សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ឆ្មក់ចូលក្លឹបថាំងហួយឃាត់មនុស្សបាន១១១នាក់គ្រឿងញៀន៥គីឡូក្រាម?

ខេត្តក្រចេះមិនអនុញ្ញាតឲ្យអាជីវករលក់ត្រីបបែលទៀតទេ រួមទាំងត្រី ២៩ប្រភេទផ្សេងទៀត ដែលជាប្រភេទត្រីជិតផុតពូជ

មន្ត្រីសុរិយោដីស្រុកសំរោងទង ស្រវឹងស្រាបើកឡានបុកផ្ទាំងផ្សាយពាណិជ្ជកម្មនៅសួនច្បារសម្តេចព្រះសង្ឃរាជ ជួន ណាត

លោកកើត រិទ្ធ រដ្ឋមន្ត្រីក្រសួងយុត្តិធម៍ប្រកាសបើកយុទ្ធនាការលុបពាក្យបណ្តាសា ត្រីមួយកន្ត្រកស្អុយមួយ ស្អុយទាំងអស់ក្នុងប្រពន្ធ័យុត្តិធម៍

ជាច្រើនទៀត

ចំនួនអ្នកទស្សនា

ថ្ងៃនេះ 10061 នាក់

ម្សិលមិញ 8227 នាក់

សរុប 14136942 នាក់

ម៉ាឌូរ៉ូចេញបញ្ជាហាមធ្វើនយោបាយ១៥ឆ្នាំតែលោកហ្កៃដូថាគ្មានន័យឡើយអាមេរិកព្រមានឲ្យរុស្ស៊ីដកទព័ចេញ!

27-March-2024 / ព័ត៌មានអន្តរជាតិ

វេណេហ្សុយអេឡា៖លោកម៉ាឌូរ៉ូប្រធានាធិបតីនៃប្រទេសវេណេហ្សូអេឡា ដែលប្រទេសមានប្រទេរសចិនរុស្ស៊ីនិងប្រទេសមួយចំនួននៅអាមេរិកឡាទីនប៉ុណ្ណោះទទួលស្គាល់ បានចេញបទបញ្ជាពិសេសមួយ ហាមឃាត់មេបក្សប្រឆាំងជួនហ្កៃដូនិងជាប្រធានាធិបតីស្តីទីមិនឲ្យ ធ្វើនយោបាយរយៈពេល១៥ឆ្នាំ។ នេះបើតាមសារព័ត៌មាននៃគេហទំព័រRTE។ តាមប្រភពដដែលបទបញ្ជារបស់លោកម៉ាឌូរ៉ូមិនបាននិយាយយោងពីការដកហូតអំណាចលោកហ្កៃដូ ជាប្រធានរដ្ឋសភានោះទេ។ a venezu1

លោកជួនហ្កៃដូគឺជាប្រធានរដ្ឋសភា នៃប្រជាជនវេណេហ្សូអេឡា ដែលបានជាប់ឆ្នោតជាអ្នកតំណាងរាស្ត្រនៅក្នុងការបោះឆ្នោតសភាកាលពីឆ្នាំ២០១៧តែត្រូវបានលោកម៉ាឌូរ៉ូមិនទទួលស្គាល់។ លោកបានប្រកាសខ្លួនឯងជាប្រមុខរដ្ឋស្ដីទីនៅពេលលោកស្បថចូលកាន់តំណែងជាប្រធានរដ្ឋសភាទទួលបានការគាំទ្រពីអាមេរិកនិងសម្ពន្ធ័មិត្តនៅអឺរ៉ុបព្រមទាំងប្រទេសអាមេរិកឡាទីនផងដែរ។ ការណ៍នេះ នាំប្រទេសវេណេហ្សូអេឡា មានប្រធានាធិបតី២នៅពេលតែមួយ។

លោកជួនហ្កៃដូបានប្រាប់អ្នកសារព័ត៌មានថា បទបញ្ជារបស់លោកម៉ាឌូរ៉ូមិនមានសុពលភាព លើតំណែងរបស់លោកជាប្រធានប្រធានរដ្ឋសភានោះទេ។ លោកថាមានតែសភាទេដែលអាចដកហូតលោកបាន។ សហរដ្ឋអាមេរិកដែលគាំទ្រលោកជួនហ្កៃដូ បានចាត់ទុកបទបញ្ជារបស់លោកម៉ាឌូរួគឺដូចសម្រាប ហើយថាជារឿងគួរឱ្យអស់សំណើច។

