» អនុរដ្ឋលេខាធិការក្រសួងពត័មានប្រកាសថាព្រោះតែម៉ែធម៍បងធម៍គេបោកអស់៧ម៉ឺនដុល្លារ » សងនិងការធ្វើដិសណ្ឋារកិច្ចខ្ជីខ្ជារដោយមេដឹកនាំចិននាយករដ្ឋមន្ត្រីជប៉ុនប្រកាសពីកាតព្វកិច្ចជួយការពារតៃវ៉ាន់បើមានការវាយប្រហារ! » សម្តេចធិបតី ហ៊ុន ម៉ាណែត ចង់ឃើញកម្ពុជានាពេលខាងមុខមានផលិតផលខ្មែរតាមទីផ្សារក្នុងស្រុក ៨០ភាគរយ ផលិតផលនាំចូល២០ភាគរយ » គ្រាន់តែបើករថយន្តព័ទ្ធរង្វង់មូល ៤ទៅ៥ជុំក្នុងល្បឿនលឿនក៏ចាប់ខ្លួនបញ្ជូនទៅតុលាការដែរដោយចោទថា បង្កការភ័យខ្លាចដល់ប្រជាពលរដ្ឋ..! » កញ្ញាហុកសារីតាបវរកញ្ញាម្នាក់លើកទឹកចិត្តខ្លួនឯងរឿងមិនបានទទួលលុយពីការបោះឆ្នោតគាំទ្រ! » សេវាចុះហត្ថលេខាផ្ទេរកម្មសិទ្ធដីនៅឃុំកញ្ច្រៀច១ហិកតា១០០ដុល្លារ! » សមត្ថកិច្ច​កងរាជ​អាវុធ​ហត្ថ​ខេត្ត​ព្រះសីហនុ​ បានឃាត់ខ្លួន​ស្នងការរងនគរបាលខេត្តកំពតដោយសារគ្រឿងញៀន! » រឿងប្រដាប់!សង្ស័យថាមានទំនាក់ទំនងជាមួយប្រពន្ធប្ដីទ ប់កំហឹងមិនបានចា,ក់បុរសម្នាក់ស្លា ប់ ! » លោកត្រាំ សរសើរកិច្ចព្រមព្រៀងសន្តិភាពកម្ពុជា-ថៃ​ និងបន្តជម្រុញឲ្យជនភៀសសឹកខ្មែរ ២ម៉ឺននាក់បានវិលទៅ​លំនៅឋានវិញ! » ចោរលោភកាមលួចទូរសព្ទបានហើយ ទាឱ្យម្ចាស់ដោះសម្លៀកបំពាក់ជាថ្នូរនឹងការប្រគល់ឱ្យវិញ ជាប់ខ្នោះ! » សម្តេចធិបតី ហ៊ុន ម៉ាណែត៖ រដ្ឋសម្រេចផ្តល់ថវិកាដើម្បីធ្វើទំនើបកម្មវិស័យសុខាភិបាលជាអាទិភាពសម្រាប់សង្រ្គោះជីវិតមនុស្ស » មេអាមេរិកចិនរុស្ស៊ី ញញឹមចាប់ដៃគ្នាយ៉ាងស្និទ្ធស្នាល តែទទួលបានផលតិចតួច ដល់ពិភពលោក? » បន្ទាប់ពីកម្មកររោងចក្រ ខេមបូ យូនីសូល (Cambo Unisoll)ជិត២០០០នាក់ ធ្វើបាតុកម្ម២ថ្ងៃការចរចាបានសះជា » ប្រធានគណៈចលនាសាសនិកឥស្លាមខេត្តកំពង់ឆ្នាំងនាំយកអំណៅយជូនស្រីខ្មែរឥស្លាមក្រីក្រម្នាក់ ដែលបានសម្រាលកូនភ្លោះប្រុសពីរ » អង្គការឃ្លាំមើលសិទ្ធិមនុស្ស Human Rights Watchជម្រុញកម្ពុជាឲ្យស៊ើបអង្កេតរឿងឃាតកម្មលោកលឹមគឹមយ៉ា!

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 20365 នាក់

ម្សិលមិញ 22729 នាក់

សរុប 21299906 នាក់

តៃវ៉ាន់ឡើងសម្លេងជាមួយចិនដីគោកបន្ទាប់ពីអាមេរិកអនុមត័លក់អាវុធឲ្យថ្មីទៀត

ចិនតៃវ៉ាន់៖ មេដឹកនាំ​តៃវ៉ាន់ លោក Lai Ching-te នៅ​ថ្ងៃ​ពុធ ទី​១៩ ខែមិថុនា​នេះ​បាន​និយាយថា​ចិន​កំពុង​ព្យាយាម​បង្ខំ​ឱ្យ​តៃវ៉ាន់​ចុះចាញ់ ប៉ុន្តែ​លោក​អះអាងថា ទីក្រុង​តៃប៉ិ នឹងមិន​ចុះ​ញ៉ម​ចំពោះ​ការដាក់​សម្ពាធ​ពី​ប៉េកាំង​ជា​ដាច់ដាច​។ នេះ​បើតាម​ការចេញផ្សាយ​ដោយ​ទីភ្នាក់ងារសារព័ត៌មាន AFP​។​a president taivan 

