វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6921 នាក់
ម្សិលមិញ 5020 នាក់
សរុប 14122368 នាក់
ខេត្តស្ទឹងត្រែង៖ សមត្ថកិច្ចមន្ទីរប្រឆាំងគ្រឿងញៀនក្រសួងមហាផ្ទៃបានចុះបង្ក្រាបនិងឃាត់ខ្លួនជនសង្ស័យជនជាតិឡាវម្នាក់ព្រមទាំងបានដកហូតថ្នាំញៀនចំនួន៣ដុំធំករណីជួញដូរគ្រឿងញៀន ខុសច្បាប់ នៅច្រកព្រុំដែនអន្តរជាតិខេត្តស្ទឹងត្រែង ។
សមត្ថកិច្ចឲ្យដឹងថានៅវេលាម៉ោង៧និង៣០នាទីយប់ថ្ងៃទី២ខែតុលាឆ្នាំ២០១៩នៅចំណុចផ្លូវជាតិលេខ៧ ស្ថិតនៅភូមិ អូរស្វាយ ឃុំ អូរស្វាយ ស្រុកបុរីអូរស្វាយសែនជ័យខេត្តស្ទឹងត្រែង ។ នៅពេលចុះប្រតិបត្តិការនោះជាលទ្ធផលឃាត់ខ្លួនជនសង្ស័យបានម្នាក់មានឈ្មោះ សា វី ភេទប្រុស អាយុ ៣៥ឆ្នាំ ជនជាតិ ឡាវ។
ទីលំនៅកំណើតនិង បច្ចុប្បន្ន ភូមិ ឡាក់សៅ ស្រុក ខាំកឺប ខេត្ត បូលីខាំសៃ ។ដកហូតវត្ថុតាង: ថ្នាំញៀនប្រភេទមេតំហ្វេតាមីនICEចំនួន៣កញ្ចប់ធំប្រហែល៣គីឡូក្រាមទូរស័ព្ទដៃ២គ្រឿងនិងអត្តសញ្ញាណបណ្ណ១។ជនសង្ស័យដែលកំពុងឃុំខ្លួននៅក្នុងស្នងការដ្ឋាននគរបាលខេត្តស្ទឹងត្រែងបានប្រាប់ថាគេស៊ីឈ្នួលកាន់គ្រឿងញៀនពីថៅកែនៅឡាវយកមកឲ្យថៅកែខ្មែរដោយថៅកែឡាវប្រាប់ថាគេរៀបចំអស់ហើយមិនបាច់ខ្លាចទេ?។
បន្ទាប់ពីចាប់នៅព្រុំដែននៅភ្នំពេញក៏មិនណយដែរគឺថ្នាំញៀនចំនួន៣៩កញ្ចប់ធំ ដែលមានទម្ងន់៣៩គីឡូក្រាមនិងជនជាតិចិនម្នាក់ ត្រូវបានកម្លាំងនគរបាលនៃមន្ទីរប្រឆាំងគ្រឿងញៀនក្រសួងមហាផ្ទៃ ឆ្មក់បង្ក្រាបនៅក្នុងបន្ទប់ខុនដូមួយកន្លែង នៅជាន់ទី២៩ បន្ទប់លេខ១៩ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីវេលាម៉ោង៩យប់ ថ្ងៃទី២ ខែតុលា ឆ្នាំ២០១៩ ។
ប្រភព័ត៍មានថាជនសង្ស័យខាងលើមានឈ្មោះ YUN LIANFU ភេទប្រុស អាយុ៥១ឆ្នាំ ជាជនជាតិចិន មុខរបរមិនពិតប្រាកដ ស្នាក់នៅខុនដូមួយកន្លែង នៅជាន់ទី២៩ បន្ទប់លេខ១៩ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។សុមបញ្ជាំក់ថាបើតាមសេចក្តីរាយការណ៍ពីនគរបាើប្រឆាំងគ្រឿងញៀនក្នុង១ខែៗចាប់អ្នកប្រើនិងអ្នកចរាចរយ៉ាងតិច៥០០នាក់។តែទោះជាយ៉ាងណាគេមិនសូវឮថាចាប់បានមេខ្លោងឡើយជាកស្តែងការបង្ក្រាបតាមក្លឹបកន្លងមកក្រៅពីក្លឹបរ៉ុកមេក្លឹបពីរបីទៀតមិនបានចាប់ថៅកែមកផ្តន្ទាទោសឡើយ?។