មេយុវជននិងជាអនុប្រធានរណសិរ្សកម្ពុជាទៅវៀតណាមពង្រឹងទំនាក់ទំនង «ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិគ្រប់ជ្រុងជ្រោយ និងស្ថិរភាពយូរអង្វែង» !

ប្រទេសវៀតណាម៖ឯកឧត្តមហ៊ុនម៉ានីលើកសសើរវៀតណាមតាមហ្វេសប៊ុកថា៖ក្នុងចំណោមប្រទេសអាស៊ាន ប្រទេសវៀតណាមកំពុងតែមានភាពលេចធ្លោ ក្នុងការសម្រេចបានកំណើនប្រមាណ ៨% ក្នុងឆ្នាំ ២០២៥ និង ៨,១៨% ក្នុង ៦ខែដំបូងនៃឆ្នាំ២០២៦ (បើតាមការលើកឡើងរបស់ភាគីមិត្ត) ដែលផលនេះមិនត្រឹមតែនាំប្រយោជន៍ជូនប្រជាជនវៀតណាមនោះទេ តែក៏នាំមកនូវផលវិជ្ជមានសម្រាប់តំបន់ ក្នុងនោះកម្ពុជាផងដែរ ដែលពាណិជ្ជកម្មរវាងប្រទេសទាំងពីរ មានការកើនឡើងគួរកត់សម្គាល់ ក្នុង ៨ខែនៃឆ្នាំ២០២៦ បើធៀបជាមួយនឹងឆ្នាំ២០២៥ ដែលការនេះបញ្ជាក់ពីផលដែលទទួលបានពីគ្នាទៅវិញទៅមក។ 

នៅទីក្រុងហាណូយកាលពីថ្ងៃទី២៥កញ្ញាឯកឧត្តមហ៊ុនម៉ានីដែលក្នុងរាជរដ្ឋាភិបាលជាឧបនាយករដ្ឋមន្ត្រីនិងជារដ្ឋមន្ត្រីក្រសួងមុខងារដ៏មានឥទ្ធពល និងគណៈប្រតិភូ ស.ស.យ.ក. បានចូលជួបសម្តែងការគួរសមជាមួយ លោកជំទាវ បួយ ធីមិញហ័យ ប្រធានគណៈមជ្ឈិមរណសិរ្សមាតុភូមិវៀតណាម និងនិងជាសមាជិកការិយាល័យនយោបាយមជ្ឈឹមបក្សកុំមុតនិស្តវៀតណាម ។លោកជំទាវ បានវាយតម្លៃខ្ពស់ចំពោះសមិទ្ធផលកន្លងមករវាងស្ថាប័នយុវជននៃប្រទេសទាំងពីរ និងលើកទឹកចិត្តឱ្យបន្តពង្រឹង និងពង្រីកកិច្ចសហប្រតិបត្តិការរវាងស្ថាប័នយុវជននៃប្រទេសទាំងពីរបន្ថែមទៀត។

បើតាមកាសែតវៀតណាម VOV បានឲ្យដឹងថា លោកស្រី ប៊ូយ ធី មិញ ហ្វាយ លេខាធិការនៃគណៈកម្មាធិការមជ្ឈិមបក្សកុម្មុយនីស្តវៀតណាម និងជាប្រធានគណៈកម្មាធិការមជ្ឈិមរណសិរ្សមាតុភូមិវៀតណាម មានបំណងចង់ឱ្យយុវជននៃប្រទេសទាំងពីរបង្កើនការផ្លាស់ប្តូរគណៈប្រតិភូរវាងគ្នា ជំរុញឱ្យយុវជនជំនាន់ក្រោយថែរក្សា និងពង្រឹងទំនាក់ទំនងដ៏ល្អប្រសើរ។

បើតាមលោកស្រី ប៊ូយ ធី មិញ ហ្វាយ យុវជនកម្ពុជា និងវៀតណាម អាចផ្សព្វផ្សាយរូបភាព ដែលមាន សាមគ្គីភាព ភាពជិតស្និទ្ធ អាចទុកចិត្តបាន និងគាំទ្រគ្នាទៅវិញទៅមក ទៅកាន់មិត្តភក្តិអន្តរជាតិ ដែលរួមចំណែកលើកកម្ពស់តម្លៃនៃមិត្តភាពជាប្រពៃណី និងគាំទ្រយ៉ាងសកម្មដល់សន្តិភាព កិច្ចសហប្រតិបត្តិការ និងការអភិវឌ្ឍប្រកបដោយចីរភាពនៅក្នុងតំបន់ និងពិភពលោក។

លោកស្រី ប៊ូយ ធី​ មិញ ហ្វាយ ដែលជាមន្ត្រីជាន់ខ្ពស់បក្សកុម្មុយនីស្តវៀតណាមជឿជាក់ថា លោក ហ៊ុន ម៉ានី ដែលជាប្រធានសហភាពសហព័ន្ធយុវជនកម្ពុជា ​នឹងបន្តណែនាំស្ថាប័នជំនាញនានាឱ្យជួយ និងបង្កើតលក្ខខណ្ឌអំណោយផលដល់សហគមន៍ដែលមានដើមកំណើតវៀតណាម ដើម្បីឱ្យពួកគេអាចរស់នៅបានយ៉ាងមានស្ថិរភាព និងយូរអង្វែង ព្រមទាំងចូលរួមចំណែកយ៉ាងច្រើនដល់ប្រទេសកម្ពុជា។

នៅហាណូយឯកឧត្តមហ៊ុនម៉ានីបានជួបជាមួយឯកឧត្តម ង្វៀន វ៉ាន់ ផុង អនុលេខាគណៈកម្មាធិការបក្សទីក្រុងហាណូយ និងបានកត់សម្គាល់អំពីការអភិវឌ្ឍ និងភាពរីកចម្រើនរបស់ទីក្រុងហាណូយ ដែលមានប្រជាជនជាង ៩លាននាក់ និង ទំហំផ.ស.ស. រំពឹងថានឹងសម្រេចបានជាង ៧០ប៊ីដុល្លារ នៅឆ្នាំ២០២៦ ព្រមទំងកំណត់គោលដៅអភិវឌ្ឍន៍ ជាទីក្រុងសកល (Metropolitan City) នៅឆ្នាំ២០៤៥ ដោយសម្រេចឱ្យបានអត្រាកំណើន ១១% ស្របតាមគោលការណ៍កំណត់ដោយថ្នាក់ដឹកនាំ ជាពិសេស ឯកឧត្តមអគ្គលេខាធិការបក្ស តូ ឡឹម។