វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1850 នាក់
ម្សិលមិញ 6359 នាក់
សរុប 14088483 នាក់
ភ្នំពេញ៖កន្ត្រកជណ្ដើរយន្តសង់អាគារខ្ពស់ ១០ជាន់ត្រូវបានដាច់បណ្ដាលឲ្យបុរស ២ នាក់ ជាកម្មករ ឲ្យស្លាប់ម្នាក់ និងរបួសធ្ងន់ម្នាក់ កាលពីវេលាម៉ោង១១ និង១០នាទីព្រឹក ថ្ងៃទី២០ខែសីហា ឆ្នាំ២០២០ នៅក្នុងការដ្ឋានអាគារកំពុងសាងសង់ អតីតហាងម្ហូបចិន តាយតាយស្ថិតតាមផ្លូវមុនីវង្សកែងផ្លូវលេខ២០០ ក្នុងសង្កាត់បឹងរាំង ខណ្ឌដូនពេញ។
ប្រជាពលរដ្ឋជិតខាង បានឱ្យដឹងថា នៅវេលាកើតហេតុគេមានការភ្ញាក់ផ្អើលបន្ទាប់ពីគេឮ សំឡេងចេញពីក្នុងការដ្ឋានសំណង់កំពុងសាងសង់ដែលមានកម្ពស់ជាង ១០ ជាន់ស្រែកថា ជួយផងៗក៏នាំគ្នារត់ទៅមើលទើបដឹងថា មានជណ្ដើរយន្តធ្លាក់ពីជាន់លើបណ្ដាលឲ្យស្លាប់ម្នាក់ និងរបួសធ្ងន់ម្នាក់។ភ្លាមៗអាជ្ញាធរមូលដ្ឋានដឹកនាំដោយអភិបាលខណ្ឌដូនពេញលោកសុខពេញវុធបានចុះមកដល់ទីតាំងកើតហេតុចាត់ចែងឲ្យមន្ត្រីជំនាញធ្វើរបាយការណ៍ហៅមេការសំណង់ រួមទាំងម្ចាស់ការដ្ឋានដើម្បីធ្វើកំណត់ហេតុនិងផ្អាកការសាងសង់ជាបណ្ដោះអាសន្ន។
ចំណែកជនរងគ្រោះដែលរងរបួសធ្ងន់ ត្រូវបានអាជ្ញាធរនិងកម្លាំងសមត្ថកិច្ចហៅរថយន្តសង្គ្រោះបញ្ជូនទៅមន្ទីរពេទ្យកាល់ម៉ែត ដើម្បីធ្វើការសង្គ្រោះជាបន្ទាន់។
ជនរងគ្រោះទាំងពីរនាក់ រួមមាន ៖ ទី១ ឈ្មោះ អឿន សំអាត ភេទប្រុស អាយុ២០ឆ្នាំ ហៅម៉ៅ ភេទប្រុស អាយុ ១៩ឆ្នាំ (ស្លាប់)អាសយដ្ឋាន នៅភូមិ ព្រៃស្វាយ សង្កាត់ ពន់សាំង ខណ្ឌព្រែកព្នៅ និងម្នាក់ទៀតមានឈ្មោះ រ៉ូ ភេទប្រុស អាយុ ១៩ឆ្នាំ (របួសធ្ងន់)អាសយដ្ឋាន ភូមិ ព្រៃស្វាយ សង្កាត់ ពន់សាំង ខណ្ឌព្រែកព្នៅដូចគ្នា។