វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5784 នាក់
ម្សិលមិញ 6001 នាក់
សរុប 13878614 នាក់
ភ្នំពេញ៖ លោក កឹម សុខាប្រធានអតីតគណបក្សសង្គ្រោះជាតិដែលកំពុងជាប់ឃុំក្នុងផ្ទះក្នុងខណ្ឌទួលគោក រាជធានីភ្នំពេញ នៅថ្ងៃទី០៨ ខែវិច្ឆិកា ឆ្នាំ២០១៨នេះ បានចេញលិខិតអបអរសាទរ ខួបលើកទី៦៤ នៃទិវាបុណ្យឯករាជ្យជាតិ០៩ វិច្ឆិកា ១៩៥៣-០៩ វិច្ឆិកា ២០១៨ ដោយអំពាវនាវសុំឲ្យមានការរួបរួមគ្នា។
នៅក្នុងលិខិតអបអរសាទរទិវាបុណ្យឯករាជ្យ ដែលបានបង្ហោះនៅលើ Facebook លោកកឹមសុខា បញ្ជាក់ថាការទាមទារ និងថែរក្សាការពារឯករាជ្យជាតិពិតប្រាកដទៅបាន គឺអាស្រ័យលើការរួមរួបជាតិ និងមិនអាចមានឯករាជ្យជាតិពិតប្រាកដបានទេ បើយើងបែកបាក់គ្នា។ លោក កឹម សុខា បានថ្លែងថា «ឆ្លៀតក្នុងឱកាសដ៏ថ្លៃថ្លានេះដែរ ខ្ញុំសូមបួងសួងឲ្យស្មារតីឯករាជ្យជាតិពិតប្រាកដ ស្ថិតនៅជាប់ជានិច្ច ក្នុងបេះដូងខ្មែរគ្រប់រូប»។ទោះជាយ៉ាងណាមេធាវីលោកកឹមសុខាបានបដិសេធជាមយយកាសែតថាមិនដឹងពីសារនេះទេ។
សូមជម្រាបថា លោក កឹម សុខា អតីតប្រធានគណបក្សសង្គ្រោះជាតិ ដែលជាប់ចោទពីបទសន្ទិដ្ឋិភាពជាមួយបរទេស ត្រូវបានតុលាការនាំចេញពីគុកត្រពាំងផ្លុង(ម៣) កាលពីវេលាទៀបភ្លឺឈានចូលថ្ងៃទី១០ ខែកញ្ញា ឆ្នាំ២០១៨ ហើយយកដាក់ឲ្យស្ថិតនៅក្រោមការត្រួតពិនិត្យតាមផ្លូវតុលាការ នៅផ្ទះក្រោមការត្រួតពិនិត្យតាមផ្លូវតុលាការនេះ បានភ្ជាប់នូវលក្ខខណ្ឌចាំបាច់មួយចំនួន រួមមានដូចជា មិនអនុញ្ញាតឲ្យចេញក្រៅពីព្រំប្រទល់នៃដែនដី ដែលខណ្ឌដោយ ផ្លូវលេខ៣១៣ ផ្លូវលេខ៣១១ និងផ្លូវលេខ៦០៨, ត្រូវឆ្លើយតបនឹងការកោះហៅពីគ្រប់បុគ្គល ដែលចាត់តាំងដោយចៅក្រមស៊ើបសួរ, មិនត្រូវជួបអតីតថ្នាក់ដឹកនាំគណបក្សសង្គ្រោះជាតិ និងបុគ្គលឬជនបរទេសដែលពាក់ព័ន្ធនឹងសំណុំរឿង និងមិនត្រូវជួបជុំធ្វើសកម្មភាពនយោបាយជាដើម៕