ក្រឹត្យដាក់បំរាមនយោបាយចំពោះលោកលោកជួនហ្កៃដូត្រូវបានម៉ាឌូរ៉ូ ធ្វើឡើងបន្ទាប់ពី រុស្ស៊ីបានបញ្ជូនទ័ពនិងអ្នកជំនាញការខាងយុទ្ធសាស្ត្រចំនួន១០០ទៅជួយពង្រឹងអំណាចនៃរបបលោកម៉ាឌូរ៉ូ។តែវត្តមានយោធារុស្ស៊ីប្រឈមការប្រឆាំងពីអាមេរិកនិងប្រទេសប្រេស៊ីលឲ្យដកកងទព័ចេញជាបន្ទាន់។លោក Elliott Abrams មន្ត្រីពិសេសរបស់អាមេរិក ទទួលបន្ទុកកិច្ចការវេណេហ្ស៊ូអេឡា បាននិយាយថា រដ្ឋមន្ត្រីការបរទេសអាមេរិក លោក Mike Pompeo ទើបតែទទួលបានបញ្ជីជម្រើសមួយ សម្រាប់ឆ្លើយតបនឹងវត្តមានកំពុងកើនឡើង របស់រុស្ស៊ី នៅក្នុងប្រទេសវេណេហ្ស៊ូអេឡា ដែលគាំទ្រលោក ម៉ាឌូរ៉ូ ដោយរួមមានទាំងទណ្ឌកម្មថ្មី។នេះបើតាមសេចក្តីរាយការណ៍មួយ ពីកាសែត រ៉យទ័រ ចេញផ្សាយនៅថ្ងៃទី៣០ ខែមីនា ឆ្នាំ២០១៩ បានឲ្យដឹង។

ប្រទេសរុស្ស៊ីកំពុងបើកដំណើរការមជ្ឈមណ្ឌលមួយ ដែលមានបង្រៀនជំនាញបើកបរឧទ្ធម្ភាគចក្រទំនើប នៅក្នុងប្រទេសវេណេស៊ុយអេឡាផ្ទាល់តែម្តង។ នេះបើតាមការចេញផ្សាយដោយ ទីភ្នាក់ងារព័ត៌មានចិន ស៊ីនហួរ នារសៀលថ្ងៃសៅរ៍ ទី៣០ ខែមីនា ឆ្នាំ២០១៩។ការបើកដំណើរការមជ្ឈមណ្ឌលខាងលើនេះ គឺស្ថិតនៅក្រោមកិច្ចព្រមព្រៀងរវាងក្រុមហ៊ុន រ៉ូសូបូរ៉ុន (Rosoboron Export) និងក្រុមហ៊ុនរដ្ឋវេណេស៊ុយអេឡា CAVIM។ មជ្ឈមណ្ឌលនេះនឹងបង្វឹកអាកាយានិក ឬកងទ័ពអាកាសវេណេស៊ុយអេឡា ពីការបញ្ជាឧទ្ធម្ភាគចក្រស៊េរីទំនើប Mi17V-5, Mi-35M និង Mi-26T ដែលជាផលិតផលរបស់រុស្ស៊ី។

លោកជួនហ្កៃដូ ត្រូវបានតុលាការកំពូលប្រទេសរបស់លោកចេញដីកាកាត់ទោសលោករូចហើយអំពីទោសក្បត់ជាតិ។ តែមកដល់ពេលនេះ មេបក្សប្រឆាំងវ័យក្មេងនេះ នៅតែមានសេរីភាពធ្វើសកម្មភាពនយោបាយនៅឡើយ។ អាមេរិកបានព្រមានកុំឱ្យលោកម៉ាឌូរ៉ូចាប់ខ្លួនឬចាប់ពង្រត់លោកម៉ាឌូរ៉ូអោយសោះ។ លោកជួនហ្កៃដូបានប្រកាសថាចាប់ពីថ្ងៃទី៦មេសាទៅគឺជាយុទ្ធនាការ ទូទាំងប្រទេសដើម្បីគាបសង្កត់លោកម៉ាឌូរ៉ូអោយចុះចេញពីអំណាច៕ a maduro (1) a ma sp3 a maduro elecopter