វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5984 នាក់
ម្សិលមិញ 6001 នាក់
សរុប 13878814 នាក់
ភ្នំពេញ៖ខុសពីឆ្នាំមុនធ្វើខួបគម្រប់អាយុ៣៥ចូល៣៦ឆ្នាំដែលទទួលបានថៅកែហាងម៉ែងហ្គោចេញលុយប្រារព្ធកម្មវិធីខួបកំណើតឲ្យយ៉ាងអធិកអធម។តែលើកនេះយប់ថ្ងៃទី១២ឈានចូល១៣ខែមីនាឆ្នាំ២០១៩កញ្ញាញឹមចន្ទ័ថនត្រូវបានមិត្តភក្រ័រៀបចំខួបកំណើតឈានចូល៣៨ឆ្នាំឲ្យតាមរបៀបសាមញ្ញតែប៉ុនណោះ។
តារាសម្ដែងនិងចម្រៀងចាស់វស្សាកញ្ញាញឹមច័ន្ទថនដែលបានលេចមុខលេចមាត់ជាថ្មីតាមរយៈស្ថានីយ៍ទូរទស្សន៍ភីអិនអិន(PNN)ត្រូវកាលពីឆ្នាំ២០១៧ក៏ទទួលបានថៅកែហាងម៉ែងហ្គោចេញលុយប្រារព្ធកម្មវិធីខួបកំណើតគម្រប់៣៥ឆ្នាំ ឈានចូលវ័យ៣៦ឆ្នាំ ដ៏អធិកអធមមួយ ដោយមានភ្ញៀវជាអ្នកសិល្បៈ មិត្តភក្តិជិតស្និទ្ធ និងក្រុមគ្រួសារសាច់ញាតិ ចូលរួមយ៉ាងច្រើនកុះករ។
កាលនោះកញ្ញញឹមចន្ទ័ថនទទួលស្គាល់ថាដោយសារនាងជាបុគ្គលឹកហាងថៅកែបានជួយចេញលុយ៧០ភាគរយលុយឲ្យនាងធ្វើខួប។កាលនោះ ពាក្យពេជន៍គួរឲ្យចាប់អារម្មណ៍ ក្នុងន័យបញ្ចើចបញ្ចើឲ្យគ្នា ខុសប្លែកពីពិធីខួបកំណើតតារាដទៃនោះ រួមមាន «ស្រវឹងហាមក្អួតតាមផ្លូវ, រាប់អានហាមញ៉ែ, មិត្តផឹកស៊ី ចេញលុយស្មើគ្នា, ហាមចូលបន្ទប់ទឹក ពេលចេញលុយ, ផឹកហាមបន្លំ,ខ្ញុំជិតចូលសារមន្ទីរហើយ» និង«មិត្តជំពាក់លុយ ត្រូវសង» ជាដើម។ ខណៈដែលពាក្យប្រយោគទាំងនេះ គឺចង់បញ្ជាក់ឲ្យមិត្តភក្តិ ដែលបានចូលរួម បានដឹងជាមុននូវពេលផឹកស៊ីជាមួយគ្នា លើកក្រោយ។
តារាសម្ដែង ញឹម ច័ន្ទថន បានប្រាប់ថា ខួបកំណើតល្ងាចមិញ(១៣មិនាឆ្នាំ២០១៧)នេះ គឺធ្វើឡើងដោយមានការជំរុញពីមិត្តភក្តិ និងជំនួយខ្លះៗពីបងធម៌របស់នាង ដោយអាចនិយាយបានថា ជាខួបចុងក្រោយសម្រាប់នាងហើយ ព្រោះលើកក្រោយៗ នាងអាចធ្វើកម្មវិធីឡើងគេហដ្ឋានថ្មី ឬរៀបអាពាហ៍ពិពាហ៍ តែម្ដង។
នាងថា អ្វីដែលនាងរំពឹងថា នឹងទទួលបានឆ្នាំថ្មីសម្រាប់ជីវិតនាងគឺសេចក្តីសុខទាំងផ្លូវកាយនិងផ្លូវចិត្ត ពិសេសការងារសិល្បៈកាន់តែរីកចម្រើនជាងនេះ។ការពិតបន្ទាប់ពីបរាជ័យពេលនៅជីវិតស្រស់បំព្រងនោះអាឡូវគេសង្កេតឃើញថាកញ្ញាញឹមចន្ទ័ថនបាននិងគំបុងទទួលបានការងារច្រើនក្នុងវិសយ័សិល្បៈទោះបីជាកម្រៃមិនដូចតារាខ្ចីៗក៏ដោយ។
តារាសម្ដែង និងជាតារាចម្រៀងរូបនេះ បានសរសេរសម្រាប់ខួបលើកនេះថា៖«អគុណមិត្តទាំងអស់គ្នានិង ប្អូនៗ យប់មិញដែលបាន Surpriseមកដល់មុខផ្ទះតែម្ដងអត់ដឹងអីតិច! ដោយសារនាងខ្ញុំមិនចង់រំខានអ្នកទាំងអស់គ្នាទេ អគុណការស្រលាញ់មនុស្សម្នាក់នេះដូចជាខ្ញុំហើយនៅតែចាំថ្ងៃពិសេសរបស់ខ្ញុំ ស្រលាញ់អ្នកទាំងអស់គ្នា ១៣.០៣.២០១៩»៕