វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5746 នាក់
ម្សិលមិញ 5378 នាក់
សរុប 14085039 នាក់
ភ្នំពេញ៖មានលោកផ្កាយ៣យោធាថោកៗ និងបក្ខចូលផឹកស៊ីហើយហៅនារី អ្នកចម្រៀងម្នាក់ទៅដេកដោយ អោយ២០ដុល្លារតែ នាងមិនព្រមក៏ប្រើហឹង្សា ទះ៣កំភ្លៀងហើយរត់គេចខ្លួនបាត់កាលពីម៉ោងជាង១១យប់ថ្ងៃទី២៧ ខែកុម្ភៈ ឆ្នាំ២០១៩ ចំណុចក្នុងភោជនីយដ្ឋាន« បឹងមាស» ស្ថិតនៅតាមបណ្តោយផ្លូវជាតិលេខ៦ ក្នុងសង្កាត់ជ្រោយចង្វា ខណ្ឌជ្រោយចង្វា។
នារីរងគ្រោះមានឈ្មោះ យ-ស-ព អាយុ៣០ឆ្នាំ មុខរបរអ្នកចំរៀង ស្នាក់ព្រែកលៀប ។ ចំណែកជនដៃដល់មិនត្រូវបានស្គាល់អត្តសញ្ញាណនោះបានគេចខ្លួនបាត់។ជនរងគ្រោះបានឲ្យដឹងថា៖ មុនពេលកើតហេតុរូបនាងបានឃើញបុរសម្នាក់ រួមនិងបក្ខពួកប្រុសស្រីជាង១០នាក់ទៀត បានបើករថយន្ត២ទៅ៣គ្រឿងចូលមកផឹកស៊ីនៅភោជនីយដ្ឋានដែលនាងធ្វើការ ។
បុរសដែលអួតខ្លួនថាជាមន្ត្រីយោធាពាក់ផ្កាយ៣នោះ បើករថយន្តម៉ាស្តារ ពណ៌ខ្មៅមួយគ្រឿង ពាក់ស្លាកលេខ ខេមរភូមិន្ទ02-2-1215។ មកដល់ម៉ោងកើតហេតុ បុរសដែលបានអួតខ្លួនថាជាមន្ត្រីរយោធានោះ បានហៅអ្នកចំរៀងចំនួន៤នាក់ រួមទាំងរូបនាងដែល កំពុងច្រៀងនៅលើឆាកឲ្យចុះមករាំកំដរ នៅខាងក្រោម។ពេលកំពុងតែរាំជនដៃដល់ជាផ្កាយបីនោះ បានមកនិយាយជាមួយរូបនាងថានៅផឹកស៊ីកំដររូបគេទៅ គេនិងឲ្យលុយធីប២០ដុល្លារ។
ជនដៃដល់បានមកលួងលោមនាង និងបបួលនាងទៅដេកជាមួយ តែនាងឆ្លើយវិញថា៖រូបនាងលក់តែសម្លេងទេ មិនលក់ខ្លួនឡើយ!។ ដោយឮសម្តីនាងនិយាយបែបនេះធ្វើឲ្យជនដៃដល់ខឹងបានទះកំភ្លៀងមកលើរូបនាងចំនួន៣កំភ្លៀង បន្ទាប់មកក៏ ប្រញាប់ប្រញាល់បើករថយន្តរត់ចេញពីកន្លែងហេតុ ។
នារីរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលសង្កាត់ជ្រោយចង្វា ឲ្យសមត្ថកិច្ចជួយស្វែងរកឃាត់ខ្លួនជនដៃដល់ដែលអួតខ្លួនជាមន្ត្រីយោធាផ្កា៣ យកមកដោះស្រាយគ្នាទៅតាមផ្លូវច្បាប់តែមិនដឹងថាធើកើតឬអត់នោះទេព្រោះពួកមានលុយមានអំណាចចឹងនោះ៕