នាយករដ្ឋមន្ត្រីចេញអនុក្រឹត្យបង្កើតអាជ្ញាធរគ្រប់គ្រងអគ្គលេខាធិការដ្ឋានតាមបណ្តាស្ថាបន៍ក្រសួងប្រគល់ឲ្យលោកហ៊ុនម៉ានីគ្រប់គ្រង!

ភ្នំពេញ៖តាមសំណើររដ្ឋមន្ត្រីមុខងារសាធារណៈនាយករដ្ឋមន្ត្រីសម្តេចធិបតីហ៊ុនម៉ាណែតបានចេញអនុក្រឹតបង្កើតបណ្តាញអគ្គលេខាធិការដ្ឋានដែលត្រូវបានគេមើលឃើញថាវាជាអាជ្ញាធរគ្រប់គ្រងអំណាចថ្មីមួយទៀតបន្ទាប់ពីគណរដ្ឋមន្ត្រី?!។ 

សូមបញ្ជាក់ថានៅក្នុងអាណត្តិទី៧នៃរាជរដ្ឋាភិបាលបន្តវេនដឹកនាំដោយសម្តេចធិបតីហ៊ុនម៉ាណែតនេះរដ្ឋមន្ត្រីក្រសួងនានាត្រូវបានកាត់បន្ថយសិទ្ធក្នុងការងារចាត់តាំងប្រធានមន្ទីរនានាដែលជាខ្សែបណ្តោយរបស់ខ្លួននៅតាមរាជធានីខេត្តដែលជាស្ថាបន័ថ្នាក់ក្រោមជាតិ។

ប្រធានមន្ទីរនិងស្នងការមេបញ្ជារយោធានិងអាវុធហត្ថដែលជាមន្ត្រីនៅថ្នាក់ក្រោមជាតិដែលពីមុនត្រូវតែងតាំងដោយប្រកាសរដ្ឋមន្ត្រីក្រសួងសាម៉ីត្រូវបានតម្លើងមកជាការតែងតាំងដោយអនុក្រិត្យចេញដោយនាយករដ្ឋមន្ត្រីវិញដូចតួនាទីប្រធាននាយកដ្ឋាននិងអគ្គនាយករងនៅតាមក្រសួងដែរ។

សម្រាប់នៅក្នុងកងកម្លាំងប្រដាប់អាវុធដូចជានៅក្រសួងមហាផ្ទៃប្រធាននិងអនុប្រធាននាយកដ្ឋានកណ្តាលក៍ត្រូវបានតែងតាំងដោយនាយករដ្ខមន្ត្រិដែរ។តែជាក់ស្តែងការតែងតាំងលោកហ៊ុនកឹមជាតិជាប្រធាននាយកដ្ឋានកណ្តាលយុត្តិធម៍ដោយសម្តេចធិបតីនាយករដ្ឋមន្ត្រីបានបង្កឲ្យមានភាពចម្រូងចម្រាស់ម្តងរួចហើយ។

គេនៅចាំបានថាកាលពីជំនាន់សម្តេចតេជោដឹកនាំរាជរដ្ឋាភិបាលចំរុះនៅពេលក្រសួងទេសចរណ៍គ្រប់គ្រងដោយរដ្ឋមន្ត្រីមកពីកូតាគណបក្សហ្វុនស៊ិនប៉ិចសម្តេចតេជោហ៊ុនសែន៏បានបង្កើតអាជ្ញាធរទេសចរណ៍គ្រប់គ្រងដោយសម្តេចវិបុលបញ្ញាសុខអានផងដែរ។ការបង្កើតអាជ្ញាធរទេសចរណ៍វាប្រៀបបាននិងការចូកស្មៅក្រោមជើងលោកវ៉េងសេរីវុធដែលជារដ្ឋមន្ត្រីក្រសួងទេសចរណ៍នៅពេលនោះ។ក្រោយមកក៏បានរំសាយចោលពេលលោកថោងខុនឡើងកាន់ជារដ្ឋមន្ត្រីហើយសម្តេចសុខអានបានចូលមរណៈភាព។

សម្រាប់អនុក្រិត្យស្តីពីការបង្កើតបណ្តាញអគ្គលេខាធិការដ្ឋាននៃក្រសួងស្ថាបន័នៃអង្គការនីតិប្រតិបត្តិហៅកាត់ថាបណ្តាញអគ្គលេខាធិការដ្ឋាននេះគឺគ្រប់គ្រងដោយរដ្ឋមន្ត្រីមុខងារសាធារណៈគឺឯកឧត្តមហ៊ុនម៉ានីដែលដើរតួនាទីជាមេចាត់តាំងទូទាំងប្រទេសផ្តាច់មុខក្រោមរូបភាពកំណែទម្រង់ស្ថាបន័។