វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 10171 នាក់
ម្សិលមិញ 8227 នាក់
សរុប 14137052 នាក់
ខេត្តកំពងឆ្នាំង ៖ពលរដ្ឋក្នុងឃ,ស្វាយរាយការណ៍ថា បន ល្បែងបៀរអាប៉ោងស៊ីសងរាប់ពាន់ដុល្លា និងសង្វៀនជល់មាន់កក្រើកសាជាថ្មីវិញទៀតហើយ ដោយជ្រកក្រោមផ្លាកយីហោរបស់មន្ត្រីយោធាផ្កាយមួយដែលមិនបញ្ចេញឈ្មោះ ដែលមានចរិកអំនួត អួតអាង ថាបានចំណាយលុយយ៉ាងច្រើនសម្រាប់បិទមាត់ ដល់ លោក ឡុច សុវណ្ណារ៉ាស្នងការនគរបាលខេត្តកំពង់ឆ្នាំង និងមន្ត្រីអាជ្ញាធរនិងសមត្ថកិច្ចពាក់ព័ន្ធទើបអ្វីៗអាចដំណើរការយ៉ាងរលូន។
មេការឈ្មោះលោកប្រ៉ៃនិងលោកផ្លង់ ត្រូវបានគេដឹងថា ជាអ្នករកចំណូលឲ្យយោធាពាក់ផ្កាយមួយមិនចេញមុខនិងលោក ឡុច សុវណ្ណារ៉ា ស្នងការនគរបាលខេត្តកំពង់ឆ្នាំង។ព្រោះ ដោយសារមានការឃុបឃិតគ្នា បែបនេះ ទើបគេមិនខ្វល់បញ្ហាសុវត្តិភាពរបស់ប្រជាពលរដ្ឋ ដែលប្រឈម និងមានចោរលួច ចោរប្លន់ និងបង្កឲ្យមានហឹង្សាដាក់គ្នា រវៀងក្រុមគ្រួសារ និងបានអនុវត្តផ្ទុយពី គោលនយោបាយភូមិ-ឃុំ មានសុវត្ថិភាពទាំង៩ចំណុច។
មានការកោតសរសើរយ៉ាងខ្លាំង ពីសំណាក់ប្រជាពលរដ្ឋថា កងកម្លាំងជាច្រើននាក់ ដែលស៊ីប្រាក់ខែរាស្ត្រ តែបានមកបំរើការពារផលប្រយោជន៍ ឲ្យបនល្បែងស៊ីសងរបស់លោកប្រ៉ៃនិងលោកផ្លង់ ទៅវិញ ។
ការលើកឡើងដូច្នេះ ក៏ដោយសារតែ បើមន្ត្រីពិតប្រាកដ គឺត្រូវតែអនុវត្តតាមវិន័យសណ្តាប់ធ្នាប់របស់កងកម្លាំង មិនឲ្យមានការពាក់ព័ន្ឋនឹងល្បែងស៊ីសង និងគ្រឿងញៀនជាដាច់ខាត បុគ្គលណាប្រព្រឹត្តផ្ទុយពីបទបញ្ជាខាងលើនិងត្រូវទទួលវិន័យ ឬដេញចេញពីអង្គភាព ។
សង្វៀនជល់មាន់ ក្នុងភូមិស្វាយ ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង បានធ្វើឲ្យប្រជាពលរដ្ឋ សម្តែងនូវការព្រួយបារម្ភ ដោយសារគ្មានមន្ត្រីអាជ្ញាធរឬសមត្ថកិច្ចមូលដ្ឋានណាចាត់វិធានការបង្ក្រាបឡើយទើបប្រជាពលរដ្ឋក្នុងភូមិស្វាយ ឃុំស្វាយ ស្រុកសាមគ្គីមានជ័យ បានសំនូមពរ និងអំពាវនាវឲ្យឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ មេត្តាជួយចាត់វិធានការបង្ក្រាបល្បែងស៊ីសងក្នុងមូលដ្ឋាន ផងដើម្បីពង្រឹងសន្តិសុខសង្គម។