សប្បុរសជនជាច្រើននាំគ្នាបរិច្ចាគកូនឈើប្រភេទ បេង ធ្នង់ និងក្រញូង យកទៅដាំឡើងវិញនៅតំបន់ភ្នំតាម៉ៅបង្ហាញពីការស្រលាញ់ធម្មជាតិ!
11-February-2026 / ព័ត៌មានជាតិ
ភ្នំពេញ៖ គិតត្រឹមថ្ងៃត្រង់ថ្ងៃទី០៨ ខែសីហា ឆ្នាំ២០២២នេះ សប្បុរសជននានាបាននាំគ្នាចូលរួមយ៉ាងច្រើន ដើម្បីស្តាព្រៃឈើឡើងវិញនៅតំបន់ភ្នំតាម៉ៅ ដោយនៅពេលនេះសប្បុរសជន បានបរិច្ចាគដើមឈើប្រភេទ បេង ធ្នង់ និងក្រញូង ប្រមាណជាង១០ម៉ឺនដើម ពោលគឺគ្រប់ចំនួនសម្រាប់ដាំបំពេញឡើងវិញហើយ។សកម្មភាពនេះចង់ឬមិនចង់បង្ហាញថាប្រជាពលរដ្ឋស្រាលាញ់ធម្មជាតិមិនចង់ឃើញការបំផ្លាញព្រៃភ្នំដែលមានចម្ងាយតែជាង៤០គីឡូម៉ែត្រពីក្រុងភ្នំពេញដែលមានសុទ្ធតែផ្ទះថ្មនោះទេ។
សូមបញ្ជាក់ថានៅថ្ងៃទី០៧ ខែសីហា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសលុបចោលលិខិតអនុញ្ញាតឱ្យដោះដូរ និងអភិវឌ្ឍភ្នំតាម៉ៅ ដើម្បីរក្សាទុកដី និងព្រៃនៅជុំវិញសួនសត្វភ្នំតាម៉ៅជាដីដែលត្រូវការពារ និងអភិរក្សដោយក្រសួងកសិកម្ម និងឲ្យក្រុមហ៊ុនដែលបានឈូសឆាយត្រូវដាំដើមឈើឡើងវិញលើដីដែលបានឈូសឆាយ.។ដីព្រៃភ្នំតាម៉ៅជាង១៥០០ហិកតាត្រូវបានដឹងថាកាត់ចេញពីផ្ទៃដីភ្នំដែលមានជាំង២៥០០ហិកតាឲ្យទៅក្រុមហ៊ុនឡេងណាវ៉ាត្រាក្រុមហ៊ុនជីបម៉ុងនិងក្រុមហ៊ុនឧកញ៉ាឃុនសៀ។
ក្រោយពីសម្តេចតេជោ ហ៊ុន សែន ប្រកាសលុបចោលលិខិតអនុញ្ញាតឱ្យដោះដូរ និងអភិវឌ្ឍភ្នំតាម៉ៅ និងបញ្ជាឲ្យក្រុមហ៊ុនដែលបានឈូសឆាយ ត្រូវបញ្ឈប់សកម្មភាព និងត្រូវដាំដើមឈើឡើងវិញ នៅយប់ថ្ងៃទី០៨ ខែសីហា ឆ្នាំ២០២២នេះ ឧកញ៉ា ម៉ុង ប្ញទ្ធី បានប្រកាសចូលរួមដាំកូនឈើប្រណិតរាប់ពាន់ដើម នៅតំបន់ភ្នំតាម៉ៅ។តាមបណ្តាញសង្គម Facebook ផ្លវការរបស់ឧកញ៉ា ម៉ុង ប្ញទ្ធី បង្ហោះនៅយប់ថ្ងៃទី០៧ ខែសីហា ឆ្នាំ២០២២នេះបានបញ្ជាក់ថា៖ដោយបានទទួលការអនុញ្ញាតដ៏ខ្ពង់ខ្ពស់បំផុតពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អោយដាំដើមឈើប្រណិតឡើងវិញនៅលើទីតាំងដែលបានឈូសឆាយ។
