ចាប់ឃាត់ខ្លួនមនុស្សខុសយកទៅដាក់គុក១ទៀតហើយតើអ្នកណាខុស ?មន្ត្រីនគរបាលយុត្តិធម៌ឬអយ្យការ ?

ភ្នំពេញ ៖លោក កង រតនា អាយុ៦៥ឆ្នាំ ដែលត្រូវបានសមត្ថកិច្ចឃាត់ខ្លួន បញ្ជូនទៅតុលាការ ហើយត្រូវបានតុលាការចេញដីកាឃុំខ្លួនដាក់ពន្ធនាគារ កាលពីខែសីហា ឆ្នាំ២០២៦ ក្រោមការចោទប្រកាន់លួចគងវត្តត្រូវបានដោះលែងវិញក្រោយពីរកមិនឃើញបទល្មើសដែលមានន័យថាច្រឡុំមនុស្ស!។  

ប៉ុន្តែក្រោយការស្រាវជ្រាវ បានបង្ហាញថា អ្នកដែលលួចគងវត្ត ជាអ្ន​កផ្សេងដែលមានកម្ពស់ខ្ពស់ជាងគាត់ រួចហើយក៏ត្រូវបានលោកហុកពៅចៅក្រមតុលការរាជធានីភ្នំពេញការចេញដីកាដោះលែងគាត់វិញនៅថ្ងៃទី១៤ ខែកញ្ញា ឆ្នាំ២០២៦ ម្សិលម៉ិញ។ក្រោយចាកចេញពីពន្ធនាគារនៅវេលាម៉ោង ៦៖២៨នាទីល្ងាច, លោក​ កង​ រតនា​ ដែលមិនមានមុខរបរច្បាស់លាស់ ត្រូវបានក្រុមការងារគណបក្ស ជួយបញ្ជូនគាត់ទៅមន្ទីរពេទ្យដើម្បីព្យាបាលជំងឺ​បូសអន្ទង់​។

លោក កង រតនាដែលមានផ្ទះសម្បែងនៅក្នុងខេត្តកណ្តាល ត្រូវបានគេចោទថា លួចគងនៅវត្តស្វាយមាស ភូមិប្រទះឡាង សង្កាត់ប្រទះឡាង ខណ្ឌកំបូល រាជធានីភ្នំពេញតែចោរពិតមិនមែនគាត់ទេ ។ គេមិនដឹងថាតើនគរបាលសំអាងលើភស្តុតាងអ្វីបានចាប់ហើយស្រាវជ្រាវមិនទាន់ច្បាស់ក៏កសាងសំណុំរឿងបញ្ជូនជូនគាត់ទៅដាក់គុកតែម្តង។ម្យ៉ាងទៀតមន្ត្រីអយ្យការក៏ុមិនមានធ្វើការអង្កេតបឋមទេបានធ្វើដិការបញ្ជូនឲ្យចៅក្រមស៊ើបដាក់ឃុំគាត់?។គេមិនដឹងថាករណីចាប់មនុស្សខុសដូចករណីលោកស្លេះហ្វើតនៅស្ទឹងត្រែងនិងកងរតនានៅភ្នំពេញដែលជាជនក្រីក្រកើតប៉ុន្មានដែរនោះទេកន្លងមក?ព្រោះទើបតែបេករៀងពីរករណីយ៍តែប៉ុណ្ណោះ។

អគ្គព្រះរាជអាជ្ញានៃមហាអយ្យការអមសាលាឧទ្ធរណ៍ លោក អ៊ុក សាវុធនៅក្នុងមហាសន្និបាទលើកទី២៤របស់គណៈមេធាវី កាលពីថ្ងៃទី១៦ខែតុលា ឆ្នាំ២០២៤កន្លងទៅ បានដាស់តឿនឲ្យនគរបាលយុត្តិធម៌ រក្សាតម្លៃរបស់ខ្លួន តាមរយៈការបំពេញការងារឲ្យបានត្រឹមត្រូវ។ លោកសង្កត់ធ្ងន់លើការសរសេរកំណត់ហេតុរបស់នគរបាល ព្រោះកំណត់ហេតុទាំងនោះអាចធ្វើឲ្យអាក្រក់ប្រែជាល្អ ល្អទៅជាអាក្រក់ ឬសទៅជាខ្មៅ។

លោក អ៊ុក សាវុធ ៖«កំណត់ហេតុមួយដែលនគរបាលយុត្តិធម៌ចាប់ផ្ដើមធ្វើ គឺមានតម្លៃណាស់ វាអាចយកមនុស្សទៅដាក់គុកបាន អាចធ្វើឲ្យមនុស្សទទួលរងគ្រោះដោយសារយើង អាចធ្វើឲ្យអ្នករងគ្រោះទៅជាជនល្មើស អាចធ្វើឲ្យជនល្មើសទៅជារួចខ្លួន»។ នេះជាការលើកឡើងរបស់លោក អ៊ុក សាវុធ ។ លោកបន្តដូច្នេះទៀតថា៖«ជួនកាលគាត់អត់ដឹង ចេះតែសរសេរតាមអ្នកនេះខ្សឹបបែបនេះ អ្នកនោះខ្សឹបបែបនោះ ដោយសារយល់យោគទៅតាមផលប្រយោជន៍អ៊ីចឹងទៅវាធ្វើឲ្យបាត់តម្លៃរបស់យើង»។សូមបញ្ជាក់ថាការកែទម្រង់ប្រពន្ធ័យុត្តិធម៍រាជរដ្ឋាភិបាលដាក់ចេញយូហើយតែការបែកធ្លាយករណី២ខាងលើនេះបង្ហាញថាយុទ្ធនាការកែទម្រង់មិនទាន់មានប្រសិទ្ធភាពនិងប្រសិទ្ធផលទេ!។