នគរបាលចាប់បានអូបរ័មួយគ្រឿងនៅសមុទ្ទខេត្តព្រះសីហនុមានផ្ទុកគ្រឿងញៀនជាង៨០០គីឡូបន្ទាប់ពីការបង្ក្រាប់ជាង១តោនកាលពីខែកក្កដា!

ខេត្តព្រះសីហនុ ក្រោយពីទទួលបានបទបញ្ជារលោកឧត្តមសេនីយ៍ឯក ទូច ពលៈ ប្រធាននាយកដ្ឋាននគរបាលការពារព្រំដែនទឹក បានដឹកនាំអនុប្រធាននាយកដ្ឋាន កម្លាំងអង្គភាពបង្ក្រាបបទល្មើសលើផ្ទៃសមុទ្រ និងកម្លាំងវរសេនាតូចនគរបាលការពារព្រំដែនទឹកលេខ២៤០ ប្រចាំខេត្តព្រះសីហនុ នៃនាយកដ្ឋាននគរបាលការពារព្រំដែនទឹក ដាក់បណ្តាញសម្ងាត់ជាច្រើនថ្ងៃ រហូតឈានដល់ការកំណត់មុខសញ្ញា និងកំណត់គោលដៅជាក់លាក់ និងធ្វើការចាប់ឃាត់អូប័រ ០១គ្រឿងមានផ្ទុកគ្រៀងញៀន និងមនុស្ស០២នាក់ នៅថ្ងៃទី២៣ ខែកញ្ញា ២០២៦ ស្ថិតនៅម្តុំកោះឬស្សី ក្នុងភូមិសាស្ត្រដែនសមុទ្រខេត្តព្រះសីហនុ។

បន្ទាប់មកបានសហការជាមួយកម្លាំងស្នងការដ្ឋាននគរបាលខេត្តព្រះសីហនុ ធ្វើការឃាត់រថយន្ត ចំនួន០២គ្រឿង និងមនុស្ស០៥នាក់ពាក់ពន្ធ័បញ្ហាគ្រឿងញៀននិងអាវុធ ។ករណីនេះដោយ មានការសម្របសម្រួលពី ព្រះរាជអាជ្ញា នៃអយ្យការអមសាលាដំបូងខេត្តព្រះសីហនុ សមត្តកិច្ចបានឃាត់ខ្លួនមនុស្ស និងរឹបអូសវត្ថុតាងមួយចំនួនដូចខាងក្រោម ÷

-ម្សៅសថ្លាសង្ស័យជាសារធាតុញៀន សរុបចំនួន ៤២បាវ (ទម្ងន់ប្រមាណ ៨៤០គីឡូក្រាម)។-មនុស្សជាជនជាតិចិន សរុបចំនួន ០៧នាក់ ។-អូប័រ ចំនួន ០១គ្រឿង-រថយន្ត ចំនួន ០២គ្រឿង

-ម៉ូតូ ចំនួន ០៣គ្រឿង-អាវុធវែង ចំនួន ១០ដើម-អាវុធខ្លី ចំនួន ៣៩ដើម (បង់ចំនួន១០៨បង់ គ្រាប់ ចំនួន៧,៩៣៧គ្រាប់ ស៊ីឡង់សឺ០៨) ។ បច្ចុប្បន្ន មនុស្ស និងវត្ថុតាងខាងលើ ត្រូវបានប្រគល់ជូនស្នងការដ្ឋាននគរបាលខេត្តព្រះសីហនុ តាមបញ្ជារបស់ ឯកឧត្តម នាយឧត្តមសេនីយ៍ អគ្គស្នងការនគរបាលជាតិ ដើម្បីអនុវត្តនីតិវិធីបន្ត ។

តាមការកតសម្គាល់នេះជាការបង្ក្រាបគ្រៀងញៀនធុនធំលើកទី២ដែលកាលពីលើកទី១តាមការផ្តល់ពត៍មានពីអាមេរិកសមត្តកិច្ចបង្ក្រាបបានទូកមួយដែលមានគ្រឿងញៀន១តោន លើដីកោះខេត្តព្រះសីហនុ កាលពីខែកក្កដា ឆ្នាំ២០២៦ ។

កាលពីថ្ងៃទី២០ ខែសីហា ឆ្នាំ២០២៦នេះ ស្ថានទូតអាម៉េរិកប្រចាំនៅកម្ពុជា បានពិពណ៌នាលើទំព័រហ្វេសប៊ុកផ្លូវការអំពីការចាប់ដៃគ្នារវាងរដ្ឋបាលអនុវត្តច្បាប់ប្រឆាំងគ្រឿងញៀនអាម៉េរិក ហៅកាត់ថា DEA និងនគរបាលប្រឆាំងគ្រឿងញៀនកម្ពុជា ហៅកាត់ថា ADP រហូតឈានដល់ការចាប់ខ្លួនជនបរទេសពាក់ព័ន្ធនឹងប្រតិបត្តិការជាច្រើននាក់ ព្រមទាំងរឹបអូសទ្រព្យសម្បត្តិ ទីតាំងស្តុកទុក រួមទាំងសារធាតុគីមីសម្រាប់ផលិតគ្រឿងញៀនច្រើនជាង១តោន និងគ្រឿងញៀនខុសច្បាប់ជាង២០០គីឡូក្រាម។គេមិនដឹងថាលើកមានការផ្តល់ពត័មានពីងាមេរិកទៀតដែរឬអត់នោះទេ។