យុវជនម្នាក់ ដែលបាត់ខ្លួនលើភ្នំគិរីរម្យ មិនស្លាប់ទេ គ្រាន់តែរបួសបាក់ដៃបាក់ជើង ពេលនេះកំពុងសង្គ្រោះ...

យុវជនម្នាក់ ដែលគេដឹងថាបានបាត់ខ្លួននៅលើភ្នំគិរីរម្យកាលពីថ្ងៃទី១៧មិថុនា ដោយបន្សល់ទុកម៉ូតូនិងសំបុត្រមួយសន្លឹក ថា «បើអ្នកបានឃើញសំបុត្រនេះ មានន័យថាខ្ញុំបានស្លាប់ហើយ» ពេលនេះ ត្រូវគេរកឃើញហើយជាមួយរបួសធ្ងន់ ។ 

សូមបញ្ជាក់ថា កាលពីថ្ងៃទី១៩ ខែមិថុនា ឆ្នាំ២០២៦ ប្រជាពលរដ្ឋបានប្រទះឃើញម៉ូតូចោល ស្ថិតនៅចំណុចផ្លូ​វលំបំបែកជាបី ទៅក្រុ​ម​ហ៊ុនវីរៈប៊ុនថាំ រមណីយដ្ឋានទេ​ស​ចរណ៍ ស្រុកភ្នំ​ស្រួច ខេត្តកំពង់ស្ពឺ លើរំបន់ឧទ្យានជាតិគីរីរម្យ ដោយបន្សល់សំបុត្រមួយសន្លឹក និងសរសេរថា «បើអ្នកបានឃើញសំបុត្រនេះមានន័យថា ខ្ញុំបានស្លាប់ហើ​យ សូមបងជួយយកម៉ូតូនេះឱ្យបងប្អូនខ្ញុំផង។ សោខ្ញុំទុក​ និងម៉ូតូហើយ ខ្ញុំសូមអរគុណបង សូមជួយតេរកបងប្អូនខ្ញុំផង បងរុំ 0886552007 ប្អូនរឹត 081836536 សុំទោសដែលធ្វើឱ្យបងពិបាក មា​ន​វីដេអូក្នុងទូរស័ព្ទដែ​លជាការស​ម្រេចចិត្តចុងក្រោយបែបនេះ ម៉ូតូហ្នឹងមាន GPS គេអាចរកឃើញ ពីខ្ញុំ សុខហេង រួមមានសម្ភារៈខោ​អាវមួយចំនួនទៀត» ។

សមត្តកិច្ចបានស្វែងរកដែរតែមិបានប្រទះឃើញរហូតដល់ថ្ងៃថ្ងៃទី២៧ ខែមិថុនា ឆ្នាំ២០២៦ ប៉ុស្តិ៍នគរបាលរដ្ឋបាលចំបក់ បានទទួលព័ត៌មានពីអ្នកភូមិថា គាត់បានប្រទះឃើញមនុស្សម្នាក់នៅចំណុចអូរធំ (ស្ទឹងចម្លងទាវ) មានស្ថានភាពបែកមាត់ របួសភ្នែកខាងឆ្វេង និងមានរងរបួសផង ។

ក្រោ​យទទួលបានព័ត៌មាន កម្លាំងប៉ុស្តិ៍ចំបក់បានទៅដល់ទីតាំងដែលប្រទះឃើញ ហើយក៏បានជួបឈ្មោះ គន់ សុខហេង ភេទប្រុស អាយុ៣២ឆ្នាំ មានទីលំនៅបច្ចុប្បន្នភូមិជាលា ឃុំជាលា ស្រុកបាធាយ ខេត្តកំពង់​ចា​ម ដែលបានបាត់ខ្លួនតាំងពីថ្ងៃទី១៩ ខែមិថុនាកន្លងមក ពិតប្រាកដមែន ។

តាមការសន្និដ្ឋានរបស់សមត្ថកិច្ច, ជនរងគ្រោះទំនងលោតសម្លាប់ខ្លួន តែមិនស្លាប់គ្រាន់តែរបួសដៃជើងនិងភ្នែក។ ពេលនេះជនរងគ្រោះត្រូវសមត្ថកិច្ចបញ្ជូនមកមន្ទីរពេទ្យ ដើម្បីព្យាបាល។តែយោងតាមបទសម្ភាសន៍ជាមួយសមត្តកិច្ចជនរងគ្រោះបានបដិសេធដោយនិយាយថាមកពីគេនិយាយខុសមាត់ខុសកទើបមិនបានដឹងថាខ្លួនធ្លាក់បែបនេះ។ជនរងគ្រោះបានរំលឹកថាមានមិត្តភកតិគេធ្លាប់វង្វេងនៅតំបន់នេះម្តងដែរអស់រយៈពេល២ថ្ងៃ។