
វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 11488 នាក់
ម្សិលមិញ 14622 នាក់
សរុប 21248037 នាក់
ប្រទេសចិន៖បន្ទាប់ពីបានរំលឹកពីគុណបំណាច់របស់លោកពេលជួបប្រជុំកំពូលអាស៊ានអាមេរិកនៅទីក្រុងម៉ានិលក្នុងការធ្វើឲ្យមានកិច្ចព្រមព្រៀងឈប់បាញ់នៅកូឡាំពួនៅក្នុងកិច្ចប្រជុំAPECនាទីក្រុងជិនស្ហិនប្រទេសចិនថ្ងៃទី១៩វច្ឆិកាប្រធានាធិបតីអាមេរិក លោក ដូណាល់ ត្រាំ បានរំឭកម្តងទៀតពីកិច្ចព្រមព្រៀងសន្តិភាពកម្ពុជា-ថៃ ដែលសម្រេចបានកាលពីខែតុលា ឆ្នាំ២០២៥ ដោយចាត់ទុកថា ជាកិច្ចព្រមព្រៀងជាប្រវត្តិសាស្ត្រ ដែលបានជួយឱ្យប្រជាជនជាច្រើនវិលត្រឡប់ទៅលំនៅឋានវិញ។
ការលើកឡើងរបស់ប្រធានាធិបតីអាមេរិកបានកើតឡើងបន្ទាប់ពីនាយករដ្ឋមន្ត្រីកម្ពុជា សម្តេចធិបតី ហ៊ុន ម៉ាណែត បានបញ្ជាក់ប្រាប់មេដឹកនាំប្រទេសហគមន៍និយាយភាសារបារាំង(ហ្វ្រង់កូហ្វូន)កាលពីថ្ងៃទី១៥វិច្ឆិការនៅភ្នំពេញថា ប្រជាពលរដ្ឋខ្មែរជាង ២០ ០០០នាក់ នៅតែមិនអាចវិលត្រឡប់ទៅផ្ទះសម្បែងរបស់ខ្លួនបានឡើយទេ ដោយសារស្ថានការណ៍ព្រំដែននៅតែមានភាពផុយស្រួយនៅឡើយ។
ក្នុងសុន្ទរកថានៅកិច្ចប្រជុំសេដ្ឋកិច្ច APEC នៅទីក្រុងសិនជិន ប្រទេសចិន កាលពីថ្ងៃទី១៩ ខែវិច្ឆិកា ឆ្នាំ២០២៦ លោក ត្រាំ បានលើកឡើងពីតួនាទីរបស់លោក ក្នុងការជួយសម្របសម្រួលកិច្ចព្រមព្រៀងរវាងកម្ពុជា និងថៃ ដោយថា កិច្ចព្រមព្រៀងនេះបានអនុញ្ញាតឱ្យប្រជាជនជាច្រើនរាប់មិនអស់វិលត្រឡប់ទៅផ្ទះវិញ។
ដោយយកដៃគោះភ្លៅនាយករដ្ឋមន្ត្រីថៃ លោកអានុទីន ឆាន់វីរៈគុល ដែលអង្គុយក្បែរនោះ ពេលនិយាយដល់ចំណុចជម្លោះកម្ពុជា-ថៃ លោក ត្រាំ បានថ្លែងថា៖ «ដូចដែលអ្នកបានដឹងហើយថា កាលពីមួយឆ្នាំមុន យើងបានជួយសម្របសម្រួលឱ្យមានកិច្ចព្រមព្រៀងជាប្រវត្តិសាស្ត្ររវាងកម្ពុជា និងថៃ ដែលបានអនុញ្ញាតឱ្យប្រជាជនជាច្រើនវិលត្រឡប់ទៅកាន់លំនៅឋានរបស់ពួកគេវិញ»។សម្តីលោកត្រាំបានធ្វើឲ្យនាយករដ្ឋមន្ត្រីថៃដូទឹកមុខ។ជាមួយគ្នានោះដែរមេទព័ថៃលោកឆៃយ៉ាព្រឹកដួងប្រាផាត់អគ្គេលខាធិការក្រុមប្រឹក្សាសន្តិសុខជាតិថៃANSក៏បានបន្ទន់ឥរិយាបទទួលស្គាល់សិទ្ធកម្ពុជាក្នុងការលើកបញ្ហាជម្លោះថៃនៅក្នុងវេទិការអន្តរជាតិផងដែរ។