វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1324 នាក់
ម្សិលមិញ 6501 នាក់
សរុប 13949879 នាក់
អូស្ត្រាលី៖ជាលើកដំបូងក្នុងការងារសិល្បៈរបស់កញ្ញាព្រះកាយចន្ទ័ ក្នុងការចេញទៅសម្តែងនៅប្រទេសអូស្ត្រាលី ដែលទទួលបានការចាប់អារម្មណ៍ និង គាំទ្រខ្លាំងពីសំណាកបងប្អូនខ្មែរដែលរស់នៅទីនោះ ។ ព្រោះមិនត្រឹមតែបានចេញទៅសម្តែងចម្រៀងទេ ព្រះកាយចន្ទ័ ថែមទាំងបានក្លាយជាពិធីការិនីនៅក្នុងកម្មវិធីធំមួយរបស់យុវវ័យខ្មែរនៅអូស្ត្រាលីដែលធ្វើឱ្យនាងរំភើបចិត្តជាខ្លាំង ។
ព្រះកាយចន្ទ័ បានចេញទៅសម្តែងនៅប្រទេសអូស្ត្រាលីកាលពីដើមខែសីហារួមជាមួយតារាចម្រៀង សៅ ឧត្តម និង តារាមួយចំនួនទៀត ។ បើតាមគម្រោង ព្រះកាយចន្ទ័ នឹងសម្តែងនៅទីនោះ រយៈពេលប្រមាណជាពីរខែ ។ អ្វីដែលចាប់អារម្មណ៍មិនត្រឹមតែទទួលបានការគាំទ្រនៅក្នុងការច្រៀងប៉ុណ្ណោះទេ ព្រះកាយច័ន្ទ ក៏មានឱកាសបានក្លាយជាពិធីការិនីនៅក្នុងកម្មវិធី Miss Cambodia Australia 2019 នៅទីក្រុង Sydney ដែលធ្វើឱ្យនាងរំភើបចិត្តជាខ្លាំង ។
ព្រះកាយច័ន្ទ បានលើកឡើងថា «ថ្វីដ្បិតតែខ្ញុំធ្លាប់ធ្វើជាពិធីការនីនៅវេទិកាផ្សេងៗច្រើនមែន តែលើកនេះខ្ញុំពិតជាភ័យណាស់ ព្រោះថានេះជាលើកទីមួយដែលខ្ញុំធ្វើជាពិធីការិនីនៅប្រទេសអូស្ត្រាលីក្នុងកម្មវិធី Miss Cambodia Australia។ តែយ៉ាងណាគ្រប់យ៉ាងក៏បានល្អ ក្រោមការខិតខំ និង តស៊ូ គ្មានអ្វីដែលធ្វេីមិនបាននោះទេ»។
សូមបញ្ជាក់ដែរថាក្នុងពេលចេញសម្តែងម្តងនៅស្រុកខ្មែរព្រះកាយចន្ទ័មានឪពុករបស់នាងជាអ្នកផាត់មុខឱ្យនាង ។ មូលហេតុឪពុកព្រះកាយច័ន្ទ ផាត់មុខឱ្យកូនស្រីដោយសារលោកជាតួល្ខោនស្រាប់ ដូនេះលោកមានជំនាញក្នុងការផាត់មុខបែបនេះ ។មិនថាទៅសម្តែងនៅទីកន្លែងណា ព្រះកាយច័ន្ទ តែងទទួលបានការ Take Care ពីសំណាក់ឪពុករបស់នាង ។ មិនមែនជាលើកទីមួយទេនៅពេលទៅសម្តែងនៅតាមកម្មវិធីនីមួយៗ ព្រះកាយច័ន្ទ តែងត្រូវបានឪពុករបស់នាងដើរតាមរហូត ។ តែសម្រាប់ការចេញទៅអូស្ត្រាលីលើកនេះគេមិនឃើញមានលោកឪពុកនាងទៅតាមឡើយ។
ព្រះកាយច័ន្ទ កាន់តែមានសម្រស់ស្រស់ស្អាត និង មានការតែងខ្លួនយ៉ាងទាន់សម័យ មានបុរសមិនតិចទេលួចក្នាញ់នឹងសម្រស់របស់នាង តែ គេមិនទាន់ដឹងថាបុរសណាអាចនឹងក្លាយជាម្ចាស់បេះដូងរបស់ស្រីស្អាតដែលមានទេព្យកោសល្យរូបនេះទេ ៕