វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 769 នាក់
ម្សិលមិញ 2951 នាក់
សរុប 12608324 នាក់
អង់គ្លេស៖ដោយមិនអាចស្វះស្វែងរកការគាំទ្រពីរដ្ឋសភាលើកិច្ចព្រមព្រៀងនាំប្រទេសអង់គ្លេសដើរចេញពីសហគមន៍អឺរ៉ុបបានលោកស្រីតេរ៉េសាម៉េយ៍( Theresa May) នៅថ្ងៃសុក្រទី២៤ឧសភានេះ បានប្រកាសលាលែងពីដំណែងជានាយករដ្ឋមន្ត្រីអង់គ្លេស ដើម្បីទុកឱកាសឲ្យមេដឹកនាំក្រោយធ្វើការដោះស្រាយបន្ត ។
ខ្ញុំសូមប្រកាសលាលែងពីតំណែងប្រធានបក្សអភិរក្សនៅថ្ងៃសុក្រ ទី៧ ខែមិថុនា។ នេះជាការប្រកាសរបស់លោកស្រី ថេរ៉េសា ម៉េយ៍ នៅថ្ងៃទី២៤ ខែឧសភានៅឯនិវេសនដ្ឋាន 10 Downing Street ក្នុងទីក្រុងឡុងដ៍។
ក្នុងសន្និសីទសារព័ត៌មានប្រកាសព័ត៌មានលាលែងនេះ លោកស្រី ម៉េយ៍ បង្ហាញការសោកស្ដាយដែលមិនអាចនាំអង់គ្លេសចេញពីអឺរ៉ុបតាមបំណងប្រជាជនបាន។ ជាមួយនឹងការសម្រក់ទឹកភ្នែកផងនោះ លោកស្រីនិយាយថា វាជាប្រយោជន៍សម្រាប់ប្រទេសជាតិដែលត្រូវការនាយករដ្ឋមន្ត្រីដឹកនាំការចាកចេញនេះ
ទីភ្នាក់ងារសារព័ត៌មានរ៉យទ័របានឲ្យដឹងថា៖ លោកស្រីតេរ៉េសាម៉េយ៍( Theresa May) នឹងលាលែងដំណែងជាប្រធានបក្សអភិរក្សនិយម នៅថ្ងៃទី៧ ខែមិថុនា ដើម្បីឲ្យក្រុមមេដឹកនាំមកពីគណបក្សអ្នកស្រីអាចប្រកួតប្រជែងគ្នាក្នុងបក្ស ដើម្បីទទួលបានដំណែងជានាយករដ្ឋមន្ត្រី។ ទោះយ៉ាងណាក៏ដោយ លោកស្រី Theresa May នឹងនៅកាន់ដំណែងជានាយរដ្ឋមន្ត្រីចាំផ្ទះរហូតជ្រើសរើសនាយករដ្ឋមន្ត្រីថ្មីបាន។
សូមបញ្ជាក់ថា លោកស្រីតេរ៉េសាម៉េយ៍( Theresa May) បានឡើងកាន់ដំណែងជានាយករដ្ឋមន្ត្រីអង់គ្លេសកាលពីខែកក្កដា ឆ្នាំ២០១៦ បន្ទាប់ពីលោកនាយករដ្ឋមន្ត្រីដាវិឌកាម៉ឺរូន( David Cameroon )បានលាលែងព្រោះមិនអាចទប់ស្គាត់ការបោះឆ្នោតប្រជាមតិដើរេចេញពីសហគមន៍អឺរ៉ុបបាន។ ការចុះចេញពីដំណែងរបស់លោក David Cameroon នាពេលនោះ ធ្វើឡើងក្រោយពីរដ្ឋាភិបាលរបស់លោកបានធ្វើការស្ទង់មតិមួយថា តើអង់គ្លេសគួរតែនៅក្នុងសហភាពអឺរ៉ុបទៀតឬទេ។ ជាលទ្ធផល ពលរដ្ឋប្រទេសនេះដល់ទៅ ៥២ភាគរយ សម្រេចចិត្តចាកចេញពីសហភាពអឺរ៉ុប។សម្រាប់លោកស្រីម៉េយ៍ក្នុងរយៈកាល៣ឆ្នាំនេះរដ្ឋាភិបាលលោកស្រីមិនបានធ្វើអ្វីជាដុំកំភួនទេដោយសាររវល់តែរឿងដើរចេញពីសហគមន៍អឺរ៉ុបនេះឯង(Brexit)។
សូមបញ្ជាក់ដែរថា៖បញ្ហាBrexit បានធ្វើឱ្យសមាជិកជាន់ខ្ពស់ម្នាក់នៃគណៈរដ្ឋមន្ត្រីរបស់លោកស្រីនាយករដ្ឋមន្ត្រីអង់គ្លេស លាលែងពីតំណែង
២៣ ឧសភា ២០១៩។ មេដឹកនាំសភា លោកស្រី Andrea Leadsom បានលាឈប់ពីដំណែង ពីព្រោះតែលោកស្រីលែងជឿជាក់លើ កិច្ចព្រមព្រៀងBrexitរបស់លោកស្រី May ដែលមានគោលដៅនាំអង់គ្លេសចាកចេញពីសហភាពអឺរ៉ុបទៀតហើយ។