វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5914 នាក់
ម្សិលមិញ 6436 នាក់
សរុប 13873178 នាក់
ភ្នំពេញ៖ កម្មកររោងចក្រផលិតស្បែកជើង ចូខេមហ្វូតវែរ ប្រមាណជិត១០០០នាក់បាន ប្រមូលផ្តុំគ្នាធ្វើកូដកម្ម បិទកំណាត់ផ្លូវ២០០៤ចំណុចភូមិអ័កគីដេ សង្កាត់អូរបែកក្អម ខណ្ឌសែនសុខ កាលពីរសៀលថ្ងៃទី១៣ ខែធ្នូ ឆ្នាំ២០១៨ ដើម្បីទាមទាររកដំណោះស្រាយ ។
ការបិទផ្លូវ២០០៤ពីសំណាក់កម្មកររោងចក្រស្បែកជើងនេះបង្កការរាំងស្ទះ អស់រយៈពេល៣០នាទី គិតចាប់ពីម៉ោង២ រហូតដល់ម៉ោង២និង៣០នាទី រសៀលថ្ងៃ ទើបមាន សមត្ថកិច្ច អាជ្ញាធរ មូលដ្ឋាន ចុះទៅអន្តរាគមន៍ សម្របសម្រួល សុំឲ្យបើផ្លូវ និងសូមឲ្យក្រុមកម្មករ ចូលទៅរោងចក្ររបស់ខ្លួនវិញ ដើម្បីរងចាំ ក្រសួងការងារ ជំនាញ សម្របសម្រួលដោះស្រាយ ។
សូមបញ្ជាក់ថារោងចក្រដេរស្បែកជើង យីហោ ចូខេមហ្វូតវែរ ដែលមានទីតាំងនៅក្នុង ភូមិអ័កគីដេ សង្កាត់អូរបែកក្អម ខណ្ឌសែនសុខ មានកម្មករបម្រើការងារ សរុបជាង១០០០នាក់បានផ្អាកការងារមួយរយៈតែមិនព្រមដោះស្រាយ។ ចុងឆ្នាំ២០១៨នេះ ថៅកែក្រុមហ៊ុនបានផ្លាស់ប្តូរទីតាំងរោងចក្រថ្មី ហើយសន្យាទូទាត់ប្រាក់ អត្ថប្រយោជន៍ផ្សេងៗជូនកម្មករ អនុវត្តន៍ទៅតាមលក្ខខណ្ឌការងារ តែថៅកែ មិនបានគោរពទៅតាមកិច្ចសន្យា ទើបនៅព្រឹកថ្ងៃទី១៣ ខែធ្នូ នេះកម្មករទូទាំងរោងចក្រ ប្រមូលផ្តុំគ្នាតវ៉ាជាមួយក្រុមហ៊ុន ក្នុងបរិវេណរោងចក្រ ពេញមួយព្រឹក នៅតែពុំមានដំណោះស្រាយ រហូតដល់វេលាម៉ោង២រសៀលថ្ងៃដដែលនេះ ទើបកម្មករ ជិត១០០០នាក់ប្រមូលផ្តុំគ្នា បិទកំណាត់ផ្លូវ២០០៤ បំណងពន្លឿនក្នុងការដោះស្រាយ តែមិនទាន់បានសម្រេចដដែល ។