បន្ទាប់ពីផ្ទុះប្រតិកម្មរៀងតារាចម្រៀងLysaស្លៀកនិងរាំរបាំបង្កការរិះគន់អ្នកបង្ហាត់របាំLYSAចេញមុខ

ប្រទេសថៃ៖តារាស្រីរបស់ក្រុមប៉ុបកូរ៉េជាជនជាតិថៃ គឺនាង Lisaទទួលបានការប្រតិកម្មតាមបណ្តាញសង្គមខ្មែររិះគន់គ្រូបង្ហាត់ថាជាជនជាតិខ្មែរ ក្រោយពីបានឃើញនាងស្លៀកក្បិនហាត់របាំ នៅក្នុងឈុតមួយនៃភាពយន្តឯកសាររបស់ខ្លួន។ 

ករណីយ៍បានកើតឡើងកាលពីថ្ងៃទី ១២ ខែកញ្ញា ឆ្នាំ ២០២៦ កន្លងទៅដោយ LLOUD OFFICIAL ដែលជាផលិតកម្មរបស់នាង Lisa បានបញ្ចេញវីដេអូខ្លីមួយនៅលើបណ្តាញ Youtube មានចំណងជើងថា ALWAYS LISA ដែលជាភាពយន្តឯកសារជីវិតរបស់នាង Lisa ហើយវីដេអូននោះបានផ្ទុះការរិះគន់យ៉ាងខ្លាំង បន្ទាប់ពីចេញផ្សាយដោយសារមានឈុតមួយបង្ហាញពីនាង Lisa បានរាំរបាំ ដែលមានទម្រង់ក្បាច់ប្រហាក់ប្រហែលក្បាច់ខ្មែរបុរាណ។

ក្រោយពីវីដេអូឯកសារនោះចេញផ្សាយ និង មានការរិះគន់ផងនោះ គ្រូដែលបង្រៀននាង Lisa ដែលបង្ហាត់ក្បាច់របាំនោះ ក៏បានបញ្ចេញអត្តសញ្ញាណរបស់ខ្លួន ក្រោយពីមានផ្ទុះចចាមអារ៉ាមថាគ្រូបង្រៀននាង Lisa គឺមានខ្សែស្រឡាយជាជនជាតិខ្មែរ។

តាមព័ត៌មានបានឱ្យដឹងថា គ្រូសិល្បៈរបស់នាង Lisa មានឈ្មោះថាគ្រូ កៃ ដែលជាអ្នកជំនាញផ្នែកសិល្បៈរបាំថៃ និង ជាបុគ្គលសំខាន់នៅពីក្រោយការបង្ហាត់បង្រៀនក្បាច់រាំបុរាណដល់នាងសម្រាប់ការសម្តែងក្នុងភាពយន្តភាគរឿង The White Lotus រដូវកាលទី ៣ នាពេលកន្លងទៅ។

គ្រូ កៃ នេះ គឺជាសាស្ត្រាចារ្យនៅមហាវិទ្យាល័យសិល្បៈនាដកថៃ ដែលមានបទពិសោធយ៉ាងក្រាស់ក្រែលក្នុងការរៀបចំការសម្តែងរបាំ Khon ប្រចាំព្រះបរមរាជវាំង ការរចនាសម្លៀកបំពាក់បុរាណ និង ការផលិតកម្មវិធីទូរទស្សន៍ធំៗជាច្រើនក្នុងប្រទេសថៃ។

ចំពោះការហាត់ក្បាច់រាំរបស់នាង Lisa គឺនៅភូកេតកាលពីខែមេសា ឆ្នាំ ២០២៤ កន្លងទៅ ដែលវាគឺជារបាំស្រីវិជ័យ  (Sri Vijaya)  ក្រោមកិច្ចសហការជាមួយក្រុមសិល្បៈសម្តែង Kaikaew Performing Arts ដែលដឹកនាំដោយលោកគ្រូ កៃ ផ្ទាល់។សូមបញ្ជាក់ថាប្រទេសកម្ពុជានិងថៃមានវប្បធម៍សម្លៀកបំពាក់ស្រដៀងគ្នាដោយបង្កឲ្យមានការចោទប្រកាន់គ្នាពីការលួចំឡង។យ៉ាងណាមុននិងមានការផ្ទុះរឿងនាង Lisaគ្រងសម្លៀកបំពាក់បុរាណរាំរបាំបុរាណ(ខ្មែរ)បានកើតឡើងក្រោយពីសម្លៀកបំពាក់និងវប្បធម៍ប្រពៃណីខ្មែរត្រូវបានតារាស្រីវៀតណាមស្លៀកពាក់រៀបការសម្តែងបង្ហោះក្នុងយូធូបបង្កឲ្យមានប្រតិកម្មទាំងល្អនិងអាក្រ់ផងដែរ។