តើលោកឈួរ ច័ន្ទឌឿនអភិបាលខេត្តកំពង់ឆ្នាំងពិតជាបានបញ្ជាលោក ចេត អឿនអោយដេញអ្នកកាសែត៣នាក់ចេញពីកម្មវិធីប្រជុំរបស់គណ:កម្មការសុវត្តិភាព រាចរណ៍ផ្លូវគោគខេត្ត?
11-February-2026 / ព័ត៌មានជាតិ
(កំពង់ឆ្នាំង)៖អ្នកកាសែតប្រចាំខេត្តកំពង់ឆ្នាំងចំនួន៣នាក់គឺលោកហង្ស វាសនា ភ្នាក់ងារទូរទស្សន៍បាយយ័ន លោកឈៀង ថារឹទ្ធភ្នាក់ងារទូរទស្សន៍ហង្សមាសនិង លោកសាយសន្យា ភ្នាក់ងារទូរទស្សន៍ប៉ុស្ដិ៍លេខ៣និងកាសែតនគរធំត្រូវបានលោក ចេត អឿនដែលមានមុខងារមិនពិតប្រាកដម្ដងមន្ត្រីយោធា ម្ដងមន្ត្រីមន្ទីរវប្បធម៏ ម្ដងមន្ត្រីសាលាខេត្តដេញចេញពីកម្មវិធីប្រជុំបូកសារុបលទ្ធផលការងារ៦ខែដើមឆ្នាំរបស់គណ:កម្មការសុវត្ថភាពចរាចរណ៍ផ្លូវគោគខេត្ត ដែលកិច្ចប្រជុំនេះធ្វើឡើងនាព្រឹកថ្ងៃទី៥ ខែកក្កដា ឆ្នាំ២០១៩ នៅទីតាំងសាលានយោបាយបក្សខេត្តកំពង់ឆ្នាំង។
លោកចេត អឿនអះអាងថាឯកឧត្តមអភិបាលខេត្តកំពង់ឆ្នាំងគឺឯកឧត្តមឈួរ ច័ន្ទឌឿនបញ្ជាអោយរូបលោក(ចេត អឿន)ដើរដេញអ្នកការសែតផ្សេងចេញគឺមិនអនុញ្ញាតអោយចូលយកព័ត៌មាននៅក្នុងកម្មវិធីប្រជុំនេះក្រៅពីរូបលោកឡើយគឺអនុញ្ញាតអោយតែរូបលោកចេត អឿនមួយនាក់គត់ បើអ្នកការសែតណាម្នាក់មិនព្រមចេញពីកិច្ចប្រជុំគេនឹងហៅប៉ូលីអោយចាប់។
តើលោកឈួរ ច័ន្ទឌឿនអភិបាលខេត្តកំពង់ឆ្នាំងពិតជាបានបញ្ជាអោយលោកចេត អឿនដេញអ្នកកាសែតចេញពីកម្មវីធីប្រជុំរបស់គណ:កម្មកាសុវត្ថភាពចរាចរណ៍ផ្លូវគោគខេត្តដូចដែលលោកចេត អឿនបានធ្វើមែនឬទេ? បើពិតដូចច្នេះមែន តើលោកបានយល់អំពីច្បាប់ស្ដីពីរបបសារព័ត៌មានដែរឬ? ឬមួយលោកចេត អឿនចេះតែយកលេសយកបញ្ជាចៅហ្វាយខេត្តមកគម្រាមអ្នកកាសែត ដើម្បីទាញយកផលចំណេញផ្ទាល់ខ្លួន?។
កន្លងមកលោកចេត អឿនតែងតែក្អេងក្អាងអាងយ៉ាងកាត់មុខគេឯងតាំងខ្លួនជាអ្នកកាសែតរបស់ចៅហ្វាយខេត្ត រត់ក្លាក់ៗតាមលោកចៅហ្វាយខេត្តតាំងពីជំនាន់ខ្មោចលោក ទូចម៉ារីមនៅជាចៅហ្វាយខេត្តកំពង់ឆ្នាំងម្លេះ និងធ្លាប់ទៅបើកលុយពីប្រាក់ខែពីអង្គភាពយោធាតំបន់ប្រត្តិការសឹករងកំពង់ឆ្នាំងនៅបន្ទាយទាហានចាន់ សារិជារៀងរាល់ខែទៀតផង ។ ក្រោយមកបន្ទាប់ពីលោកឈួរ ច័ន្ទឌឿនឡើងកាន់តំណែងជាអភិបាលខេត្តកំពង់ឆ្នាំងមកឮថាគេផ្ដាច់ឈ្មោះពីមន្ត្រីយោធាហើយ ក្រោយមកឮថាឈ្មោះលោកចេត អឿនមកនៅមន្ទីរវប្បធម៏ ប៉ុន្តែត្រូវបានលោកសុខ ធួកប្រធានមន្ទីរវប្បធម៏ខេត្តបដិសេធន៍ថាមិនមានឈ្នោះចេត អឿននៅមន្ទីរវប្បធម៏ឡើយ តើលោកចេត អឿនមានក្របខ័ណ្ឌការងាររដ្ឋនៅមន្ទ្ទីរ ណាពិតប្រាកដ សូមលោកប្រធានមន្ទីរមុខងារសាធារណ:មេត្តាជួយប្រាប់មហាជនអោយបានដឹងផង។
ពាក់ព័ន្ធនិងព័ត៌មានខាងលើអភិបាលខេត្តកំពង់ឆ្នាំងឯកឧត្តមឈួរ ច័ន្ទឌឿន បានប្រាប់អ្នកយកព័ត៌មានមាតុភូមិតាមទូរស័ព្ទនៅវេលាម៉ោង១២ និង៣០នាទីថ្ងៃទី០៥/ខែកក្កដា/ឆ្នាំ២០១៩ នេះថាលោកមិនបានបញ្ជាប្រាប់លោកចេត អឿនអោយធ្វើបែបនឹងទេ ហើយនៅព្រឹកមិញនេះនៅពេលលោកចូលរួមជាអធិបតីក្នុងកម្មវិធីប្រជុំនោះលោកក៏មិនបានជួបជាមួយលោក ចេត អឿននេះដែរ។ដូចនេះសូមអ្នកសារព័ត៌មានមេត្តាកុំមានការយល់ច្រឡុំដូចដែលលោកចេតអឿនបាននិយាយនោះ។លោកឈួរ ច័ន្ទឌឿនបានបន្តថាលោកចេត ធឿនមិនមែនជាអ្នកការសែតនៅអង្គភាពណានោះទេ លោកចេត អឿនគ្រាន់តែជាមន្ត្រីសាលាខេតធម្មត្តាប៉ុណ្ណោះ។
ឯក្រុមលេខាធិការដ្ឋាននិយាយថា៖ក្នុងនាមក្រុមលេខាធិការដ្ឋាននៃគណៈបញ្ជាការឯកភាពរដ្ឋបាលខេត្តនិងអ្នករៀបចំកម្មវីធីប្រជុំ ខ្ញុំមិនបានទទួលបញ្ជាឬការណែនាំណា ពីឯកឧត្តមអភិបាលខេត្តឲ្យអ្នកកាសែតចេញក្រៅសាលប្រជុំនោះទេ !
ក្នុងកិច្ចប្រជុំកន្លមក ឯកឧត្តមអភិបាលខត្តលោកមានមតិថាៈសំណូមពរអ្នកកាសែតឬអ្នកយកពត៌មានសូមកុំ live ផ្ទាល់ក្នុងកិច្ចប្រជុំ !
នេះប្រហែលជាមានការភាន់ច្រឡំរបស់មន្ត្រីសាលាខេត្តរូបនោះ ។ ហេតុនេះសូមអ្នកសារពត៌មានដែលអញ្ជេីញចូលរួមកម្មវិធីប្រជុំដ៏មានសារៈសំខាន់នាព្រឹកមិញនេះ មេត្តាយោគយល់ដោយឈរលេីស្មារតីសាមគ្គីភាព ឯកភាព សេចក្តីថ្លែ
ថ្នូរ ទាំងអស់គ្នា ។សូមទទួលនូវការគោរពរាប់អានដ៏ស្មោះអំពីយេីងខ្ញុំ ។
ថ្ងៃទី ៥ ខែ កក្កដា ឆ្នាំ ២០១៩ក្រុមលេខាធិការដ្ឋាន
