ក្រោមកិច្ចប្រជុំGBCលើកទី៣រដ្ឋមន្ត្រីការពារជាតិកម្ពុជាថៃស៊ីញ៉េកិច្ចព្រមព្រៀងឈប់បាញ់

ចន្ថាបុរីថៃ៖យោងតាមសេចក្ដីថ្លែងការណ៍រួម នៃកិច្ចប្រជុំពិសេសគណៈកម្មាធិការព្រំដែនទូទៅ (GBC) លើកទី៣ រវាងព្រះរាជាណាចក្រកម្ពុជា និងព្រះរាជាណាចក្រថៃ នៅច្រកព្រំដែនអន្តរជាតិព្រំ ខេត្តប៉ៃលិន ប្រទេសកម្ពុជា-បានផាកកាត ខេត្តចន្ទបុរី ប្រទេសថៃ ថ្ងៃទី២៧ ធ្នូ ២០២៥។ទោះបីយ៉ាងណាមុនបទឈប់បាញ់ចូលជាធរមានម៉ោង១២ថ្ងៃត្រង់ថៃបានសម្រុកវាយលុកទម្លាក់គ្រាប់បែកយ៉ាងសាហាវចូលទឹកដីកម្ពុជាប្រៀបដូចជាយកកាំភ្លើ់ងភ្ជង់ក្បាលកម្ពុជាចឹងដែរ។ 

ខ្លឹមសារសំខាន់ៗនសកិច្ចប្រជុំវិសាមញ្ញ GBC គឺជាយន្តការមួយផ្នែកនៃការអនុវត្ត”បទឈប់បាញ់” ដែលចុះហត្ថលេខាក្រោមការសម្របសម្រួលរបស់ប្រធានអាស៊ានប្តូរវេន “ម៉ាឡេស៊ី និងប្រធានាធិបតី Donald Trump”។ នៅក្នុងយន្តការនេះដើម្បីធានាបាននូវសន្តិភាពយូរអង្វែងមានការរៀបចំនូវសកម្មភាពយុទ្ធសាស្រ្តជាច្រើនដើម្បីសម្រេច។សម្រាប់កិច្ចប្រជុំថ្ងៃ២៧ ខែធ្នូគឺជាវិធានការបន្ទាន់ដើម្បីសម្រួល និងជម្រុញការអនុវត្តបទឈប់បាញ់ដើម្បីរក្សាសន្តិភាពយូរអង្វែង។

សេចក្តីថ្លែងការណ៍នៃកិច្ចប្រជុំ មិនមែនជា ”សន្ធិសញ្ញា ឬកិច្ចព្រមព្រៀង” ដែលយកជាផ្លូវការអន្តរជាតិបានទេ។វាជាការងាររបស់”គណៈកម្មាធិការកិច្ចការព្រំដែនទូទៅ”GBC.ដែលជាស្ថាប័នអព្យាក្រឹត ឬអាចហៅងាយៗថា ”ចៅក្រម ឬក្រុមជំនុំជម្រះក្តី” ដែលត្រូវការភស្តុតាង ឯកសារយោង និងការផ្ទៀងផ្ទាត់ត្រឹមត្រូវមុននឹងវិនិច្ឆ័យសម្រេច។ ក្នុងនោះចំណុចសំខាន់គឺឈប់បាញ់ជាបន្ទាន់នៅម៉ោង ១២:០០ ថ្ងៃទី២៧ ខែធ្នូ ២០២៥។

កិច្ចប្រមព្រៀងឈប់បាញ់គឺបញ្ឈប់ការប្រើប្រាស់អាវុធគ្រប់ប្រភេទ គ្រប់តំបន់ និងគ្រប់គោលដៅទោះក្នុងកាលៈទេសៈណាក៏ដោយមិនត្រូវបំពានកិច្ចព្រមព្រៀងនេះជាដាច់ខាត។ មិនថាគេឌឺឱ្យបាញ់ បញ្ឆោតឱ្យបាញ់ ឬឌឺក្នុងរូបភាពណាមួយក៏ដោយ ដែលទោះជាសកម្មភាពរាយលួសខាងក្រោមជាដើម។ បញ្ឈប់ការវាយប្រហារលើជនស៊ីវិល គោលដៅនិងហេដ្ឋារចនាសម្ព័ន្ធ និងកម្មវត្ថុយោធាទាំងអស់។ភាគីទាំងពីរអនុញ្ញាតិឲ្យជនស៊ីវិលអាចវិលទៅផ្ទះសម្បែងរបស់ខ្លួនវិញដោយសុវត្ថិភាព។កងកម្លាំងត្រូវរក្សាការឈរជើងនៅទីតាំងបច្ចុប្បន្ន មិនឱ្យចល័តចូលទីតាំងរបស់ភាគីម្ខាងទៀត ”Freeze current troop positions “

កិច្ចព្រមព្រៀងមិនមែនសន្ធិសញ្ញាកាត់ដីទេតែគឺយោងតាមស្ថានភាពជាក់ស្តែងតែប៉ុណ្ណោះ។ចំណែកការកំណត់ព្រំដែន និងការបញ្ជាក់ពីកម្មសិទ្ធនៃបូរណភាពទឹកដីត្រូវអនុវត្តទៅតាមតួរនាទីរបស់គណៈកម្មការចំរុះព្រំដែន “Joint Borders Committee” “JBC” ធ្វើបន្តក្នុងក្របខ័ណ្ឌ GBC ស្របតាមស្មារតីនៃបទឈប់បាញ់។បើផ្អែកលើកិច្ចព្រមព្រៀងក្នុងកិច្ចប្រជុំនេះGBCមិនទាន់អាចសន្មត់ថាបាត់ទឹកដី ខ័ណ្ឌសីម៉ា នៅឡើយទេ។កិច្ចព្រមព្រៀងក៏បានកំណត់ថាភាគីសងខាងត្រូវតែអនុវត្តដែលបូករួមទាំងការដោះលែងកងទ័ព ១៨នាក់មកវិញផងដែរបន្ទាប់ពី៧២ម៉ោង។