បីយកកម្រៃមកចិញ្ចឹមជីវិតសម្រាប់ ពីមួយថ្ងៃ ទៅមួយថ្ងៃតែប៉ុ ណ្ណោះ ។នៅថ្ងៃកើតហេតុជន រងគ្រោះបានទៅស៊ីឈ្នួលឆ្កាព្រែតាមភ្លឺស្រែប្រាំងឲ្យគេដែលម្ចាស់ស្រែឈ្មោះ ទុំ ដំ រស់នៅក្នុងភូមិឃុំជាមួយគ្នា។
ប្រភពដដែលបន្តថា លុះនៅវេលាម៉ោងប៉ុន្មានជា១ រសៀលក្នុងថ្ងៃកើតហេតុ មេឃក៏ចាប់ផ្ដើមមានពពកខ្មៅ ហើយមានភ្លៀងធ្លាក់លាយឡំ ទៅនឹងខ្យល់ និងផ្គរផង ចំណែកជនរងគ្រោះនិងម្ចាស់ស្រែឈ្មោះទុំ ដំ មិនបានឈប់ សម្រាកនោះទេ ដោយបន្តធ្វើការរហូត ដល់ម៉ោង៣ ជាង រសៀល ក៏ស្រាប់តែមានរន្ទះកំណាចបានមកផ្តាច់ជីវិតបុរសរង គ្រោះខាងលើនេះតែម្ដង។ឯម្ចាស់ស្រែឈ្មោះទុំ ដំ ខណះដែលរន្ទះបាញ់កើតឡើង គឺរូបគាត់នៅក្បែរនិងជនរងគ្រោះចម្ងាយតែ៣ ម៉ែត្រពីគ្នាតែ ប៉ុណ្ណោះ ។ពេលឃើញជនរង គ្រោះដេកដួលទៅនឹងដីហើយ រូបគាត់ក៏បានរត់ទៅជួយ តែជាអកុសលជនរង គ្រោះ បានដាច់ខ្យល់ស្លាប់បាត់ទៅហើយ ដោយមិនអាចជួយទាន់ពេលវេលានោះឡើយ។
ករណីយ៍នេះបានបង្កឲ្យមានសំណួរថាតើមូលហេតុបានជាត្រូវរន្ទះបាញ់ដោយសារកម្មផលដូចដែលគេដាក់ទំនាយឬដោយសារភាពក្រីក្រ?ព្រោះថាបើថាកម្មក៏ដូចជាម្យ៉ាងដែរព្រោះម្ចាសើស្រែនៅក្បែរដែរម៉េចក៏មិនបាញ់ផង។តែអ្នកខ្លះថាមកពីក្រីក្រទើបចេញក្រៅផ្ទះបណ្តាលឲ្យរន្ទះបាញ់បើមានលុយមានរឿងអីត្រូវចេញទៅរកលុយទាំងភ្លៀងចឹង?។ទោះជាយ៉ាងណាគេថាវាសមទាំងពីរហ្នឹង!។
បើតាមលោកមេភូមិព្រែករាំងបានឲ្យដឹងផងដែរថាដោយ សារតែជីវភាពគ្រួសារជនរង គ្រោះក្រីក្រ មិនមានប្រាក់ធ្វើបុណ្យ មានតែប្រាក់របស់សមាគមភូមិ ដែលមានចំនួនតែ៦៧ ម៉ឺនរៀលប៉ុណ្ណោះ សម្រាប់ចាត់ចែងក្នុងពិធីបុណ្យសពហេតុនេះហើយ សពមិនអាចទុកបានយូរទេ នឹងត្រូវបូជានៅវេលាម៉ោង ១១ យប់នេះ(យប់កើតហេតុ)។