​ថ្លែង​នៅឯ​សន្និសីទ​សារព័ត៌មាន​មួយ នៅ​ថ្ងៃ​ពុធ​នេះ​គម្រប់​មួយខែ​ដំបូង​នៃ​ការចូល​កាន់តំណែង លោក Lai Ching-te បាន​គូសបញ្ជាក់​ដូច្នេះ​ថា «​ការ​ក្រសោប យក​តៃវ៉ាន់ គឺជា​គោលនយោបាយ​ជាតិ​មួយ​របស់​សាធារណរដ្ឋ​ប្រជាមានិត​ចិន​។ ជាការ​បន្ថែម​ពីលើ​កម្លាំងយោធា ពួកគេ​បាន​បង្កើន​វិធីសាស្ត្រ​សម្លុត​គំរាម ដើម្បី​បង្ខំ​ឱ្យ​តៃវ៉ាន់​ចុះចាញ់​។ ប៉ុន្តែ តៃវ៉ាន់​នឹងមិន​ចុះ​ញ៉ម​សម្ពាធ​ទាំង​នោះឡើយ ហើយ​ប្រជាជន​តៃវ៉ាន់​នឹង​ការពារ​ដាច់ខាត​នូវ​អធិបតេយ្យ​ជាតិ ក៏ដូចជា ប្រកាន់យក​ប្រជាធិបតេយ្យ និង​សេរីភាព ជា​មាគ៌ា​ជីវិត​»​។​

​លោក Lai Ching-te ដែល​ត្រូវបាន​ចិន​ចាត់ទុកថា​ជា «​ជន​ឧទ្ទាម​ផ្ដាច់ខ្លួន​ដ៏​គ្រោះថ្នាក់​» បាន​សន្យា​បន្ត​អនុវត្តតាម​គោលនយោបាយ​មួយចំនួន របស់ អតីត​មេដឹកនាំ​តៃវ៉ាន់ លោកស្រី Tsai Ing-wen ក្នុងនោះ​រួមមាន​ទាំង​ការរក្សា​ស្ថានភាព​ដើម​នៃ​ជ្រោយ​ទាំងសងខាង​ច្រក​សមុទ្រ​តៃវ៉ាន់ ពោល​មិនចាំបាច់​ប្រកាស ឯករាជ្យ​អ្វី​នោះទេ ព្រោះ​សម្រាប់​រូបលោក តៃវ៉ាន់​មាន​ឯករាជ្យ​រួចទៅហើយ​។

ការពិតការឡើងសម្លេងរបស់ប្រធានាធិបតីតៃវ៉ាន់មិនមែនអត់អាងនោះទេព្រោះអា​មេ​រិ​ក បានអនុម័ត​ការលក់​ដ្រូ​ន និង​មី​ស៊ី​ល​ក្នុង​ទំហំ​ទឹកប្រាក់​ជាង ៣៦០​លាន​ដុល្លារ ទៅឱ្យ​កោះ​តៃវ៉ាន់ ក្នុងពេលដែល​ចិន​បន្ត​បង្កើន​ការធ្វើសកម្មភាព​យោធា នៅ​ជុំវិញ​ដែន​កោះ​មួយ​នេះ​ដែល​ប៉េកាំង​ចាត់ទុកថា​ជា​ផ្នែក​មួយ​នៃ​ទឹកដី​របស់ខ្លួន​។ នេះ​បើតាម​ការចេញផ្សាយ​ដោយ​ទីភ្នាក់ងារសារព័ត៌មាន Reuters នៅ​ថ្ងៃ​ពុធ ទី​១៩ ខែមិថុនា ឆ្នាំ​២០២៤​។​

