ប្រធានគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិចុះមើលឃ្លាំងតាមព្រុំដែនតែគេមិនជឿថារកបទល្មើសព្រៃឈើបង្កដោយលោកឧកញ៉ាគង់ក្រឹងឃើញទេ!?
03-April-2024 / ព័ត៌មានជាតិ
ខេត្តត្បូងឃ្មុំ៖ នៅថ្ងៃទី0៥ ខែសីហា ឆ្នាំ២០១៩នេះ នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិអមដមណើរប្រតិភូអន្តរក្រសួង ស្ថាប័ន រួមជាមួយឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ និងកងរាជអាវុធហត្ថខេត្ត ដឹកនាំដោយលោកមេបញ្ជាការ វ៉ា សារិទ្ធ ក៍ដូចជាមន្ទីរពាក់ព័ន្ធជុំវិញខេត្តផងបានចុះពិនិត្យទីតាំងតាមបណ្តោយព្រុំដែលខេត្តភូមិភាគឥសាន្តដែលចាប់ផ្តើមពីខេត្តត្បូងឃ្មុំទៅ។
លោកឧត្តមសេនីយ៍ត្រី អេង ហ៊ី បានប្រាប់កាសែតថា នាយឧត្តមសេនីយ៍ សៅ សុខា បានចាប់ផ្តើមត្រួតពិនិត្យនៅតាមក្រុមហ៊ុន និងកន្លែងសន្និធិឈើ ព្រមទាំងមធ្យោបាយ ដោយមុនដំបូងធ្វើឡើងនៅស្រុកមេមត់ ខេត្តត្បូងឃ្មុំ ដើម្បីរកឲ្យឃើញថា តើទីតាំងស្តុកឈើទាំងនេះ មានច្បាប់ត្រឹមត្រូវ និងធ្វើទៅតាមច្បាប់ដែរឬទេ? បើសិនរកឃើញថា មិនមានច្បាប់ត្រឹមត្រូវ និងដំណើរការខុសច្បាប់នោះ នឹងត្រូវប្រឈមនឹងវិធានការច្បាប់ជាក់ស្តែង។
ព្រឹកនេះ យើងចុះមើលកន្លែងសន្និធិនៅស្រុកមេមត់ចំនួន ៥កន្លែង ហើយពេលថ្ងៃ យើងបន្តទៅស្រុកស្នួល ខេត្តក្រចេះមើល ៩កន្លែងទៀត និងមើលច្រកផ្សេងៗ ដែលពួកគាត់ធ្លាប់នាំឈើចេញនោះ គឺយើងនឹងមើលទាំងអស់ ដើម្បីឲ្យមន្ត្រីនៅក្នុងអន្តរក្រសួងដែលអញ្ជើញមកនេះ បានវាយតម្លៃពីភាពខ្វះចន្លោះ និងត្រូវទប់ស្កាត់បន្តទៀត ដើម្បីយើងរក្សាឈើយើងហ្នឹង។លោកឧត្តមសេនីយ៍ត្រី បញ្ជាក់ថា បន្ទាប់មក នាយឧត្តមសេនីយ៍ សៅ សុខា នឹងបន្តចុះពិនិត្យនៅខេត្តមណ្ឌលគិរី ជាកន្លែងក្រុមហ៊ុនសម្បទានសេដ្ឋកិច្ចទាំងឡាយ ដើម្បីឲ្យក្រុមការងារវាយតម្លៃ រួចស្នើសុំទៅរាជរដ្ឋាភិបាល សុំគោលការណ៍បន្ត បើខុសនឹងលុបចោលតែម្តង គោលបំណងរក្សាព្រៃឈើរបស់យើង។
វត្តមានប្រធានគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិលើកនេះមានមាត់ចាបមាត់ព្រាបថាប្រតិភូដែលចុះធ្វើការដូចប្រតិភូទេចរណ៍នេះអាចនឹងចុះពិនិត្យទីតាំងដែលគ្រប់គ្រង់ដោយលោកឧកញ៉ាគង់ក្រឹងអនុបញ្ជាការយោធាវរៈការពារព្រុំដែនលេខ២០៤។តែប្រជាពលរដ្ឋដែលដឹងរឿងនិយាយថាគេមិនសង្ឃឹមថារកឃើញបទល្មើសព្រៃឈើដែលលោកឧកញ៉ាគង់ក្រឹងប្រព្រឹត្តនោះទេ?!។ព្រោះថាបើគេចង់រកភស្តុតាងឬចាប់លោកឧញ៉ាគង់ក្រឹងមែនគេធ្វើយូហើយព្រោះកន្លងមកក៏ធ្លាប់មានមន្ត្រីកងរាជអាវុធហត្ថចុះទៅមើលហើយបង្ហោះយន្តហោះដ្រូនថតពីលើទៀតផងមិនមែនទើបតែកេណ្ឌគ្នាដូចទៅធ្វើទេសចរណ៍ចឹងនោះឡើយ។
ជាក់ស្តែងបើតាមសេចក្តីរាយការណ៍ពតិមាននាយឧត្តមសេនីយ៍ សៅ សុខាគ្រាន់តែបានស្នើរដល់ អភិបាលខេត្តត្បូងឃ្មុំ រួមជាមួយមន្ទីរអង្គភាពជុំវិញខេត្ត អាជ្ញាធរគ្រប់លំដាប់ថ្នាក់ ត្រូវសហការគ្នាធ្វើយ៉ាងណាទប់ស្កាត់ និងបង្ក្រាប នូវបទល្មើសធនធានធម្មជាតិ រាល់ការចរាចរបទល្មើសព្រៃឈើ ក្នុងភូមិសាស្ត្រខេត្តត្បូងឃ្មុំតែប៉ុណ្ណោះ។តែក្នុងខេត្តត្បូងឃ្មុំគេមិនរកឃើញបទល្មើសស្អីនោះទេ!។
គួររំលឹកថា ចាប់តាំងពីគណៈកម្មការទប់ស្កាត់និងបង្ក្រាបបទល្មើស ធនធានធម្មជាតិ ចេញប្រតិបត្តិការបង្ក្រាបទ្រង់ទ្រាយធំកាលពីថ្ងៃទី១០កក្កដានៅខេត្តមណ្ឌលគីរិមានតែឧកញ៉ាសឹង្ហសំអុលឈ្មួញឈើនិងជាសេនាធិការរងប៉េអឹមខេត្តមណ្ឌលគីរីនិងបក្ខពួក២នាក់ប៉ុណ្ណោះដែលត្រូវចាប់ខ្លួន។ក្រៅពីនោះនៅខេត្តមណ្ឌលគីរីមានតែការកោះពីតុលាការហៅមន្ត្រីពាក់ពន្ធ័ជិត២០នាក់(អត់ឭឈ្មោះចៅហ្វាយខេត្តដែលជាមេបញ្ជាការឯកភាពខេត្ត)មកបំភ្លឺតែរត់បាត់អស់ហើយមិនទាន់ឃើញមានការចេញដិការឲ្យនាំខ្លួនជនណាបាននៅឡើយ។ទោះជាយ៉ាងគេឃើញថាឈើជាច្រើនម៉ែត្រគូបត្រូវបានរឹបអូសមធ្យោបាយ (ជាពិសេសរថយន្តបាកុងនិងម៉ូតូកែច្នៃ)ជាច្រើនគ្រឿងត្រូវបានដុតបំផ្លាញចោលនិងរឹបអូសតែប៉ុណ្ណោះ។
