វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3282 នាក់
ម្សិលមិញ 6501 នាក់
សរុប 13951837 នាក់
ខេត្តព្រះវិហារ ៖ កាលពីថ្ងៃទី១០និង១១ក្កដាព្រះរាជអាជ្ញាខេត្តព្រះវិហារ លោក ទី សុវិន្ទថាល់ បានដឹកនាំមន្ត្រីខណ្ឌ មន្ត្រីផ្នែករដ្ឋបាលព្រៃឈើរវៀង អាជ្ញាធរ នឹងសមត្ថកិច្ច នៅក្នុងមូលដ្ឋាន ចុះបង្ក្រាបឈើលាំងឃ្លុំប្រភេទលេខ១ ដែលពួគឈ្មួញកាប់ដឹកយកមកលាក់ស្តុក ចំនួន ៥កន្លែង និងចាប់រថយន្តដឹកឈើ ១គ្រឿង រឹបអូសឈើជ្រុងបានជាង ១០០កំណាត់ នៅក្នុងរយៈពេលពីរថ្ងៃចុងសប្តាហ៍មុននេះតែមេឈ្មួញឈើសមត្តកិច្ចមិនបានចាប់អានណាមួយឡើយ។
ទីតាំងដែលឈ្មួញលាក់តុកឈើមាន ៖១.ស្ថិតនៅក្នុងភូមិស្វាយ។២.ភូមិសុច ឃុំរណសិរ្ស រឹបអូសឈើបាន ៩៩កំណាត់ និងនៅថ្ងៃទី១១កក្កដា ស្ទាក់ចាប់រថយន្ត ១គ្រឿង ដកហូតបានឈើ ៥កំណាត់ ចំណុចដងផ្លូវក្រាលគ្រួសក្រហម ១ខ្សែ ស្ថិតនៅក្នុងភូមិសុច ឃុំរណសិរ្ស ស្រុកសង្គមថ្មី ខេត្តព្រះវិហារ។ នាយខណ្ឌរដ្ឋបាលព្រៃឈើខេត្តព្រះវិហារ លោក នួន សុខុម បានប្រាប់ឲ្យដឹងថា នៅថ្ងៃ ១២ កក្កដា នេះថា ឈើដែរឹបអូសបានជាប្រភេទឈើ សុក្រំ ឈើឈ្លីក ចំនួន១០៤កំណាត់ និងរថយន្ត០១គ្រឿង។
ការបង្ក្រាប់បែបធើលេងៗមិនចាប់អ្នកប្រព្រឹត្តនោះ មន្ត្រីអង្គការក្រៅរដ្ឋាភិបាលដែលឃ្លាំមើលបទល្មើសព្រៃឈើក្នុងខេត្តព្រះវិហារ បានឲ្យដឹងថា ករណីសមត្ថកិច្ចចម្រុះបង្ក្រាបទីតាំងប្រមូលទិញឈើនិងលើកឈើដាក់រថយន្តរបស់ឈ្មួញឈ្មោះ ភ័ក្ត្រ នៅក្នុងភូមិស្វាយ ឃុំរណសិរ្ស ស្រុកសង្គមថ្មី កាលពីថ្ងៃទី១១ ខែកក្កដា ឆ្នាំ២០២១ គឺបានត្រឹមតែធ្វើឲ្យល្អមើលប៉ុណ្ណោះ។ ដោយហេតុថា នៅក្នុងការបង្ក្រាបនោះសមត្ថកិច្ចចម្រុះរកឃើញឈើច្រើនប្រភេទ ជាច្រើនកំណាត់នៅក្នុងទីតាំង៤កន្លែង ប៉ន្តែឈ្មួញឈ្មោះ ភ័ក្ត្រ ដែលជាម្ចាស់ឈើនៅតែអាចគេចផុតពីវិធានការផ្លូវច្បាប់ដដែល។
ប្រភពស្និទ្ធនឹងឈ្មួញរកស៊ីឈើ បានឲ្យដឹងថា ឈ្មួញឈើម្នាក់នេះមានខ្នងបង្អែករឹងមាំទើបអាចប្រមូលទិញឈើពីតំបន់ភ្នំត្បែង យកមកលាក់ទុកតាមក្រោយផ្ទះប្រជាពលរដ្ឋក្នុងភូមិស្វាយ ឃុំរណសិរ្ស ស្រុកសង្គមថ្មី យ៉ាងរលូន។ នៅពេលប្រមូលទិញឈើបានច្រើនទើបឈ្មួញឈ្មោះ ភ័ក្ត្រ និងបក្ខពួកប្រើប្រាស់រថយន្តទំនើបៗដឹកជញ្ជូនឈើពីស្រុកសង្គមថ្មី ចូលទៅស្រុកប្រាសាទបល្ល័ង្ក ខេត្តកំពង់ធំ យ៉ាងរលូនតែម្តង។ លោក នួន សុខុម នាយខណ្ឌរដ្ឋបាលព្រៃឈើខេត្តព្រះវិហារ និងលោក កង សៅគុណ មេបញ្ជាការកងរាជអាវុធហត្ថខេត្តព្រះវិហារត្រូវបានគេរិះគន់ថា៖ធើលេងៗឲ្យល្អមើល