វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6667 នាក់
ម្សិលមិញ 5304 នាក់
សរុប 14146193 នាក់
ខេត្តត្បូងឃ្មុំ ៖ ប្រជាពលរដ្ឋខ្មែរនាំគ្នាជិះម៉ូតូ និងរថយន្តមកសម្រុកចូលលេងល្បែ.ងបញ្ជល់មាន់ និងយូគីខុសច្បាប់ នៅច្រកដូង៧ដើម ស្ថិតក្នុងឃុំដា ស្រុកមេមត់តែសមត្តកិច្ចសម្ងំស៊ីតុងមេបន។ ករណីយ៍នេះលោក ម៉ៅ ចយ មេឃុំដា បានប្រាប់ឲ្យដឹងនាព្រឹកថ្ងៃទី១៨ ខែធ្នូ ឆ្នាំ២០២២ថា រូបលោកទទួលស្គាល់ថា ពលរដ្ឋខ្មែរភាគច្រើនបាននាំគ្នាទៅលេងល្បែ.ងបញ្ជល់មាន់ និងយូគីនៅច្រកដូង៧ដើម ជាប់ព្រំដែនជាមួយនឹងប្រទេសវៀតណាមនោះមែន។ លោកថា អាជ្ញាធរបានខិតខំទប់ស្កាត់អ្នកនៅឃុំដា មិនឲ្យចូលលេង ហើយភាគច្រើនអ្នកដែលមកលេងជិះរថយន្តល្អៗមកពីចម្ងាយ?។
លោកមេឃុំដា បន្តឲ្យដឹងទៀតថា កន្លែងបើកល្បែ.ងស៊ីសងនេះ គឺផុតពីដែនសមត្ថកិច្ចរបស់អាជ្ញាធរឃុំ ហើយគេអះអាងថា មានច្បាប់ត្រឹមត្រូវទៀតផង។ លោកមេឃុំថា ប្រជាពលរដ្ឋនៅឃុំដា ពុំទាន់មានអ្នកណាផុងខ្លួនលេងល្បែ.ងនៅច្រកដូង៧ដើម រហូតដល់ប្ដឹងផ្ដល់គ្នាឡើងដល់សាលាឃុំនៅឡើយទេ។ ក្នុងពេលប្រជុំម្ដងៗ គេតែងតែលើកពីល្បែ.ងស៊ីសងនៅច្រកដូង៧ដើមនេះ មកនិយាយ ដោយគេមិនចង់ឱ្យកើតមាននៅលើទឹកដីស្រុកមេមត់ ដើម្បីកុំឱ្យមានបញ្ហា តែគេអះអាងថា មានច្បាប់បើកត្រឹមត្រូវ តែមិនដឹងច្បាប់ធ្លាក់ពីឋានណាមកទេ។ក្នុងអំឡុងពេលដែលជំងឺកូវីដផ្ទុះខ្លាំង ទីតាំងល្បែ.ងស៊ីសងនៅច្រកដូងនេះ ត្រូវបានបិទជាបណ្ដោះអាសន្ន ដើម្បីបញ្ជៀសការឆ្លងរីករាលដាលនៃជំងឺ covid 19។
ក្រោយមកទៀត នៅពេលដែលសម្ដេចតេជោ បានប្រកាសរឹតបន្តឹងបិទល្បែ.ងស៊ីសងទីតាំងល្បែ.ងច្រកដូង៧ដើមនេះ ក៏ត្រូវបានបិទទ្វារមិនឲ្យប្រជាពលរដ្ឋនាំគ្នាទៅចូលលេងផងដែរ។បុរសម្នាក់ឈ្មោះវ៉ា ដែលជាអ្នកមើលការខុសត្រូវល្បែ.ងស៊ីសងនៅច្រកដូង៧ដើម បានប្រាប់ឲ្យដឹងតាមទូរស័ព្ទថា តាលឹម ជាទាហាននៅខេត្តព្រះវិហារ បានទទួលម៉ៅការបន្តពីឈ្មោះ ហេង ដែលជាម្ចាស់កាស៊ីណូមានច្បាប់ពីក្រសួងហិរញ្ញវត្ថុ។ រូបលោកទទួលស្គាល់ក្នុងច្បាប់មិនអនុញ្ញាតឱ្យប្រជាពលរដ្ឋខ្មែរចូលលេងល្បែ.ងស៊ីសងនោះទេតែគាត់ថា នៅកន្លែងផ្សេងក៏ដូចកន្លែងនេះដែរ ភាគច្រើនខ្មែរចូលលេងដូចតែគ្នាហ្នឹង?។
សម្ដេចតេជោ ប្រកាសឲ្យបិទល្បែ.ងស៊ីសង នៅច្រកដូង៧ដើមនេះក៏បានបិទមួយរយៈផងដែរ ទើបតែបើកវិញបានជាងមួយខែប៉ុណ្ណោះ។ករណីយ៍បើកបនល្បែងពទ្ធ័ស៊ីលុយប្រជាពលរដ្ឋខ្មែរដែលច្បាប់ហាមឃាត់នេះបណ្ឌិត ជាម ចន្ទសោភ័ណ្ឌ អភិបាលខេត្តត្បូងឃ្មុំបានទទួលស្គាល់ថា មានប្រជាពលរដ្ឋខ្មែរប្រមាណជាង៩០% នាំគ្នាចូលលេងល្បែ.ងស៊ីសងនៅច្រកដូង៧ដើម។ តែពេលកាសែតផ្ញើសារសួរថាតើរដ្ឋបាលខេត្តមានវិធានការបែបណា ដើម្បីទប់ស្កាត់កុំឲ្យពលរដ្ឋខ្មែរចូលលេងដែរឬទេ?លោកអភិបាលខេត្តសម្ងំឈឹង?។មិនដឹងថាតើរាជរដ្ឋាភិបាលកែសម្រួលបទបញ្ជាដែលហាមមិនឲ្យខ្មែរចូលលេងឬយ៉ាងណានោះទេបានជាអាជ្ញាធរខេត្តសម្ងំស៊ីតុងមេបនចឹងនោះ?.។យ៉ាប់មែនស្រុកយើងម្តងចេះម្តងចុះ៕