វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 803 នាក់
ម្សិលមិញ 10264 នាក់
សរុប 14139985 នាក់
ភ្នំពេញ៖បុរសជនជាតិចិន ម្នាក់ត្រូវបានឃាត់ខ្លួនជាមួយគ្រឿងញៀនក្រោយពីបានបើករថយន្ត RX350 ស៊េរីទមំនើប បុកម៉ូតូកង់បី(តុតុ)មួយគ្រឿង បណ្តាលអោយមានរបួសធ្ងន់វេលាម៉ោង១៥និង០០នាទី ស្ថិតនៅចំណុច តាមបណ្តោយផ្លូវ១៥៤ សង្កាត់ផ្សាថ្មី3 មុខរោងកុនលុច្សហើយព្យាយាមបើករត់គេចខ្លួនកាលពីថ្ងៃទី៣មិថុនា។
ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេបានឃើញបុរសម្នាក់ និង ស្ត្រីម្នាក់បានបើករ៉ឺម៉កកង់បី ឥណ្ឌា ពណ៌ក្រហម ពាក់ស្លាកលេខ ព្រៃវែង ១M-១៥៧៤ ធ្វើដំណើតាមបណ្ដោយមហាវិថីព្រះនរោត្តម ទិសដៅពីកើតទៅលិច បានឈប់រងចាំស្តុប ខណៈពេលនោះក៏ស្រាប់តែមាន រថយន្តមួយគ្រឿងម៉ាក ឡិចស៊ីស RX350 ពណ៌ខ្មៅ ពាក់ស្លាកលេខ ២AW-៤៣៣២ បើកបរដោយបុរសជនជាតិម្នាក់ បានធ្វើដំណើរមកពីក្រោយបុកពេញទំហឹង អូសរ៉ឺម៉កកង់បីជាច្រើនម៉ែត្របណ្ដាលឲ្យក្រឡាប់រងរបួសធ្ងន់ ត្រូវបានបញ្ជូនទៅមន្ទីរពេទ្យភ្លាមៗ ។
រថយន្តបង្កបានព្យាយាមបើករត់គេចរហូតដល់ផ្សារតាប៉ាង ផ្លូវលេខ១៣៦ ទើបត្រូវបានប្រជាពលរដ្ឋដេញឃាត់បានតែម្តង និង វ៉ៃម្នាក់មួយដៃមួយទើបបណ្ដាលឲ្យរងរបួសបែកមាត់។ក្រោយពីស្ទាក់ចាប់បាន សមត្ថកិច្ចឆែកឃើញនៅក្នុងរថយន្តរបស់ជនបង្ករមានការបូបយួរមួយ ក្នុងនោះមានកញ្ចប់កាហ្វេចំនួន៦ដុំ ពេលហែកមើលឃើញមានថ្នាំគ្រាប់ពណ៍ទឹកសមុទ្រ រូបតុក្កតាសញ្ញាក្បាលខ្មោច ជាច្រើនគ្រាប់ សង្ស័យជាសារធាតុញៀន ទើបសមត្ថកិច្ចយើងយកជនជាតិចិន រួមជាមួយវត្ថុតាងមកសាកសួរនៅ ខណ្ឌភ្លាមតែម្តង ។
លោកវរសេនីយ៍ ទៀង ចាន់សារ អធិការនគរបាលខណ្ឌដូនពេញ បានឲដឹងថា៖ករណី គ្រោះថ្នាក់ចរាចរណ៍ បង្ករឡើងដោយរថយន្តម៉ាក LEXUS ពណ៌ខ្មៅ ស្លាកលេខ ភ្នំពេញ 2AW 4332 បើកបរ ដោយជនជាតិម្នាក់ បានបើកទៅបុកម៉ូតូកង់បី(តុតុ)មួយគ្រឿង បណ្តាលអោយមានរបួសធ្ងន់ហើយព្យាយាមបើករត់គេច ។ជនបង្ករជាជនជាតិចិន ឈ្មោះ អៅ មីង ភេទប្រុស អាយុ៣០ឆ្នាំ ។ យើងបានសហការណ៍ជាមួយការិយាល័យប្រឆាំងគ្រឿងញៀនដើម្បីធ្វើតេស្ត នឹងជាលទ្ធផលបង្ហាញអោយឃើញថា ជាថ្នាំញៀនប្រភេទ M.A /M.D (អិចស្ត្រាស៊ី) ថ្នាំគ្រវី ក្រោយមកយើងបានប្រើប្រាស់វិធានការជំនាញសួរចម្លើយ នឹងពន្លាតដែនសមត្ថកិច្ចបន្តធ្វើការឆែកឆេរដល់លំនៅដ្ឋានជនសង្ស័យស្ថិតនៅខណ្ឌច្បារអំពៅ ។
តែកិច្ចប្រតិបត្តិការបន្តនេះដោយមិនមានលទ្ធផលរុករកឃើញអ្វី ទេ។ ជនសង្ស័យក៏មិនបានប្រាប់អំពីបក្ខពួក យើងក៏បានធ្វើកំណត់ហេតុនៃការឆែកឆេរ ព្រមទាំងដកហូតថ្នាំញៀនប្រភេទអិចស្តាស៊ីចំនួន១១៦៨០គ្រាប់ សរុប ទម្ងន់ ៦គីឡូក្រាម នឹង៣២មីលីក្រាម ។
បច្ចុប្បន្នជនសង្ស័យរួមជាមួយ វត្ថុតាងកំពុងតែសាកសួរបន្ត នៅអធិការនគរបាលខណ្ឌដូនពេញ ដើម្បីត្រៀមបញ្ជូនខ្លួនឡើងតុលាការចាត់ការនិតិវិធីច្បាប់ ។មានការកត់សម្គាល់ថាសកម្មភាពចរាចរឡគ្រឿងញៀនកាន់តែរីកធំធាត់ដោយសាតែការបង្ក្រាបនៅមានកំរឹត!៕