វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 310 នាក់
ម្សិលមិញ 5020 នាក់
សរុប 14115757 នាក់
ប្រទេសថៃ៖ក្រោយពីឆ្លងកាត់ការបោះឆ្នោតជ្រើសរើស២០នាក់ចុងក្រោយវិញ្ញាសា ឈុតហែលទឹក ល្អបំផុត ឬ”Best in Swimsuit”នោះ កញ្ញឯកពីកម្ពុជានាង លីវ ជីលី ឈរលំដាប់កំពូលក្នុងចំណោមបេក្ខនារី២០នាក់ល្អបំផុត និងក្នុងចំណោមបេក្ខនារីជាង៦០ប្រទេសចូលរួមនោះ។
លទ្ធផលបន្ទាប់ពីកម្មវិធី បវរកញ្ញាដ៏អស្ចារ្យពិភពលោក ឬMiss Grand International បានដាក់ឲ្យធ្វើការបោះឆ្នោតប៉ុន្មានថ្ងៃមុននេះ។ នាងបានជាប់កំពូលបំផុត នៃការ បោះឆ្នោតយកបេក្ខនារី២០នាក់ចុងក្រោយ វិញ្ញាសា ឈុតហែលទឹក “Best in Swimsuit” ។ សម្រាប់១០ប្រទេសកំពូលដែលទទួលបានការបោះឆ្នោតទាំងនោះមានទី១គឺកញ្ញាឯកមកពីប្រទេសកម្ពុជា,លេខ២ មកពីប្រទេសឥណ្ឌូនេស៊ី, លេខ៣ហ្វីលីពីន ,លេខ៤ ម៉ិចស៊ីកូ, លេខ៥អេក្វាឌ័រ, លេខ៦ក្វាតេម៉ាឡា ,លេខ៧មីយ៉ាន់ម៉ា ,លេខ៨ប៉ារ៉ាហ្គាយ, លេខ៩កូឡំប៊ី ,លេខ១០ វៀតណាម។ លីវ ជីលី កញ្ញាឯក Miss Grand Cambodia 2020 បានសាងភាពភ្ញាក់ផ្អើលខ្លាំងលើកម្មវិធីប្រកួតតាមរយៈការបោះឆ្នោតលើបណ្តាញសង្គម មួយមានឈ្មោះថា “Queen With the Golden Grown” ដែលជាកម្មវិធីមួយរបស់ Miss Grand International ។
ការប្រកាសលទ្ធផលជាផ្លូវការត្រូវបានធ្វើ កាលពីរាត្រីថ្ងៃទី១៩ ខែមីនា នេះ។ ម្ចាស់ជ័យលាភីចុងបញ្ចប់ជម្រុះប្រទេសប្រចាំឆ្នាំ ដែលអាចឈានជើងចូលដល់ការប្រកួត២០នាក់ចុងក្រោយដោយស្វ័យប្រវត្តិនោះគឺកញ្ញាឯកមកពីប្រទេសកម្ពុជាដែលមានពិន្ទុសរុបចំនួន ជិត៣៨លានពិន្ទុ ខណៈដែលពិន្ទុប្រកៀកប្រកិតគ្នានេះត្រូវបានដេញដោយឥណ្ឌូនេស៊ីនោះ។នៅមានកម្មវិធីជាច្រើនបន្តបន្ទាប់ទៀតដែលនឹងត្រូវរៀបចំប្រកួតរួមមានការប្រកួតឈុតតំណាងជាតិ ការសមឆាក ប៉ុន្តែតាមការគ្រោងទុកកម្មវិធីនេះនឹងបញ្ចប់វគ្គព្រ័ត្រនៅថ្ងៃទី២៧ ខែមីនាឆ្នាំ២០២១៕