សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ជាច្រើនទៀត

ចំនួនអ្នកទស្សនា

ថ្ងៃនេះ 3517 នាក់

ម្សិលមិញ 10264 នាក់

សរុប 14142699 នាក់

សង្គ្រាមដណ្តើមដីធ្លីនៅខេត្តព្រះសីហនុសមត្តកិច្ចរបួសមួយបាន១លានរៀល!

03-April-2024 / សន្តិសុខសង្គម

ខេត្តព្រះសីហនុ៖នៅព្រឹកថ្ងៃទី១៩មេសាឆ្នាំ២០១៩អំពើហឹង្សារវាងប្រជាពលរដ្ឋចាប់ដីនិងសមត្តកិច្ចខេត្តព្រះសីហនុដឹកនាំកម្លាំងមកដណ្តើមយកដីតាមសាលក្រមតុលាការជូនលោកឧត្តមសេនីយ៍ជុំសាវុធជាលើកទី២បណ្តាលឲ្យមានអ្នករងរបួសទាំងសងខាង។ a siha r3

តែអ្វីដែលជាការចាប់អារម្មណ៍គឺខាងសមត្តកិច្ចណាដែលរងរបួសទទួលបានការឧបត្ថម្ភ១លានរៀលម្នាក់ដែរខុសពីការបង្ក្រាបលើកមុនចាប់មន្ត្រីដាក់គុក។
សូមបញ្ជាក់ដែរថា៖កាលពីថ្ងៃទី១៨ ខែមេសា ឆ្នាំ២០១៩ម្សិលមិញនេះ នៅតាមបណ្តោយ ផ្លូវជាតិលេខ៤ ស្ថិតក្នុង ស្រុកព្រៃនប់ មានប្រជាពលរដ្ឋជាច្រើន គ្រួសារ បាននាំគ្នាធ្វើការតវ៉ា ដោយបានកាប់ដើមឈើ មកបាំងបិទផ្លូវជាតិលេខ៤ស្ថិតក្នុងឃុំបិតត្រាំង ស្រុកព្រៃនប់ ខេត្តព្រះសីហនុ ។ បណ្តាលឲ្យមានការកកស្ទះ មួយស្របក់ ទើបមាន សមត្ថកិច្ចចុះមកធ្វើការ អន្តរាគមន៍ សម្រួលផងដាក់កម្លាំងរុះរើផ្ទះដែលសមត្តកិច្ចថាសង់លើដីលោកជុំសាវុធផងបាន១០០ភាគរយ ។

ដោយឡែកនៅព្រឹកថ្ងៃទី១៩ ខែមេសា ឆ្នាំ២០១៩នេះ ប្រជាពលរដ្ឋទាំងនោះ ក៏បានធ្វើការតវ៉ាជាលើកទី២ ដោយម្តងនេះមានការយកដុំថ្ម និងមែកឈើ ទៅដាក់បិទផ្លូវជាតិ បង្កឲ្យកកស្ទះចរាចរណ៍ប្រហែល១ម៉ោងពេលសមត្តកិច្ចបំបែកក៏ផ្ទះហឹង្សាគប់ដុំថ្មដាក់សមត្តកិច្ចដូចលាជផ្ទុះ ។អំពើហិង្សា ដោយមានការគុំដុំថ្មក្រោមហេតុផលការពារផ្ទះរបស់ខ្លួននោះ បណ្ដាលឲ្យមន្ដ្រីនគរបាលចំនួន ៤នាក់ និងប្រជាការពារចំនួន ២នាក់ទៀត បានទទួលរងរបួសបែកក្បាល ក្នុងនោះដែរ ក៏មានរថយន្តចំនួន ៣គ្រឿង បានរងការខូចខាតផងដែរ។

លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានឲ្យកាសែតដឹងថា ភ្លាមៗ បន្ទាប់ពីទទួលបានព័ត៌មានថា មានកងកម្លាំងរងរបួសនោះ នាយឧត្តមសេនីយ៍ សន្ដិបណ្ឌិត នេត សាវឿន តាមរយៈលោកផ្ទាល់ បានឧបត្ថម្ភថវិកាដល់មន្ដ្រីនគរបាល ដែលរងរបួស ម្នាក់ៗ១លានរៀល និងប្រជាការពារម្នាក់ៗ៥០ម៉ឺនរៀល។

ក្រៅពីនេះ មានមនុស្សចំនួន ៦នាក់ត្រូវបានសមត្ថកិច្ច បានចាប់ខ្លួន ខណៈឃាត់ខ្លួន ២នាក់ កាលពីម្សិលមិញ។ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានចាត់ទុកថា នេះជាបទល្មើសព្រហ្មទណ្ឌ ដែលមិនអាចលើកលែងឲ្យបាន នឹងចាត់វិធានការតាមផ្លូវច្បាប់តែម្ដង?។

រដ្ឋបាលខេត្តព្រះសីហនុ បានចេញជូនដំណឹងមួយអំពីការចុះរុះរើសំណង់ខ្ទមអនាធិបតេយ្យជាង៦០០ខ្នង នៅលើដីដែល មានម្ចាស់កម្មសិទ្ធិ នៅចំណុចចំណោតអូរត្រាវ ក្នុងភូមិ ចំណោតរាម ឃុំបិតត្រាំង ស្រុកព្រៃនប់ ។ កាលនោះមាន មនុស្ស២នាក់ត្រូវបានសមត្ថកិច្ចឃាត់ខ្លួនឈ្មោះ ខ្លូត តុសិតា ភេទស្រី អាយុ៣៩ ឆ្នាំមុខរបរមេផ្ទះ ស្នាក់នៅបណ្ដោះអាសន្នកន្លែងកើតហេតុត្រូវឃាត់ខ្លួនដោយសារការគប់ដុំថ្ម និងប្រើដំបងវាយលើ កំលាំងសមត្ថកិច្ចចំរុះបណ្តាលឲ្យរងរបួសជាច្រើននាក់ និងជនសង្ស័យម្នាក់ទៀតមានឈ្មោះ កែវ សាង ភេទប្រុស អាយុ៥៣ឆ្នាំ មានមុខរបរជាអ្នកនេសាទ នៅស្រុកព្រៃនប់ ដែលពាក់ព័ន្ធនឹងការដឹកនាំបិទផ្លូវ។

សូមបញ្ជាក់ថាដីនៅក្រុងព្រះសីហនុបានឡើងថ្លៃដល់១ម៉ែត្រការ៉េជិត៥ពាន់ដុល្លារអាមេរិក។ចឹងហើយបានជាមន្ត្រីឪកញ៉ាដែលមានដីនៅទីនោះជ្រួលច្រប់ល់ខ្វល់ចាយលុយយកឈ្នះចឹងទៅ!៕ a siha r1 a siha r2 a siha r5 a siha r4