គ្មានឆន្ទៈក្នុងការបង្ក្រាបបទល្មើសព្រៃឈើប្រកបដោយប្រសិទ្ធភាពនោះទេ។ ព្រោះបើមានឆន្ទៈក្នុងការបង្ក្រាបបទល្មើសព្រៃឈើមែននោះគឺឈ្មួញឈ្មោះ ភ័ក្ត្រ និងឈ្មួញដ៏ទៃទៀតមិនអាចធ្វើសកម្មភាពដឹកជញ្ជូនឈើពីស្រុកត្បែងមានជ័យ ខេត្តព្រះវិហារ ចូលខេត្តកំពង់ធំ តាមអំពើចិត្តឡើយ។ ចំណែកលោក ប្រាក់ សុវណ្ណ អភិបាលខេត្តព្រះវិហារ និងលោក ពឹង ទ្រីដា ប្រធានមន្ទីរកសិកម្មខេត្តព្រះវិហារ កំពុងរក្សាភាពស្ងៀមស្ងាត់ក្នុងខណៈដែលបទល្មើសព្រៃឈើកើតឡើងពេញបន្ទុកនៅក្នុងខេត្តព្រះវិហារ។
សូមបញ្ជាក់ថាកាលពីថ្ងៃទី៧ ខែកក្កដា ឆ្នាំ២០២១ មានរថយន្តសេរីទំនើបចំនួន៤គ្រឿងដឹកឈើចេញពីចំនុចភូមិសុច ចេញតាមសែងយកទៅលក់នៅឯខេត្តកំពង់ធំបានយ៉ាងរលូន សមត្ថកិច្ចគ្រប់ផ្នែកពាក់ពន្ឋ័អត់បង្ក្រាបនោះទេ ។មិនថាពេលយប់ឬពេលថ្ងៃប្រជាពលរដ្ឋនិយាយថាគេតែងសង្គេតឃើញរថយន្តសេរីទំនើបៗ ម៉ាកធុនត្រា ម៉ាកស៊ីណា ម៉ាស្តានឹងម៉ាកហ្វត ពណ៍ត្រេអ៊ី ដឹកឈើលេខ១ ប្រភេទសុក្រម នឹងឈើឈ្លីក ចេញពីចំនុចភូមិសុច ភូមិតាសែង ឃុំរណៈសិរ្យ ស្រុកសង្គមថ្មី ដឹកទៅខេត្តកំពង់ធំបានយ៉ាងរលូន ប៉ុន្តែសមត្ថកិច្ចចម្រុះមានអាវុធហត្ថ នគរបាល នឹង បរិស្ថាន នៅចំនុចខ្នាថ្មី ជាប់ព្រុំប្រទល់ស្រុកសង្គមថ្មីនឹងស្រុកប្រាសាទបាលង្គង័ ធើមិនដឹង។
ប្រជាពលរដ្ឋនៅក្នុងស្រុកសង្គមថ្មី បានអោយដឹងថា មេឈ្មួញដុះស្លែ ឈ្មោះភក្រ័ តែងតែទំនាក់ទំនងល្អជាមួយលោក យា សាវង្ស ប្រធានស្នាក់ការបរិស្ថានខ្នាថ្មីតាសែង ជាប់ព្រុំប្រទល់ស្រុកសង្គមថ្មីនឹងស្រុកប្រាសាទបល័ង្ល នឹងលោក មឿង សំផុន នាយកភ្នំត្បែង រួមទាំងសមត្ថកិច្ចដ៍ទៃទៀត ដូចជាមេព្រៃសង្កាត់សង្គមថ្មី អាវុធហត្ថ នឹងនគរបាលដែលប្រចាំការនៅចំនុចខាងលើ ដើម្បីអោយរថយន្តដឹកឈើខុសច្បាប់របស់ពួកគេដំណើរការទៅបានយ៉ាងរលូន ពេលខ្លះពួកគេដឹកឈើទាំងថ្ងៃក៏មាន ។
បើប្រជាជនដឹកឈើតាមគោយន្តកន្ត្រៃយកមកប្រើប្រាស់ ត្រូវបានសមត្ថកិច្ចចាប់ផាកពិនយ័ដោយមិនមានការលើកលែងទេ ឬដោយសាពួកគាត់មិនមានលុយសូកប៉ាន់អស់លោកជំនាញទាំងនោះ ។ប្រភពពីសមត្ថកិច្ចមួយចំនួនបានលួចបង្ហើបអោយដឹងថា ពីមួយខែមុន រថយន្តមេឈ្មួញឈ្មោះភក្រ័ មានតែ ៦គ្រឿងទេ ហើយហ៊ានដឹកឈើតែពេលយប់ ឥលូវថែមរថយន្តមកចំនួន៣គ្រឿងទៀត ទាំងអស់៩គ្រឿងដឹកឈើទាំងថ្ងៃទាំងយប់បានយ៉ាងរលូន ។សូមបញ្ជាក់ថាកាលពីខែមុននេះអ្នកកាសែតចំនួន៨នាក់ត្រូវបានសមត្តកិច្ចចាប់ឃាត់ខ្លួនដាក់គុករហូតដល់ថ្ងៃនេះមិនទាន់លែងដោយសារតែចុះស្រាវជ្រាវបទល្មើសក្នុងខេត្តព្រះវិហ៊ារហើយត្រូវឈ្មួញឈើឃុបឃឺតជាមួយសមត្តកិច្ចដាក់អន្ទាក់ធើស៊ីតែម្តង!៕