គយ ចាប់ពិនិត្យផ្ទៀងផ្ទាត់គល់បញ្ជី អ្នកប្រើឡានចង្កូតស្តាំនៅខេត្តបន្ទាយមានជ័យ!
27-March-2024 / សេដ្ឋកិច្ច
បន្ទាយមានជ័យ៖អ្នកដែលកំពុងប្រើប្រាស់ឡានចង្កូតស្តាំដេកក៍មិនលក់បក់ក៍មិនល្ហើយ ព្រោះ ខំចំណាយលុយខ្ទង់ម៉ឺនដុល្លារ ទិញឡានចង្កូតស្តាំជិះព្រោះវាធូថ្លៃតែឥឡូវត្រូវក្រុមគយធ្វើក!។សេចក្តីរាយការណ៍ព័ត៌មានដែលទើបទទួលបានថ្មីៗឲ្យដឹថា៖ នៅក្នុងខែមុននេះ មន្ត្រីគយចល័តនិងមន្ត្រីគយសាខាខេត្តបន្ទាយមានជ័យ នឹងចុះត្រួតពិនិត្យ ផ្ទៀងផ្ទាត់លើរថយន្តចង្កូតស្តាំ ដែលមានពន្ធខុសប្រក្រតីព្រោះកន្លងមកឃើញ បានចំនួនប្រហែលជាង១០គ្រឿងមកហើយ។
គួររំលឹកថាកន្លងមកចំពោះរថយន្តចង្កូតស្តាំដែលឈ្មួញបានយកចូលមកលក់ក្នុងស្រុកខ្មែរទាំងមានពន្ធនិងអត់ពន្ធនោះ ត្រូវបានរាជរដា្ឋភិបាលអនុគ្រោះ អោយចូលបង់ពន្ធ ចំពោះតែប្រភេទរថយន្ត ដែលនៅសេសសល់ពីមុន មិនទាន់បានស្របច្បាប់ តែមិនអនុញ្ញាតិអោយចូលមកថ្មីទៀតឡើយ ។ទោះជាយ៉ាងណាឡានចង្កូតស្តាំនៅតែមានដោយសារក្រុមឈ្មួញឱកាសនិយម បន្លំត្រីងៀតឆ្លៀតពង ទំនងមានការឃុបឃិត ប្រព្រឹត្តអំពើពុករលួយ ជាមួយស្ថាប័នគយ និងស្ថាប័នផ្សេងទៀត លួចលាក់អោយចូលបន្ថែមទៀតចែកលុយគ្នាធ្វើមាន ធ្វើបាន។
បើតាមប្រភពដែលទទួលបានថា បន្ទាប់ពីរថយន្តស្តាំនេះមានការបង់ពន្ធថមថយ ឃើញថា ពួកគេមានក្បាច់គុណថ្មីទៀតហើយដោយមានការបង់ពន្ធតាមផ្លូវងងឹតវិញម្តងគ្រាន់តែនៅក្នុងខេត្តបន្ទាយមានជ័យ បង់ពន្ធ
ករណីនេះមានដល់ទៅ២លើក លើកទីមួយជាង៤០គ្រឿង និងលើកទីពីរជាង៥០គ្រឿងទាំងពីរលើកបង់នៅសាខាគយបន្ទាយមានជ័យទាំងអស់។
តាមប្រភពបន្តថា ឡានដែលបង់ពន្ធផ្លូវងងឹតទាំងពីរលើកនេះ គឺមានតែឈ្មួញម្នាក់គត់ ដែលបានស៊ីសស៊ុះជាមួយគយ យកបង់ផ្តាច់ទាំងអស់ម្នាក់ឯង ក្នុងគោលបំណងយកឡានស្តាំចូលមកពីថៃបន្ថែមទៀត មិនមែនជាឡានសែសសល់ឡើយ។
គេនៅពុំទាន់ដឹងថា តើគយជាអ្ន្កកមានកំហុស ឬខាងគមនាគមន៍ ឬមួយឈ្មួញជាអ្នកខុសនោះទេ បានជាឡានស្តាំដែលបង់ពន្ធមានស្លាកលេខក្រហមហើយ ពេលដែលចាប់ត្រួតពិនិត្យ ឡាននេះភាគច្រើនសុទ្ធ