ពេលនេះខ្ញុំកំពុងតែលើកកូនឈើដាក់លើរថយន្ត ព្រឹកស្អែកថ្ងៃទី៨ ខែសីហា ឆ្នាំ២០២២នេះ ខ្ញុំនឹងដឹកជញ្ជូនកូនឈើបេងចំនួន១០០០ដើម កូនឈើធ្នង់ចំនួន១០០០ដើមសរុប២០០០ដើម ថ្ងៃពុធទី៩ ខែសីហា និងជញ្ជួនកូនឈើបេង និងធ្នង់មកដល់ចំនួន៥០០០ដើមបន្ថែមទៀត ហើយនិងអាចដឹកជញ្ជួនមកជាបន្តបន្ទាប់ថែមទៀត បើតាមការអោយដឹងក្រៅផ្លូវការមកថា ផ្ទៃដីដែលឈូសឆាយអស់ចំនួនប្រមាណជា៥០០ហិកតា បើយើងដាំ 7m x 7m =204ដើម សរុបកូនឈើដែលមានតម្រូវការទាំងអស់ ប្រមាណជា102.000ដើម។ព្រឹកស្អែកថ្ងៃចន្ទ ទី៨ ខែសីហា ឆ្នាំ២០២២នេះ រូបខ្ញុំនិងលោកជំទាវប្រហុក និងដឹកនាំក្រុមអ្នកបច្ចេកទេសបុគ្គលិកកម្មករ ផ្នែកកសិកម្មរបស់ក្រុមហ៊ុន ម៉ុង ឫទ្ធី គ្រុប ទៅចូលរួមចំណែកដាំដើមឈើឡើងវិញ នៅក្នុងតំបន់ភ្នំតាម៉ៅ ស្រុកបាទី ខេត្តតាកែវ បើបងប្អូនប្រីយមិត្តយើងចង់ចូលរួមចំណែកដាំដើមឈើឡើងវិញដែរ ខ្ញុំសូមស្វាគមន៍ដោយក្តីសោមនស្សរីករាយជួបគ្នានៅភ្នំតាម៉ៅ។
ក្រៅពីលោកឧកញ៉ាម៉ុងឧកញ៉ាវ័យក្មេងឡេងណាវ៉ាត្រាក៏បង្ហោះសារតាមហ្វេសអំពាវនាវឲ្យមានការចូលរួមជាមួយលោកទៅដាំដើមឈើវិញដែរដោយលោកឧកញ៉ាដែលរៀនមិនទាន់បានចប់មហាវិទ្យាល័យនិងជាអតីតពលករមកពីកូរ៉េឡើងជាឧកញ៉ាក៏និយាយថាលោកគាំទ្រសម្តេចតេជោក្នុងការលុបចោលសជណរឿងកាត់ដូរដីភ្នំតាម៉ៅដែរ។បើចឹងមែនហេតុអីលោកទៅឈូសឆាយដីព្រៃនោះ?ឬលោកធើតាមគេបញ្ជា។ឃើញសារចឹងអ្នកលេងបណ្តាញសង្គមហ្វេសប៊ុកឌឺដងថាខ្លួនជាអ្នកឈូសឆាយមកបបួលគេទៅដាំដើមឈើ?។ឡូវនេះភ្នំតាម៉ៅត្រូវបានសង្គ្រោះឡើងវិញហើយ គេសង្ឃឹមថាក្រសួងកសិកម្មមានគំនិតកែច្នៃទីតាំងដែលជាសួតរាជធានីភ្នំពេញឲ្យក្លាយជាតំបន់ទេសចរណ៍ធម្មជាតិសម្រាប់អ្នកភ្នំពេញទៅកំសាន្តហាត់ប្រាណជិះកង់ឬកូនសិស្សទៅបោះតង់លេងជាមិនខាន!៕
