» សម្តេចធិបតី ហ៊ុន ម៉ាណែត ចង់ឃើញកម្ពុជានាពេលខាងមុខមានផលិតផលខ្មែរតាមទីផ្សារក្នុងស្រុក ៨០ភាគរយ ផលិតផលនាំចូល២០ភាគរយ » គ្រាន់តែបើករថយន្តព័ទ្ធរង្វង់មូល ៤ទៅ៥ជុំក្នុងល្បឿនលឿនក៏ចាប់ខ្លួនបញ្ជូនទៅតុលាការដែរដោយចោទថា បង្កការភ័យខ្លាចដល់ប្រជាពលរដ្ឋ..! » កញ្ញាហុកសារីតាបវរកញ្ញាម្នាក់លើកទឹកចិត្តខ្លួនឯងរឿងមិនបានទទួលលុយពីការបោះឆ្នោតគាំទ្រ! » សេវាចុះហត្ថលេខាផ្ទេរកម្មសិទ្ធដីនៅឃុំកញ្ច្រៀច១ហិកតា១០០ដុល្លារ! » សមត្ថកិច្ច​កងរាជ​អាវុធ​ហត្ថ​ខេត្ត​ព្រះសីហនុ​ បានឃាត់ខ្លួន​ស្នងការរងនគរបាលខេត្តកំពតដោយសារគ្រឿងញៀន! » រឿងប្រដាប់!សង្ស័យថាមានទំនាក់ទំនងជាមួយប្រពន្ធប្ដីទ ប់កំហឹងមិនបានចា,ក់បុរសម្នាក់ស្លា ប់ ! » លោកត្រាំ សរសើរកិច្ចព្រមព្រៀងសន្តិភាពកម្ពុជា-ថៃ​ និងបន្តជម្រុញឲ្យជនភៀសសឹកខ្មែរ ២ម៉ឺននាក់បានវិលទៅ​លំនៅឋានវិញ! » ចោរលោភកាមលួចទូរសព្ទបានហើយ ទាឱ្យម្ចាស់ដោះសម្លៀកបំពាក់ជាថ្នូរនឹងការប្រគល់ឱ្យវិញ ជាប់ខ្នោះ! » សម្តេចធិបតី ហ៊ុន ម៉ាណែត៖ រដ្ឋសម្រេចផ្តល់ថវិកាដើម្បីធ្វើទំនើបកម្មវិស័យសុខាភិបាលជាអាទិភាពសម្រាប់សង្រ្គោះជីវិតមនុស្ស » មេអាមេរិកចិនរុស្ស៊ី ញញឹមចាប់ដៃគ្នាយ៉ាងស្និទ្ធស្នាល តែទទួលបានផលតិចតួច ដល់ពិភពលោក? » បន្ទាប់ពីកម្មកររោងចក្រ ខេមបូ យូនីសូល (Cambo Unisoll)ជិត២០០០នាក់ ធ្វើបាតុកម្ម២ថ្ងៃការចរចាបានសះជា » ប្រធានគណៈចលនាសាសនិកឥស្លាមខេត្តកំពង់ឆ្នាំងនាំយកអំណៅយជូនស្រីខ្មែរឥស្លាមក្រីក្រម្នាក់ ដែលបានសម្រាលកូនភ្លោះប្រុសពីរ » អង្គការឃ្លាំមើលសិទ្ធិមនុស្ស Human Rights Watchជម្រុញកម្ពុជាឲ្យស៊ើបអង្កេតរឿងឃាតកម្មលោកលឹមគឹមយ៉ា! » ព្រះរាជក្រឹត្យថ្មីមន្ត្រីពន្ធនាគារទាំងអស់ចូលនីវត្តន៍នៅអាយុ៦០ឆ្នាំដូចមន្ត្រីរាជការស៊ីវិលដែរ » លោក ម៉ាក្រុន ឲ្យដឹងថា«ព្រះវិស្ណុផ្ទំ»នៃប្រសាទមេបុណ្យតាំង នៅសារមន្ទីរ Guimet បានទាក់ទាញមនុស្សរាប់ម៉ឺននាក់ ឱ្យស្គាល់អរិយធម៌កម្ពុជា

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2588 នាក់

ម្សិលមិញ 22729 នាក់

សរុប 21282129 នាក់

កញ្ញាហុកសារីតាបវរកញ្ញាម្នាក់លើកទឹកចិត្តខ្លួនឯងរឿងមិនបានទទួលលុយពីការបោះឆ្នោតគាំទ្រ!

