សម្តេចតេជោទៅជួបមេដឹកនាំចិននិងចូលគាល់ព្រះមហាក្សត្រ

ភ្នំពេញ៖សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា នឹងអញ្ជើញបំពេញទស្សនកិច្ចមិត្តភាពផ្លូវការ នៅសាធារណរដ្ឋប្រជាមានិតចិន ចាប់ពីថ្ងៃទី២៥ ដល់ថ្ងៃទី ២៧ ខែមិថុនា.។ 

យោងតាមសេចក្តីប្រកាសពត៍មានរបស់ព្រឹទ្ធសភាអ្នកអមដំណើរសម្តេចតេជោគឹមានតែសម្តេចពិជ័យសេនាទៀបាញ់ដែលជាអនុប្រធានគណបក្សប្រជាជន។តាមគម្រោងសម្តេចតេជោនឹងត្រូវជួបពិភាក្សាការងារជាមួយមេដឹកនាំចិនបីរូបគឺលោកស៊ីជិងពីងអគ្គលេខាបក្សកុំមុយនិស្តនិងជាប្រធានាធិបតីចិន។ជួបលោកលីឈាងនាយករដ្ឋមន្ត្រីនិងជួបលោកចាវឡីជីប្រធានសភាចិន។បើតាមសេចក្តីប្រកាសពត៍មានរបស់ព្រឹទ្ធសភាដំណើរទស្សនកិច្ច​មិត្តភាពផ្លូវការរបស់ប្រធាន​​ព្រឹទ្ធសភាកម្ពុជានាពេលនេះសបញ្ជាក់ពី​​​​​​ការប្តេជ្ញា​​​​ចិត្ត​ឥតងាករេរបស់​ប្រទេស​ទាំង​២ ក្នុងការ​បន្តរឹតចំណង និងលើកកម្ពស់​មិត្តភាពដែកថែប​​ និងជម្រុញ​កិច្ចសហប្រតិបត្តិការ​នៃភាព​ជាដៃគូយុទ្ធសាស្ត្រ​​គ្រប់ជ្រុងជ្រោយ​។

ក្រៅពីនេះក្នុងឱកាសស្នាក់នៅប៉េកាំងសម្តេចតេជោនឹងចូលក្រាបបង្គំគាល់ព្រះមហាក្សត្រនិងសម្តេចម៉ែដែលព្រះអង្គគង់ប្រថាប់ថែរក្សានិងព្យាបាលព្រះរាជសុខភាពនៅស្រុកចិនផងដែរ។បន្ទាប់ពីការចូលគាល់របស់សម្តេចតេជោហ៊ុនសែនគេសង្ឃឹមថាព្រះមហាក្សត្រនិងសម្តេចព្រះរាជមាតាជាតិអាចព្រះនឹងយាងធ្វើមាតុភូមិនិវ្តន៍មកគង់ប្រថាប់នៅមាតុប្រទេសវិញដើម្បីទទួលសាតាំងពីឯកអគ្គរដ្ឋទូតថ្មីសហរដ្ឋអាមេរិក។