វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 468 នាក់
ម្សិលមិញ 5020 នាក់
សរុប 14115915 នាក់
អ៊ីរ៉ង៖កងកម្លាំងឆ្មាំបដិវត្តន៍អ៊ីរ៉ង់ (IRGC) បានបញ្ចេញវីដេអូមួយបង្ហាញពីសមត្ថភាព របស់ខ្លួននៅក្នុងប្រតិបត្តិការរឹបអូសកប៉ាល់ដឹកប្រេងអង់គ្លេស Stena Impero នៅច្រក សមុទ្រ Hormuzទោះបីមានប្រតិកម្មទាមទារឲ្យដោះលែងពីប្រទេសជាច្រើនពីសេសអង្គការណាតូក៏ដោយ។ នេះបើតាមការដកស្រង់ចេញផ្សាយ ដោយសារព័ត៌មាន RT នៅថ្ងៃអាទិត្យ ទី២១ ខែកក្កដា ឆ្នាំ២០១៩។
សូមបញ្ជាក់ថាកាលពីថ្ងៃសុក្រទី១៩កក្កដា កងកម្លាំងអ៊ីរ៉ង់បានឃាត់កប៉ាល់ពីរគ្រឿង ចុះបញ្ជីនៅក្នុងប្រទេសលីប៊េរីយ៉ា និងអង់គ្លេស នៅឯច្រក Hormuz ដោយចោទថាកប៉ាល់ទាំង២នេះ រំលោភលើច្បាប់ អន្តរជាតិ។ ប៉ុន្តែ ក្រោយមកកប៉ាល់លីប៊េរីយ៉ា ត្រូវបានដោះលែងវិញ រីឯកប៉ាល់ដឹកប្រេង អង់គ្លេសឈ្មោះ Stena Impero ត្រូវបានបញ្ជូនទៅកាន់កំពង់ផែមួយរបស់ អ៉ីរ៉ង់ខណៈ កប៉ាល់ដឹកប្រេងអ៉ីរ៉ង់មួយគ្រឿងក៏កំពុងស្ថិតនៅក្នុងកណ្ដាប់ដៃ អង់គ្លេសផងដែរ។
ទាក់ទងបញ្ហានេះប្រទេសនៅអឺរ៉ុបបាន បារាំង អាល្លឺម៉ង់ សហរដ្ឋអាមេរិក ហ្វីលីពីន ឥណ្ឌា ... ពិសេសអង្គការណាតូបាននាំគ្នាបញ្ចេញប្រតិកម្ម ជាបន្តបន្ទាប់ ប្រឆាំងនឹងអ៊ីរ៉ង់ ដែលបានចាប់នាវាដឹកប្រេងអង់គ្លេស។ ប្រមុខការទូតអង់គ្លេស បានជួបនិយាយជាមួយសមភាគីអ៊ីរ៉ង់ ដើម្បីតវ៉ា និងសំដែងការខកចិត្តយ៉ាងខ្លាំងចំពោះទង្វើចាប់នាវារបស់អ៊ីរ៉ង់។ បន្ទាប់ពីបានការបញ្ចេញប្រតិកម្មដោយផ្ទាល់មាត់ប្រាប់អ៊ីរ៉ង់ ប្រមុខការទូតអង់គ្លេស ក៏បានកោះហៅតំណាងអ៊ីរ៉ង់ប្រចាំក្រុងឡុងដ៍មកជួបតវាទៀត។ប៉ុន្តែអ៊ីរ៉ង់ធ្វើគធ្វើថ្លង់ មិនឮអ្វីទាំងអស់ !។
អ៊ីរ៉ង់គឺជាបញ្ហា មានតែបញ្ហា ! ប្រតិកម្មរបស់លោកដូណាល់ ត្រាំ ប្រធានាធិបតីអាមេរិក ដោយសន្យាធ្វើការជាមួយដៃគូ ដើម្បីការពារសន្តិសុខនិងផលប្រយោជន៍ពួកគេ ទល់នឹងចរិកអាក្រក់របស់អ៊ីរ៉ង់។អាល្លឺម៉ង់ថា៖ មិនសមហេតុផល ! ត្រូវតែដោះលែងនាវាអង់គ្លេសដោយគ្មានបង្អង់ ! ។ ទីក្រុងប៉ារីសមានសាមគ្គីភាពជាមួយអង់គ្លេស បានទាមទារឱ្យអ៊ីរ៉ង់គោរពគោលការណ៍នៃសេរីភាពផ្លូវសមុទ្ទ ដោយត្រូវប្រគល់សេរីភាពឱ្យនាវានិងអ្នកធ្វើការលើនាវាទាំងអស់ឱ្យបានឆាប់រហ័ស ។
បណ្តាប្រទេសទាំងនោះបានចាត់ទុកទង្វើចាប់នាវាដឹកប្រេងអង់គ្លេស នៅច្រកសមុទ្ទOrmuz ថាជាសកម្មភាពបង្ករឿងដ៏គ្រោះថ្នាក់ និងអំពាវនាវឱ្យនាវាដឹកប្រេងអង់គ្លេសទាំងអស់ ចៀសវាងការធ្វើដំណើរតាមច្រកយុទ្ធសាស្ត្រ។អង្គការ NATO បានថ្កោលទោស និងជំរុញឱ្យអ៊ីរ៉ង់ដោះលែងកប៉ាល់ ដឹកប្រេងអង់គ្លេសជាបន្ទាន់ ដោយចោទថាការរឹបអូសនេះគឺជាទង្វើរំលោភលើសេរីភាព នាវាចរអន្តរជាតិ។ នេះបើតាមការចេញផ្សាយដោយសារព័ត៌មាន Sputnik នៅថ្ងៃអាទិត្យ ទី២១ ខែកក្កដា ឆ្នាំ២០១៩។
នៅក្នុងសេចក្ដីថ្លែងការណ៍ចេញផ្សាយកាលពីថ្ងៃសៅរ៍ អង្គការ NATO ថា៖ «យើងថ្កោលទោសយ៉ាងខ្លាំងចំពោះ ការរឹបអូសកប៉ាល់ពីរគ្រឿង នៅឯច្រកសមុទ្រ Hormuz ពីសំណាក់កងកម្លាំងអ៊ីរ៉ង់...ហើយដែលទង្វើនេះរំលោភបំពាន យ៉ាងធ្ងន់ធ្ងរដល់សេរីភាពនាវាចរអន្តរជាតិ...ដូច្នេះយើងជំរុញឱ្យអ៊ីរ៉ង់ដោះលែងកប៉ាល់ និងនាវិកទាំងនោះជាបន្ទាន់ ហើយយើងគាំទ្រឱ្យមានដំណោះស្រាយមួយតាមផ្លូវការទូត»។
សូមបញ្ជាក់ថា Stena Imtempo ជានាវាដឹកប្រេងអង់គ្លេស មានម្ចាស់ជាជនជាតិស៊ុយអែត មានសមាជិកការងារ២៣នាក់។ បីនាក់ជារុស្ស៊ី ម្នាក់ជាលីតូនី ម្នាក់ជាហ្វីលីពីន និង ១៨នាក់ជាជនជាតិឥណ្ឌាក្នុងនោះម្នាក់ជាកាពីទែនផង។