 

ភ្នំពេញ៖តាមរយៈហ្វេសប៊ុកកញ្ញាហុសារីតាបានសសេរថា៖ខ្ញុំទៅប្រកួតនៅកម្មវិធីធំលំដាប់លេខ4 ដែលមានអ្នកប្រកួត 70ប្រទេសនៅក្នុងពិភពលោក តែអត់ទទួលបានលុយក្នុងការវ៉ូតចូលTop តើខ្ញុំគួរអន់ចិត្តរឺអត់?។a hok sarita3 

នាងបានផ្តល់ចម្លើយថា៖ខ្ញុំពិតជាមានមោទនភាពចំពោះខ្លួនឯងយ៉ាងខ្លាំង ព្រោះក្តីសុបិនក្នុងការចង់តំណាងកម្ពុជាលើឆាកអន្តរជាតិបានសម្រេចជោគជ័យ បន្ទាប់ពីឆ្លងកាត់ការប្រឡងជាច្រើនដងកន្លងមក។ ប៉ុន្មានខែមុននេះខ្ញុំ បានទទួលតួនាទី និងភារកិច្ចតំណាងកម្ពុជា ក្នុងនាមជាបវរកញ្ញាមួយរូប ចូលរួមប្រកួតកម្មវិធី Miss Supranational 2026 នៅប្រទេសប៉ូឡូញ ដែលជាកម្មវិធីប្រកួតសម្រស់ដ៏ធំលំដាប់ពិភពលោក។ នៅរាត្រីផ្តាច់ព្រ័ត្រចុងក្រោយ ជាថ្ងៃដែលខ្ញុំពិតជាមានមោទនភាពខ្លាំងបំផុតគឺខ្ញុំបានជាប់ក្នុងចំណោម Top 24 ដែលជាសមិទ្ធផលដ៏ធំមួយក្នុងជីវិត ដែលខ្ញុំបានយកមកជូនជាតិ ជូនប្រជាជនកម្ពុជាជាទីស្រឡាញ់ ជាពិសេសជូនដល់អ្នកគាំទ្រដែលបានខិតខំវូត Like និង Share ក្នុងកំឡុងពេលនោះ រហូតទទួលបានលទ្ធផល Top 24 នេះ។

នៅពេលនោះ ខ្ញុំទទួលបានការបោះឆ្នោតជាទឹកប្រាក់តិចតួចបំផុតពីមហាជន និងពីបងៗម្ចាស់ប្រេន ១ទៅ២នាក់តែប៉ណ្ណោះ ឬស្ថាប័នធំៗផ្សេងៗ​ ប៉ុន្តែខ្ញុំមិនដែលតូចចិត្តទេ ព្រោះខ្ញុំបានឈ្នះខ្លួនឯង និងបានឈ្នះមកុដនៅក្នុងប្រទេសរួចទៅហើយ។ ការពិតគឺថា "តម្លៃរបស់បវរកញ្ញាមិនត្រូវបានវាស់ដោយចំនួនទឹកប្រាក់ដែលគាំទ្រនោះទេ ប៉ុន្តែវាស់ដោយចិត្តអ្នកដែលយើងបានយកឈ្នះ និងកេរ្តិ៍ឈ្មោះដែលយើងបានកសាងឡើងដោយការខិតខំពី​សមត្ថភាព​ខ្លួនឯង។" ក្នុងកំឡុងពេលប្រកួត ការចំណាយគ្រប់យ៉ាងស្ទើរតែធ្លាក់លើខ្ញុំទាំងអស់ ទាំងឈុតសម្លៀកបំពាក់ ការធ្វើដំណើរទៅមក ការសុំទិដ្ឋាការ និងការងារផ្សេងៗទៀត ការងារផ្សេ​ងៗក៏បិទមិនសូវទទួលដោយទុកពេលវេលាផ្តោតទៅលើការប្រកួត​ ដែលសរុបការចំណាយគឺខ្ទង់ម៉ឺនដុល្លារ ប៉ុន្តែរាល់ការលំបាកទាំងនោះ បានបង្រៀនខ្ញុំថា ភាពរឹងមាំពិតប្រាកដមិនមែនមកពីការមានអ្នកគាំទ្រច្រើននោះទេ តែមកពីសមត្ថភាពក្នុងការក្រោកឈរឡើងដោយខ្លួនឯង ទោះបីជាគ្មាននរណាមើលឃើញក៏ដោយ។