​ទីភ្នាក់ងារសារព័ត៌មាន Reuters ដោយ​ផ្អែកលើ​ទីភ្នាក់ងារ​កិច្ចសហប្រតិបត្តិការ​ស​ន្តិ​សុខ​ការពារជាតិ​នៃ​មន្ទីរ​បញ្ច​កោណ បានឱ្យដឹង​ទៀតថា​អាវុធ​ដែល​សហរដ្ឋអាមេរិក យល់ព្រម​លក់​ឱ្យ​តៃវ៉ាន់ រួមមាន ដ្រូ​ន Switchblade និង​មី​ស៊ី​ល​ប្រឆាំង​រថក្រោះ រួមទាំង​បរិក្ខារ​ពាក់ព័ន្ធ​ផ្សេងទៀត​គិត​ជា​ទឹកប្រាក់ ៦០.២​លាន​ដុល្លារ ព្រមទាំង​ដ្រូ​ន​ប្រភេទ ALTIUS 600M-V និង​បរិក្ខារ​ពាក់ព័ន្ធ​ជាង ៣០០​លាន​ដុល្លារ​។ ទីភ្នាក់ងារ​របស់​មន្ទី​រ​បញ្ច​កោណ ក៏បាន​សង្កត់ធ្ងន់​ដែរ​ថា​ការលក់​អាវុធ​ទាំងនេះ​នឹងធ្វើ​ឱ្យ​សន្តិសុខ​របស់​តៃវ៉ាន់ កាន់តែ​ល្អប្រសើរ​ឡើង និង​អាច​ចូលរួមចំណែក​ក្នុងការ​ថែរក្សា ស្ថិរភាព​នយោបាយ តុល្យភាព​យោធា និង​ការរីកចម្រើន​សេដ្ឋកិច្ច​ក្នុង​តំបន់​។​
​

ក្រសួងការពារជាតិ​តៃវ៉ាន់​វិញ ក៏បាន​អរគុណ​សហរដ្ឋអាមេរិក​ផងដែរ សម្រាប់​កិច្ចប្រឹងប្រែង​បង្កើន​ការលក់​អាវុធ​ឱ្យ​កោះ​តៃវ៉ាន់​។ «​ប្រឈមមុខ​នឹង​ការធ្វើសកម្មភាព​យោធា​ជាប្រចាំ នៅ​ជុំវិញ​កោះ​តៃវ៉ាន់ ពី​សំណាក់​ចិន​កុ​ម្មុយ​និ​ស្ដ ការអនុម័ត​ការលក់​អាវុធ​នេះ​នឹង​ជួយ​ពង្រឹងសមត្ថភាព​តាមដាន និង​វាយប្រហារ ហើយ​អាចឆ្លើយតប​ភ្លាមៗ​ទៅនឹង​ការគំរាមកំហែង​ណាមួយ ពីស​ត្រូវ​»​។ នេះ​ជាការ​គូសបញ្ជាក់​របស់​ក្រសួងការពារជាតិ​តៃវ៉ាន់ ក្នុង​សេចក្ដីថ្លែងការណ៍​មួយ​។​

គួរ​បញ្ជាក់ថា សហរដ្ឋអាមេរិក មាន​កាតព្វកិច្ច​នៅក្រោម​ច្បាប់​មួយ​ដែល​តម្រូវ​ផ្ដល់ឱ្យ​តៃវ៉ាន់​នូវ​សមត្ថភាព​ការពារ​ខ្លួនឯង បើទោះជា​វ៉ាស៊ីនតោន​មិនមាន​ទំនាក់ទំនង​ការទូត​ផ្លូវការ​ជាមួយ​តៃប៉ិ និង​ជារឿយៗ​ធ្វើឱ្យ​ចិន​ក្ដៅក្រហាយ​ក៏ដោយ​។ ចិន​បាន​បង្កើន​ការធ្វើសកម្មភាព​ជាការ​ដាក់​សម្ពាធ​លើ​តៃវ៉ាន់ ក្នុងនោះ​រួមមាន​ទាំង​ការធ្វើ​សមយុទ្ធ​ឡោមព័ទ្ធ​ដែន​កោះ​មួយ​នេះ កាលពី​ខែឧសភា កន្លងទៅ បន្ទាប់ពី​លោក Lai Ching-te ឡើងកាន់តំណែង​ជា​មេដឹកនាំ​ថ្មី​របស់​តៃវ៉ាន់​។​

ចិន​បាន​អះអាងថា​តៃវ៉ាន់​ត្រឹមតែ​ជា​ផ្នែក​មួយ​នៃ​ទឹកដី​របស់ខ្លួន​ប៉ុណ្ណោះ ហើយ​បាន​ព្រមាន​ជារឿយៗ​ថា​នឹង​ប្រើ​កម្លាំង​ដើម្បី​បង្រួបបង្រួម​ជាមួយ​តៃវ៉ាន់ នៅក្នុង ករណី​ចាំបាច់​។ ប៉ុន្មាន​ឆ្នាំ​ថ្មីៗ​នេះ ចិន​បាន​បង្កើន​ការដាក់​សម្ពាធ​ទាំង​យោធា និង​នយោបាយ​លើ​កោះ​តៃវ៉ាន់ ដោយ​ក្នុងនោះ​មាន​ទាំង​ការធ្វើ​សមយុទ្ធ​យោធា ឡោមព័ទ្ធ​កោះ​តៃវ៉ាន់ ក្រោយ​លោក Lai Ching-te ឡើងកាន់តំណែង​ជា​មេដឹកនាំ​ថ្មី​របស់​តៃវ៉ាន់​កាលពី​ថ្ងៃទី​២០ ខែឧសភា​កន្លងទៅ​។​a president taivan2 

​

​