វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1209 នាក់
ម្សិលមិញ 8227 នាក់
សរុប 14128090 នាក់
អាមេរិកជប៉ុន៖អនុប្រធានាធិបតីអាមេរិក លោក ម៉ៃ ផេនស៍ (Mike Pence )និង នាយរដ្ឋមន្ត្រីជប៉ុន លោក ស៊ីនហ្សូ អាបេនៅថ្ងៃទី១៣ខែវិច្ឆិកាបានបញ្ជាក់ជាថ្មីអំពីការចាំបាច់ក្នុងការរក្សាការដាក់ទណ្ឌកម្មលើកូរ៉េខាងជើងដើម្បីសម្រេចបាននូវការរំលាយអាវុធនុយក្លេអ៊ែររបស់ខ្លួនក្រៅ ។
លោកម៉ៃផេនស៍បាននិយាយថាសហរដ្ឋអាមេរិកនឹងបន្តដាក់សម្ពាធការទូតនិងសេដ្ឋកិច្ចទៅលើកូរ៉េខាងជើងនិងជំរុញឱ្យប្រទេសទាំងអស់នៅឥណ្ឌូ-ប៉ាស៊ីហ្វិករក្សាសម្ពាធនិងទណ្ឌកម្មរហូតដល់ការរំសាយអាវុធនុយក្លេអ៊ែរពេញលេញរបស់កូរ៉េខាងជើង ត្រូវបានសម្រេច ។
ចំណែកឯជប៉ុនវិញ លោក ស៊ីនហ្សូ អាបេ បាននិយាយថា ជប៉ុននិងសហរដ្ឋអាមេរិកនឹងបន្តធ្វើការរួមគ្នាដើម្បីធ្វើឱ្យកូរ៉េខាងជើងដែលមានមនុស្សធ្វើការខ្លាំងនិងធនធានធម្មជាតិច្រើន ធានាថាខ្លួននឹងមានអនាគតភ្លឺស្វាងប្រសិនបើរក្សាការសន្យារបស់ខ្លួនអំពីការរំលាយចោលអាវុធនុយក្លេអ៊ែររបស់ខ្លួននោះ។ការអះអារបស់មេដឹកនាំអាមេរិកនិងជប៉ុននេះកើតឡើងក្រោយពីអ្នកជំនាញអាមេរិក មួយក្រុមបាននិយាយកាលពីថ្ងៃចន្ទទី១២វិច្ឆិកាថា ខ្លួនបានកំណត់សម្គាល់យ៉ាងហោចណាស់មូលដ្ឋានប្រតិបត្តិការមីស៊ីលចំនួន១៣កន្លែងក្នុងចំណោមទីតាំងប្រតិបត្តិការមីស៊ីលប្រមាណ២០កន្លែងដែលមិនត្រូវបានប្រកាស់ឱ្យដឹងនៅប្រទេសកូរ៉េខាងជើង។
នៅក្នុងរបាយការណ៍ដែលបានចេញផ្សាយដោយមជ្ឈមណ្ឌលសិក្សាយុទ្ធសាស្ត្រអន្តរជាតិ(CSIS) ដែលមានមូលដ្ឋាននៅទីក្រុងវ៉ាស៊ីនតោនឌីស៊ី នោះ ក្រុមអ្នកស្រាវជ្រាវបាននិយាយថា ការថែទាំនិងការកែលម្អហេដ្ឋារចនាសម្ព័ន្ធ ត្រូវបានសង្កេតឃើញមាននៅតំបន់មួយចំនួនក្នុងចំណោមតំបន់ទីតាំងទាំងនោះ ទោះបីជាមានការចរចាក៏ដោយ។
ជាមួយនិងការប្រកាសបន្តដាក់ទណ្ឌកម្មអាមេរិកនិងកូរ៉េខាងត្បូងក៏បានបន្តធ្វើសមយុទ្ធយោធាឡើងវិញផងដែរបន្ទាប់ពីបានផ្អាករយៈពេល៦ខែកន្លងមកនេះ។តែសមយុទ្ធទ្រង់ទ្រាយតូច ប៉ុណ្ណោះ ដោយមានទាហានប្រមាណ ៥០០នាក់ចូលរួម។
ប្រព័ន្ធផ្សព្វផ្សាយកូរ៉េខាងជើង នៅថ្ងៃទី ១២ ខែវិច្ឆិកា បានផ្សាយថា ការដែលអាមេរិក និងកូរ៉េខាងត្បូង តភ្ជាប់ឡើងវិញនូវសមយុទ្ធរួម នៅលើដែនសមុទ្រ គឺជាការបំពានដល់កិច្ចព្រមព្រៀងយោធា កូរ៉េទាំងពីរ ដើម្បីកាត់បន្ថយភាពតានតឹងនៅក្នុងតំបន់ ។សារព័ត៌មាន Rodong Sinmunបានផ្សាយថា កូរ៉េខាងជើង បានថ្កោលទោសយ៉ាងខ្លាំងនូវកម្មភាពធ្វើសមយុទ្ធរវាង អាមេរិក នឹងកូរ៉េខាងត្បូង គឺជាសកម្មភាពគំរាមកំហែងដល់ ទីក្រុងព្យុងយ៉ាង ។ សកម្មភាពគឺបានបំពានលើកិច្ចព្រមព្រៀង រវាងទីក្រុងសេអ៊ូល និងទីក្រុងព្យុងយ៉ាង ដែលបានចុះហត្ថលេខាកាលពីថ្ងៃទី១៩ ខែកញ្ញា ឆ្នាំ២០១៨ ដោយអំពាវនាវបញ្ចប់ការចងគំនុំ នៅតាមព្រំដែន ។
មេដឹកនាំកូរ៉េខាងជើង លោក គីម ជុងអ៊ុន និង ប្រធានាធិបតីអាមេរិក លោក ដូណាល់ ត្រាំ បានសន្យាថានឹងធ្វើការឆ្ពោះទៅរកការរំសាយចោលអាវុធនុយក្លេអ៊ែរ នៅឯកិច្ចជំនួបកំពូលកាលពីខែមិថុនានៅប្រទេសសិង្ហបុរី ប៉ុន្តែកិច្ចព្រមព្រៀងនេះខ្វះការបញ្ជាក់ច្បាស់ ហើយការចរចាមានការរីកចំរើនទៅមុខតិចតួច។