តែខុសប្រក្រតី ដូចជាជាក់ស្ដែង ឡានផលិតឆ្នាំ២០០៣ដែលយកទៅបង់ពន្ធ តែមិនបានពាក់ស្លាកលេខឬប្រើប្រាស់ឡាននេះឡើយបែជាឃើញ យកកាតគ្រីឬស្លាកលេខនេះទៅបំពាក់លើឡានសេរីឆ្នាំ២០០៧ -២០០៨ទៅវិញ ជាពិសេសមានច្រើនទៅលើឡានសេរីខ្ពស់ៗដូចជា ពន្ធឆ្នាំ២០១៣ យកទៅបំពាក់ឡានឆ្នាំ២០១៦-ឆ្នាំ២០១៧ជាដើម។
បើយោងលើច្បាប់បង់ពន្ធបានបញ្ជាក់ថា រថយន្តមួយគ្រឿង ដែលមានពន្ធឬស្លាកត្រិមត្រូវ គឺស្ថាប័នគយជាត្រួតពិនិត្យឆ្នាំផលិត លេខតួ លេខម៉ាស៊ីន និងកាល់លេខហើយថតឡានយ៉ាងតិច៣ប៉ុស្តិ៍ ដើម្បីទុកជាឯកសារបន្ទាប់មកខាងគមនាគមន៍ យកពន្ធមកពិនិត្យធ្វើដូចគយដែរ ទាល់តែឃើញត្រិមត្រូវ ទើបហ៊ានចេញកាតគ្រីនិងស្លាកលេខអោយ ។
ករណីយ៍ខាងលើនេះប្រជាពលរដ្ឋចោទថាដោយសារតែមន្ត្រីគយឃុបឃិតជាមួយឈ្មួញព្រោះពេលគយត្រួតគេគ្រាន់តែថតឡាននិងកាល់លេខ យកមកសរសេរពន្ធតម្រូវ មិនចាំបាច់យកឡានមកផ្ទាល់ ទេនៅពេលបានពន្ធទើបគេយកឡាននោះចូលមកពីថៃ ហើយគយមិនដឹងថាឡាននោះសេរីឆ្នាំណាប្រាកដដែរ ព្រោះអាងទុកចិត្តឈ្មួញ ដែលបង់សេវាឲ្យ។
ប្រភពមួយទៀត បានអោយដឹងថា ឡានស្តាំដែលបង់ផ្លូវងងឹតទាំងពីរលើកនេះ ខាងមន្ទីរសាធារណការខេត្តបន្ទាយមានជ័យ មិនហ៊ានធ្វើកាតគ្រីឬស្លាកលេខអោយទេ។ ដូច្នេះល្បិចឈ្មួញ គេរត់ការទំនាក់ទំនងចេញកាតគ្រីស្លាកលេខ នៅខេត្តផ្សេងៗ ដោយក្រាន់តែកាល់លេខនិងផ្ញើក្រដាសពន្ធ មិនចាំបាច់យកឡានទៅទេ។នៅពេលបានឯកសារត្រឹមត្រូវទើបឈ្មួញមានក្បាច់គុណថ្មី យកទៅបំពាក់លើរថយន្តដែលមានសេរីខ្ពស់ៗលក់បានថ្លៃ។
លទ្ធផលចុងក្រោយអ្នកទិញទឹកភ្នែក អ្នកលក់អាចដេកគុកឬរត់ចោលស្រុក ព្រោះព័ត៌មានខ្សឹបខ្សៀវបញ្ជាក់ថា ឈ្មួញកំពុងតែចចារឡានស្តាំដែលខុសប្រក្រតីលក់អោយអ្នកប្រើ ទិញយកមកវិញ ក្នុងតំលៃស្មើដើមឬខាត។ ជៀសជៀសវាងការប្តឹងផ្តល់គ្នា?ឆ។បើតាមព័ត៌មានរាយការណ៏មកថា ចាប់តាំងពីគក្រើក ពេលគយចុះត្រួតពិនិត្យឆែកឆេរថ្មីៗ លឺថាឈ្មួញបានទិញចូលមកវិញប្រហែលជាង១០គ្រឿងហើយ តែឡានស្តាំដែលបានលក់រាប់រយគ្រឿងឯណោះ តើមានលុយទិញមកវីញទាំងអស់ទេ?ហើយយកទៅលាក់ទីណាស្ងាត់ អ្នកណាហ៊ានទិញ? គេនិយាយថាឡាន១គ្រឿងចំណេញពី៣ពាន់ទៅ៥ពាន់ តែបើទិញចូលវិញអាចខាតទាំងស្រុង ។
គេនៅមិនទាន់ដឹងថាតើកំហុសនេះធ្លាក់ទៅលើអ្នកណា លទ្ធផលចុងក្រោយ គយ គមនាគមន៍ ឬឈ្មួញ ?បោះឆ្នោតរួចនឹងអាចមានហានីភ័យកើតឡើងខ្លាំងជាងនេះទៀត ចំពោះ
បញ្ហាលើករណីឡានស្តាំនេះ។