ទឹកប្រាក់សម្រាប់ការវូត និងការលើកទឹកចិត្ត នរណាក៏ចង់បានដែរ ប៉ុន្តែបើមិនទទួលបាន ក៏មិនមានបញ្ហាអ្វីដែរ។ យ៉ាងណាមិញ ខ្ញុំក៏សូមចូលរួមសាទរដល់បវរកញ្ញាទាំងអស់ដែលទទួលបានប្រាក់រង្វាន់លើកទឹកចិត្ត ព្រោះពួកគាត់ហត់ណាស់ នឿយណាស់ ទាំងកម្លាំងកាយ និងកម្លាំងចិត្ត ព្រោះពួកគាត់គួរតែ​ស័ក្ដិសម​ជាមួយអ្វីដែលពួកគាត់គួរទទួលបាន។

ចូរចាំថា យើងមិនអាចបង្ខំឲ្យនរណាម្នាក់មកស្រឡាញ់ និងគាំទ្រយើងបានទេ​! យើងគ្រាន់តែបំពេញតួនាទីរបស់ខ្លួនឲ្យអស់ពីកម្លាំងកាយចិត្ត និងខិតខំឲ្យអស់ពីសមត្ថភាព នោះគឺគ្រប់គ្រាន់ហើយ ព្រោះក្តីស្រមៃរបស់យើងបានទៅដល់គោលដៅហើយ។ ទោះបីជាបានមកុដ និងមានអ្នកគាំទ្រច្រើនក្តី ឬមិនសូវមានអ្នកគាំទ្រច្រើនក្តី ក៏ត្រូវតស៊ូបន្តទៅមុខទៀត ព្រោះវាជាគោលដៅរបស់អ្នក មុនពេលដែលអ្នកចង់បានមកុដ

ចុងក្រោយនេះ ខ្ញុំចង់ផ្ញើសារមួយទៅកាន់បវរកញ្ញាកម្ពុជាគ្រប់រូប ទាំងអ្នកដែលកំពុងគ្រងមកុដ​ កំពុងតំណាងប្រទេស​កម្ពុជា និងអ្នកដែលកំពុងដេញតាមក្តីស្រមៃ៖ សូមកុំឲ្យតម្លៃខ្លួនឯងទាបជាងតម្លៃពិតរបស់អ្នក ដោយសារតែការគាំទ្រមិនគ្រប់គ្រាន់ ឬការមិនទទួលស្គាល់ពីមហាជន។ មកុដគឺជានិមិត្តរូប តែអ្វីដែលនៅសល់យូរអង្វែងជាងនោះ គឺគុណធម៌ ភាពក្លាហាន និងការប្តេជ្ញាចិត្តរបស់អ្នកក្នុងការតំណាងជាតិដោយការគោរព។ សូមបន្តឈរឲ្យខ្ពស់ ដើរឲ្យខ្លាំង និងភ្លឺថ្លាដោយខ្លួនឯង ព្រោះអ្នកគឺជាតំណាងនៃក្តីសង្ឃឹមរបស់កម្ពុជា។ សំណាងល្អដល់អ្នកទាំងអស់គ្នា។a hok sarita a hok sarita2