មេគយធំបន្ទោសរឿងបាត់ចំណូលពន្ធប្រមាណ៤៧លានដុល្លារក្នុងមួយខែដោយសាររដ្ឋាភិបាលកែសម្រួលដោយមិននិយាយពីការចន្លោះប្រហោងដែលកូនចៅបន្លំប្រាក់ពន្ធ!?
21-September-2026 / សេដ្ឋកិច្ច
ភ្នំពេញ៖អគ្គនាយកដ្ឋានគយ និងរដ្ឋាករកម្ពុជា ប៉ានស្មានថា ចំណូលប្រមាណ ៤៧ លានដុល្លារ ត្រូវបានបាត់ក្នុងមួយខែៗ ។នៅថ្ងៃទី៧មេសាលោកគុនញឹមរដ្ឋមន្រ្តីប្រតិភូអមនាយករដ្ឋមន្ត្រីទទួលបន្ទុកអគ្គនាយកគយក្នុងជំនួបជាមួយក្រុមវិស័យឯកជនលោកឧកញ៉ាគិតម៉េងបានលើកមូលហេតុនៃការបាត់លុយពន្ធថាគឺដោយសារតែ ការកែសម្រួលអត្រាពន្ធ និងអាករ ស្របតាមវិធានការរបស់រាជរដ្ឋាភិបាលដែលបានដាក់ចេញ ដើម្បីសម្រាលបន្ទុករបស់ធុរជន និងប្រជាពលរដ្ឋ ក្នុងស្ថានការណ៍នៃការកើនឡើងខ្ពស់នៃតម្លៃប្រេងឥន្ធនៈជាសកល។
វិធានការទាំងនោះ រួមមាន ការកែសម្រួលអត្រាពន្ធនិងអាករសម្រាប់អនុវត្តចាប់ពីថ្ងៃទី១ ខែមេសា ឆ្នាំ២០២៦ ដែលមានខ្លឹមសារចម្បងគឺការបញ្ចុះពន្ធគយលើយានយន្តអគ្គិសនី, អាគុយ, បរិក្ខារសូឡា, និងចង្ក្រានអគ្គិសនី ដែលជាសម្ភារៈប្រើប្រាស់ចាំបាច់ប្រចាំថ្ងៃរបស់ប្រជាពលរដ្ឋ និង (២.) ការបន្ធូរបន្ថយបន្ទុកពន្ធ និងអាករនាំចូលប្រេង និងឧស្ម័នឥន្ធនៈ ដើម្បជួយបញ្ចុះតម្លៃ និងធានានិរន្តរភាពនៃការផ្គត់ផ្គង់។ទោះបីយ៉ាងណាចំនួនពន្ធគយអាចបាត់ច្រើនជាងនេះទៀតដោយសាររតែការគ្របគ្រង់ប្រមូលពន្ធដែលគយដាក់ចេញមិនបានល្អបង្កឲ្យមានបាត់បង់។តែលោកគុនញឺមមិនបាននិយាយដល់ទេ។
បើតាមក្រុមអាជីវករដឹកជញ្ជូនទំនិញ និងកសិផលឆ្លងកាត់ព្រំដែនកម្ពុជា-វៀតណាម ក្នុងភូមិសាស្ត្រខេត្តស្វាយរៀង បានអោយដឹងថាពួកគេមិនពេញចិត្ត ចំពោះសកម្ម ភាពរបស់សាខាគយនិងរដ្ឋាករខេត្តស្វាយ រៀង ដែលត្រូវបានគេរាយការណ៍ថា បានប្រើប្រាស់ភ្នាក់ងារស៊ីវិលឱ្យឈរជើងតាមដងផ្លូវ ដើម្បីរាប់ក្បាលរថយន្ត និងប្រមូលលុយក្រៅច្បាប់យ៉ាងចំហរដោយមិនញញើតច្បាប់ប្រឆាំងអំពើពុករលួយ។
លោក សំ សុវណ្ណារិទ្ធ ប្រធានសាខាគយនិងរដ្ឋាករខេត្តស្វាយរៀង ត្រូវបានមហាជនចោទប្រកាន់ដឹងថា បានចាត់តាំងភ្នាក់ងារស៊ីវិលឱ្យឈរជើងនៅតាមចំណុចយុទ្ធសាស្ត្រក្បែរច្រកព្រំដែននានា រួមមាន៖ ច្រករបៀងសំយ៉ោង ស្រុកកំពង់រោទិ៍ មានកម្លាំងស៊ីវិលឈរជើងក្បែរច្រក, ច្រករបៀងក្រសាំងជ្រំ ស្រុកស្វាយជ្រំ បោះទីតាំងចម្ងាយប្រហែល ២០០ម៉ែត្រពីច្រក, ច្រកទ្វេភាគីសំរោង ស្រុកចន្ទ្រា ឈរជើងចម្ងាយប្រហែល ៥០០ ម៉ែត្រ, ច្រកតំបន់ដូង ស្រុករមាសហែក តាំងកញ្ចុះក្បែរផ្លូវ ចម្ងាយប្រមាណ ៤០០ ម៉ែត្រ និងច្រកទ្វេភាគីបុសមន ស្រុករំដួល ឈរជើងចម្ងាយប្រហែល ២ គីឡូម៉ែត្រពីព្រំដែន។
