វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3370 នាក់
ម្សិលមិញ 10264 នាក់
សរុប 14142552 នាក់
ភ្នំពេញ៖ចាប់តាំងពីលោកសមសង្ស៊ីប្រកាសថាទទួលបានជោគជ័យរឿងបបួលសម្តេចតេជោហ៊ុនសែនភ្នាល់រឿងដោះលែងឬមិនដោះលែងលោកកឹមសុខាដោយសារសម្តេចប្រកាសចូលរួមភ្នាល់រួចមកសម្តេចតេជោហ៊ុនសែនបានប្រកាសថាឈប់និយាយរកអាមួយនោះហើយ(សមរង្ស៊ី)។តែលោកសមរង្ស៊ីនៅតែញ៉ោះអត់ឈប់!។
នៅថ្ងៃទី១១ ធ្នូតាមរយៈហ្វេសប៊ុកលោក សម រង្ស៊ីដែលទើបឡើងធ្វើប្រធានស្តីទីអតីតគណបក្សសង្គ្រោះជាតិកាលពីថ្ងៃទី២ធ្នូ បានផ្ញើសារផ្ដាំ ទៅសម្ដេចតេជោ ហ៊ុន សែន នាយករដ្ឋមន្ដ្រីកម្ពុជាថា មិនចាំបាច់គិតគូរផ្តល់សិទ្ធិ ធ្វើនយោបាយឡើងវិញ ចំពោះមន្ដ្រីអតីតបក្សសង្គ្រោះជាតិ១១៨នាក់នោះទេ ដរាបណាលោក កឹម សុខា មិនទាន់បានទទួលសេរីភាពពេញលេញ ដូច្នេះអ្នកទាំង១១រូប មិនត្រូវការឲ្យមានការផ្តល់សិទ្ធិធ្វើនយោបាយឡើងវិញនោះទេ។
សារឌឺដងរបស់លោកសមរង្ស៊ីក្រោយពេលឡើងប្រធានស្តីទីអតីតគណបក្សសង្គ្រោះជាតិដែលអ្នកខ្លះគិតថាជាសារបង្ហាញការបែកបាក់កាន់តែខ្លាំងក្នុងគណបក្សសង្គ្រោះជាតិនោះគឺកើតឡើងក្នុងពេលដែលរដ្ឋសភានឹងបើកប្រជុំពេញអង្គនៅថ្ងៃទី១៣ធ្នូដើម្បីអនុមត័ការធ្វើវិសោធនកម្មមាត្រា៤៥ថ្មីច្បាប់ស្តីពីគណបក្សនយោបាយដើម្បីបើកសិទ្ធឲ្យនាយករដ្ឋមន្ត្រីមានសិទ្ធទូលស្នើសុំព្រះមហាក្សត្រផ្តល់នីតិសម្បទានយោបាយដល់មន្ត្រីជាន់ខ្ពស់អតីតគណបក្សសង្គ្រោះជាតិ១១៨រូបដែលជាប់បំរាមរបស់តុលាការកំពូលហាមមិនឲ្យធ្វើនយោបាយ៥ឆ្នាំ។
សារមួយនេះសម្តេចហ៊ុនសែនស្ងាត់ឈឹងមែន!ព្រោះថាអាចដោយសារខ្លាចធ្លាក់ចូលក្នុងល្បិចចាក់កន្ទុយអណ្តើកទៀតក៏ថាបានចឹងស្ងៀម!។តែអ្នកលោតបែទៅជាលោកគង់គាំអតីតមេបក្សសមរង្ស៊ីដែលក្រោយពីរលាយសង្គ្រោះជាតិបានឲ្យកូនពៅទៅបង្កើតគណបក្សឆន្ទៈខ្មែរចូលរួមបោះឆ្នោតកាលពីខែកក្កដា២០១៨នោះទៅវិញ។នៅថ្ងៃទី១១ ខែធ្នូ ឆ្នាំ២០១៨នេះដែរ លោក គង់ គាំ ដែលមានកូនប្រុស សុទ្ធតែប្រឡូកក្នុងឆាកនយោបាយ(គង់បូរ៉ាគង់សុភាអតីតតំណាងរាស្ត្រសង្គ្រោះជាតិដែលជាប់បំរាមនិងគង់មុន្និកាមេបក្សឆន្ទៈខ្មែរ)បានលើកឡើងតាម ហ្វេសប៊ុកដោយចាត់ទុកលោកសមរង្ស៊ីថា៖ជាមនុស្ស“ច្រាស់ច្រាលៗ នៅជិតមាត់ជ្រោះ។ ម្តងប្រធានចលនា ម្តងប្រធានស្តីទី (អតីត…សង្គ្រោះជាតិ)។ ម្តងដោះលែង កឹម សុខា មុន ម្តង សម រង្ស៊ី កឹម សុខា ជាមនុស្សតែមួយ ។ ម្តងមិនចាំបាច់គិតពីអ្នក ១១៨ទេ”។
លោកគង់គាំថា ជាលទ្ធផលបង្ហាញថា ទាំងសម រង្ស៊ី និងកឹម សុខា មិនអាចស្ថិតជាកញ្ចប់(មានន័យថាមិនមានការលើកលែងក្រោយពីវិសោធនកម្មមាត្រា៤៥ច្បាប់គណបក្សនយោបាយនោះទេ!)។
លោកគង់គាំ(អតីតប្រធានចាំផ្ទះរបស់គណបក្សសមរង្ស៊ីពេលលោកសមរង្ស៊ីទៅធ្វើមេបក្សសង្គ្រោះជាតិ)បន្តទៀតថា កឹម សុខា មិនអាចដោះលែងមុនខែមីនា ដោយសារការភ្នាល់ ដែលសម រង្ស៊ី ទារសម្តេចតេជោហ៊ុន សែន ចុះចេញ។ លោកគង់គាំបន្ថែមជាចុងក្រោយដោយវាយតម្លៃថា ផ្លេកបន្ទោរខុសរដូវ(របស់សមរង្ស៊ី) មិនអាចចេញព្យុះចេញភ្លៀងបានទេ!។
សូមបញ្ជាក់ថាលោកគង់គាំក៏ជាមនុស្សម្នាក់ដែលជាប់ឈ្មោះក្នុងបំរាមនយោបាយក្នុងចំនោមអ្នកនយោបាយសង្គ្រោះជាតិ១១៨នាក់នោះដែរ៕