វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2981 នាក់
ម្សិលមិញ 6501 នាក់
សរុប 13951536 នាក់
កណ្តាល៖ លោក ម៉ឹង យូឡេង ប្រធានមន្ទីរសាធារណការខេត្តកណ្ដាល នៅថ្ងៃទី២៥ ខែតុលា ឆ្នាំ២០១៨នេះបានចេញសេចក្ដីជូនដំណឹងមួយ ជម្រាបជូនប្រជាពលរដ្ឋទាំងអស់ ដែលមានលំនៅឋាន ឬបាននឹងកំពុងសាងសង់តូបអាជីវកម្មផ្សេងៗ ត្រូវរើចេញចម្ងាយ១៥ម៉ែត្រពីអក្ស័ផ្លូវដោយគ្នាសំណងមួយរៀលពីផ្លូវចំនួន១២ខ្សែដែលស្ថិតក្នុងអាណាចក្រខេត្តកណ្តាល។
ផ្លូវទាំង១២ខ្សែដែលត្រូវពង្រីកដោយមិនខ្វល់ពីប្រជាពលរដ្ឋនោះរួមមានផ្លូវជាតិលេខ១, ផ្លូវជាតិលេខ២, ផ្លូវជាតិលេខ៥, ផ្លូវជាតិលេខ៦, ផ្លូវជាតិលេខ១៤, ផ្លូវជាតិលេខ២០បេ, ផ្លូវជាតិលេខ២១, ផ្លូវជាតិលេខ២១អា, ផ្លូវជាតិលេខ២១បេ, ផ្លូវជាតិលេខ៣៤, ផ្លូវជាតិលេខ១១០ និងផ្លូវជាតិលេខ១៥១អា ។ការបណ្តេញនេះគឺអនុវត្តតាមយុទ្ធនាការ១០០ថ្ងៃ របស់ទេសរដ្ឋមន្ដ្រី ស៊ុន ចាន់ថុល រដ្ឋមន្ដ្រីក្រសួងសាធារណការ និងដឹកជញ្ជូននោះ មន្ទីរសាធារណការ និងដឹកជញ្ជូនខេត្តកណ្ដាល នឹងចាប់ផ្តើមពង្រីកផ្លូវទាំងនេះ ចាប់ពីថ្ងៃទី១៤ ខែវិច្ឆិកា ឆ្នាំ២០១៨ តទៅដោយពង្រីករហូតដល់១៥ម៉ែត្រ ពីអ័ក្សផ្លូវនីមួយៗ។
លោក ម៉ឹង យូឡេងបញ្ជាក់ក្នុងសេចក្តីជូនដំណឹងថា៖ មន្ទីរសាធារណការ និងដឹកជញ្ជូនខេត្តកណ្ដាល សង្ឃឹមយ៉ាងជឿជាក់ថា ប្រជាពលរដ្ឋដែលមានលំនៅឋាន និងក្បាលដីជាប់ផ្លូវជាតិខាងលើ ជួយចូលរួមសហការអនុវត្ត សម្រាប់ការអភិវឌ្ឍលើវិស័យហេដ្ឋារចនាសម្ព័ន្ធផ្លូវ-ស្ពាន និងទប់ស្កាត់ កាត់បន្ថយគ្រោះថ្នាក់ចរាចរណ៍ ដែលជាបញ្ហាប្រឈមដ៏ធ្ងន់ធ្ងរនាពេលបច្ចុប្បន្ន។ខ្លីតែខ្លឹម!ចាំតែមើលទៅវាល្ម៉េចវិញ?៕