បើតាមការអះអាងពីអាជីវករ ការបង់លុយទាំងនេះគឺធ្វើឡើងជាកំហិត និងមិនមានចេញបង្កាន់ដៃ ឬវិក្កយបត្រពន្ធចូលរដ្ឋនោះឡើយ ដោយប្រភេទរថយន្តវ៉េអងដឹកស្រូវ ច្រកបុសមន ត្រូវបង់ឱ្យភ្នាក់ងារគយ ២១០ ០០០ រៀល ១ជើង, គោយន្តកែច្នៃ ដឹកសំបកដប ច្រកបុសមន ត្រូវបង់ឱ្យភ្នាក់ងារគយ ៥០ ០០០ រៀល ១ជើង, រថយន្ត ២.៥ តោន ដឹកដូង ច្រកបុសមន ត្រូវបង់ឱ្យភ្នាក់ងារគយ ៥០,០០០ រៀល ១ជើង, រថយន្ត ៥ តោន ដឹកដូង ច្រកបុសមន ត្រូវបង់ឱ្យភ្នាក់ងារគយ ១០០ ០០០ រៀល ១ជើង, រថយន្តសាំយ៉ុង/កូរ៉េ ដឹកផ្លែឈើ ច្រកបុសមន ត្រូវបង់ឱ្យភ្នាក់ងារគយ ៨០០០០ - ២៥០,០០០ រៀល ១ជើង, រ៉ឺម៉កម៉ូតូ ដឹកគ្រឿងជ័រ តាមច្រកទ្វារព្រំដែនតំបន់ដូង ស្រុករមាសហែក ត្រូវបង់ ៤០,០០០ រៀល ១ជើង និងរថយន្តកូរ៉េ ១ តោន ដឹកក្តារបន្ទះ តាមច្រកទ្វារព្រំដែនតំបន់ដូង ត្រូវបង់ ១០០,០០០ រៀល ១ជើងដោយមិនមានចេញវិក័យបត្រ័អ្វីឡើយ។
ដៅយឡែកនៅខេត្តព្រៃវែង លោក គង់ សឺឌី មេការិយាល័យគយច្រកទ្វារព្រំដែនអន្តរ ជាតិម៉ឺនជ័យ និងសមត្ថកិច្ចពាក់ព័ន្ធប្រចាំការច្រកក៏មានសេចក្តីរាយការណ៍ថាបានឃុបឃិតគ្នាបណ្តោយឲ្យ ក្រុមឈ្មួញហ៊ានដឹកទំនិញគេចពន្ធទនិញបង់ពន្ធមិនគ្រប់ពីស្រុកយួនចូលមកស្រុកខ្មែរដោយគ្រាន់តែបង់ក្បាលឡាន ។
គយច្រកទ្វារព្រំដែន អន្តរ ជាតិម៉ឺនជ័យខេត្តព្រៃ វែងមានសេចក្តីរាយការណ៍ថាតម្រូវឲ្យបង់លុយលើតុ ក្រោមតុតាមប្រភេទេរថយន្ត។បើរថយន្តតូចធំៗចាប់ពី ២០ម៉ឺនរៀលទៅ៣០ម៉ឺនរៀល ចំណែក ឯរថយន្តសាំយ៉ុងដឹកទំនិញវិញក៍ ក្រុមមន្ត្រីគយតម្រូវ អោយបង់លុយ ចាប់ពី១០ ម៉ឺនរៀល ទៅ២០ម៉ឺនរៀល តាមការ កំណត់របស់លោក គង់ សឺឌី មេការិយាល័យគយច្រកអន្តរជាតិម៉ឺនជ័យដែរដោយមិនបានចេញវិកយ័បត្រ័ថាបានបង់ពន្ធចូលរដ្ឋឡើយ។
ប្រភពពីឈ្មួញដឹកទំនិញបានបន្ថែម ថា រាល់ថ្ងៃពួក គាត់រកស៊ីបានត្រឹមចិញ្ចឹមគយនិងសមត្ថកិច្ចពាក់ព័ន្ធ នៅច្រកម៉ឺនជ័យប៉ុណ្ណោះសម្រាប់ការបង់ជូនទៅសមត្ថកិច្ចច្រកទ្វារព្រំដែនអន្តរ ជាតិម៉ឺនជ័យនិងសមត្ថកិច្ចនៅតាមដងផ្លូវនិងក្រុមគយដោយគ្មានវិក្កយប័ត្រអ្វីទាំងអស់ជារួមហុចលុយរួចជាស្រេច ហើយការចំណាយលុយចាប់ពី១លានរៀល ទៅ២លានរៀលជារៀង រាល់ថ្ងៃ ។បើតាមសេចក្តីរាយការណ៍នេះសង្ឃឹមថា លោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា នឹងបកស្រាយថាតើហេតុអ្វីបានជាបើកដៃឲ្យមន្ត្រីគយយកលុយពន្ធដោយមិនចេញវិកយ័បត្រ័?។
